Morgunblaðið - 07.08.2020, Blaðsíða 6

6
MORGUNBLAÐIÐ FÖSTUDAGUR 7. ÁGÚST 2020
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir
Sími 555 3100 www.donna.is
Erum nú á Facebook:
donna ehf
Nánari upplýsingar í vefverslun
www.donna.is
Honeywell borðviftur, gólfviftur
og turnviftur – gott úrval.
Hljóðlátar viftur í svefnherbergi.
Viftur semgefa gust á vinnustaði.
BAKSVIÐ
Aron Þórður Albertsson
aronthordur@mbl.is
Gera má ráð fyrir að atvinnuleysi
verði á bilinu átta til tíu prósent þeg-
ar líða tekur á haustið. Uppsagnar-
frestur fjölda einstaklinga rennur út
um það leyti sem ýta mun undir at-
vinnuleysi. Þetta segir Frank Frið-
rik Friðriksson, hagfræðingur hjá
Vinnumálastofnun.
Að hans sögn var atvinnuleysi í
júlímánuði um 7,6 til 7,8%. Þannig
fækki einstaklingum á hlutabótum,
en færist þess í stað yfir á almennar
atvinnuleysisbætur. „Það virðist
vera minnkun í skertu starfshlufalli
og aukning í almenna atvinnu-
leysinu,“ segir Frank og bætir við að
fjölga kunni í síðarnefnda hópnum á
næstu mánuðum. Muni þar mikið um
hópuppsagnir hjá stórum fyrirtækj-
um á borð við Icelandair. „Ef maður
horfir til baka er hægt að áætla að
uppsagnarfrestir séu að meðaltali
þrír mánuðir. Þetta kemur því fram í
ágúst eða september og það er tals-
verður fjöldi fólks,“ segir Frank, en
lítill hluti umrædds hóps hefur verið
endurráðinn.
Fjórar hópuppsagnir í júlí
Að því er fram kemur í tilkynn-
ingu Vinnumálastofnunar voru fjór-
ar hópuppsagnir í júlímánuði. Í þeim
missti 381 starfsmaður vinnuna, en
flestir þeirra störfuðu á höfuðborg-
arsvæðinu. Er þar um að ræða 304
blaðbera sem Póstdreifing sagði upp
undir lok mánaðar. Var þeim sagt
upp vegna endurskipulagningar hjá
fyrirtækinu. Í hótel- og veitinga-
starfsemi á Austurlandi misstu 28
manns vinnuna, 21 í fiskvinnslu á
Vesturlandi og 28 í ferðaþjónustu-
fyrirtæki á Suðurlandi. Búið er að
gefa út tilkynningu þess efnis að
blaðberarnir verði ráðnir að nýju, en
auk þess segir Frank að gera megi
ráð fyrir endurráðningum hjá einu
síðastnefndu fyrirtækjanna.
Uppsagnarfrestir starfsfólksins
eru á bilinu einn til þrír mánuðir og
lýkur því í september, október eða
nóvember.
Umsóknum fjölgar áfram
Þórður S. Óskarsson, fram-
kvæmdastjóri Intellecta, segir að
umsóknum hafi fjölgað talsvert allt
frá því heimsfaraldurinn barst hing-
að til lands. „Umsóknum hefur fjölg-
að sem eru merki um að það sé at-
vinnuleysi að gera vart við sig. Það
eru margir að reyna að skipta um
störf þannig að það er úr mörgum að
velja,“ segir Þórður og bætir við að
fyrirtæki haldi nú að sér höndum. Af
þeim sökum sé ráðið í færri stöður
en gert væri í eðlilegu árferði. „Þetta
fer eftir því hvernig faraldurinn
þróast, en ég tel að menn verði var-
kárari næstu vikur og mánuði. Það
verður ráðið í nauðsynlegar stöður
og annað sem verður að ráða í,“ segir
Þórður.
Spurður hvort einstaklingar kunni
að neyðast til að leita sér að vinnu á
öðrum vettvangi kveður Þórður já
við. „Í ákveðnum geirum er verið að
fækka fólki og þá er það skynsemin
sem ræður för. Einstaklingar reyna í
framhaldinu að finna sér störf sem
eru óskyld,“ segir Þórður en tekur
þó fram að stjórnendur fyrirtækja
taki oft og tíðum við sér skömmu eft-
ir verslunarmannahelgi. „ Sumarið
er yfirleitt rólegt og minna um
breytingar. Fyrirtækin fara hins
vegar meira í gang á haustin og ráða
í stöður sem beðið hafa. Ég á jafn-
framt von á því að það verði fleiri
umsækjendur með haustinu.“
Líkur á að atvinnuleysi
aukist með haustinu
 Atvinnuleysi gæti náð 10%  Starfsumsóknum fjölgar
Morgunblaðið/Eggert
Framkvæmdir Ríkið mun setja aukið púður í framkvæmdir í haust.
