Morgunblaðið - 04.09.2020, Síða 28
28 MENNING
MORGUNBLAÐIÐ FÖSTUDAGUR 4. SEPTEMBER 2020
Dalvegi 10-14, 201 Kópavogi - Sími: 555-1212 - handverkshusid.is
Opið frá kl. 8 - 18 virka daga og 12 - 16 laugardaga
VILTU LÆRA SILFURSMÍÐI,
TÁLGUN EÐA TRÉRENNSLI?
Fjölmör
stuttnáms
í handve
g
keið
rki.
Skráning og upplýsingar á
www.handverkshusid.is
úr silki
LEIKFÖNG
Nýbýlavegur 8 – Portið, sími 847 1660, www.bambus.is, bambus@bambus.is
bambus.is bambus.is • Opið mánudaga og fimmtudaga frá kl. 10-14
Ný og endurbætt
netverslun
Einar Falur Ingólfsson
efi@mbl.is
Um leið og við þrír fórum að spila þetta sam-
an fann ég að þetta tríó hentaði þessu efni
mjög vel. Það er einhver skilningur á efni-
viðnum sem gengur vel upp,“ segir Agnar
Már Magnússon djasspíanóleikari og tón-
skáld um lögin á nýjum diski hans sem verður
kynntur á útgáfutónleikum í Norðurljósasal
Hörpu annað kvöld, laugardagskvöld, klukk-
an 20.45. Eru tónleikarnir á dagskrá Jazzhá-
tíðar Reykjavíkur.
Auk Agnars Más skipa tríóið þeir Valdimar
Kolbeinn Sigurjónsson á kontrabassa og
Matthías Hemstock á trommur. Diskurinn
heitir Mór og á honum vinna félagarnir með
útgáfur Agnars Más á þjóðlögum – meðal
annars hljóma hér Ísland farsælda frón, Graf-
skrift Sæmundar Klemenssonar og Blá-
stjarnan. Þá eru á diskinum tvö lög í jarð-
litum eftir Agnar sjálfan, Mór og Svörður.
Auk þremenninganna leikur á diskinum
hornkvartett sem skipa þeir Stefán Jón Bern-
harðsson, Frank Hammarin, Asbjørn Ibsen
Bruun og Nimrod Ron og koma þeir allir
fram á tónleikunum.
Frjálsar hendur
Þetta er annar diskurinn sem Agnar Már
sendir frá sér með tríóinu þar sem hann tekst
á við þjóðlagaarfinn og rímur í nýrri tónlist.
Sá fyrri, Láð, kom út 2007 og vakti skiljan-
lega athygli enda eitthvað það besta sem
blaðamaður hefur heyrt koma frá þessari
kynslóð íslenskra djassleikara.
„Upphaflega ætlaði ég ekki að gera meira í
þessa veru eftir að ég sendi Láð frá mér fyrir
13 árum, mér fannst ég vera búinn með þenn-
an pakka,“ segir Agnar Már. „En gegnum tíð-
ina hafa bæst við hjá mér fleiri þjóðlög sem
ég hef unnið eitthvað með. Hægt og rólega
bættust því við lög og á endanum hóaði ég í
Matta og Valda og hafði stemninguna svipaða
og á fyrri plötunni.“
Agnar Már segir lögin sem hann semur
sjálfur kallast á við þjóðlagastefin og hafa
orðið til á seinni stigum vinunnar að plötunni,
og með þá þrjá í huga. „Þegar ég sem tónlist
er ég oftast með ákveðna hljóðfæraskipan eða
hljóðfæraleikara í huga, ég heyri þeirra sánd
fyrir mér og hvernig þeir muni túlka verkin.
Þessi þjóðlög eru frekar knöpp músík að
vinna með, þetta eru litlar og einfaldar meló-
díur en margt ósagt sem hægt er að leika sér
með því þær skilja eftir endalaust pláss að út-
setja. Innan ramma laglínanna má hafa mjög
frjálsar hendur.“
Fyrir kjötsúpu og réttir
Norrænir