Veronika S. Magnúsdóttir
veronika@mbl.is
„Við höfum þurft að vara fyrirtæki
við því að óeðlilegar verðhækkanir
gætu farið gegn samkeppn-
islögum,“ segir Páll Gunnar Páls-
son, forstjóri Samkeppniseftirlits-
ins.
Samkeppniseftirlitinu hafa bor-
ist ábendingar um óeðlilegar verð-
hækkanir á sóttvarnavörum í ljósi
aukinnar eftirspurnar í kórónu-
veirufaraldrinum en engin fyrir-
tæki hafa enn verið sektuð vegna
þessa.
Í ljósi nýrra sóttvarnareglna
hefur sala á andlitsgrímum stór-
aukist í takt við eftirspurn. Verð-
lag á grímum er misjafnt eftir
verslunum en sem dæmi má nefna
að hægt er að fá 50 þriggja laga
grímur í pakka frá einni verslun á
6.990 krónur en annars staðar er
verðið 9.580 kr. fyrir sama fjölda
grímna, einnig þriggja laga.
Svipuð staða og þegar
spurn eftir handspritti jókst
Breki Karlsson, formaður Neyt-
endasamtakanna, segir mikilvægt
að neytendur séu á varðbergi og
beri saman verð á andlitsgrímum.
„Okkur hafa borist ábendingar
um að þessar grímur séu dýrar og
það sé mikill verðmunur,“ segir
Breki. Samtökin bendi á að til-
kynna slíkt til Samkeppniseftieft-
irlitsins.
Svipuð staða hafi komið upp
þegar handspritt varð eftirsóttari
vara en áður, í byrjun faraldursins.
„Þær þurfa að uppfylla örygg-
isstaðla og það er betra fyrir um-
hverfið að nota margnota grímur,“
segir hann.
Andlitsgrímur eru nú orðnar
meðal þeirra vara sem teljast
nauðsynlegar í vissum aðstæðum í
ljósi sóttvarnareglna, þar sem ekki
er hægt að tryggja tveggja metra
millibil, sér í lagi í samgöngum og
þar sem nálægð milli ótengdra að-
ila er óumflýjanleg.
Auður Ólafsdóttir, verk-
efnastjóri verðlagseftirlits hjá
ASÍ, segir að unnið sé nú að því að
bera saman verð á andlitsgrímum
og gefa út leiðbeiningar til neyt-
enda í því samhengi.
Andlitsgrímur hafa víða selst
upp í verslunum landsins í kjölfar
sóttvarnareglna þess efnis. Lýsti
birgðastjóri Tandurs því í samtali
við mbl.is í gær að þrátt fyrir að
sendingar með andlitsgrímum hafi
selst upp hafi nýjar grímur ekki
verið keyptar strax, þar sem borið
hafði á verðhækkunum birgja
vegna eftirspurnar.
Verðlagið á grímum misjafnt
 Samkeppniseftirlitið fylgist með hvort fyrirtæki breyti verðlagi á grímum
 50 grímur með þrískiptu lagi á 2.439 kr. í einni verslun en 6.990 í annarri
Morgunblaðið/Eggert
Grímur Strætó hagar sínum reglum er varðar grímuskyldu, að sögn Þórólfs. Miðað er við ferðir lengri en hálftíma.
Fermingar haustsins munu allar
fara fram þrátt fyrir hertar sótt-
varnareglur. Einungis nánasta fólk
fermingarbarna getur verið viðstatt
athafnir og engin altarisganga verð-
ur, svo unnt sé að fylgja tveggja
metra reglunni. Fermingarnar
munu fara fram í ágúst og septem-
ber og athöfnum fjölgar en misjafnt
verður eftir kirkjum landsins hvern-
ig athöfnum er háttað.
„Það var tekin ákvörðun hjá kirkj-
unni að hafa óbreytta dagskrá varð-
andi hvernig við högum fermingum í
sambandi við hertar reglur,“ segir
Pétur G. Markan, upplýsingafulltrúi
Biskupsstofu. Athöfnum fjölgar og
færri börn verða fermd í einu.
Pétur segir þessar breyttu að-
stæður hafa haft ýmislegt jákvætt í
för með sér:
„Það eru margir prestar sem lýsa
þeirri reynslu að börnin séu að velta
fyrir sér og átta sig betur á raun-
verulegum tilgangi fermingarinnar
frekar en hversu stór kransakakan
eigi að vera,“ segir hann.
Morgunblaðið/Eggert
Fermingar Engin altarisganga
verður í haust, líkt og í vor.
Fermingar
fara fram
 Engin altarisganga
 Fleiri athafnir
» Costco: 50 stykki á 2.439 kr.
» Málningarvörur: 50 stykki á
9.580 kr.
» Würth: 50 stykki á 6.990 kr.
» Lyf og heilsa: 210 kr. stykkið
» Lyfja: 214 kr. stykkið
» Apótekið: 213 kr. stykkið
Verð borið saman
ÞRIGGJA LAGA GRÍMUR
ÁHRIF KÓRÓNUVEIRUNNAR Á ÍSLANDI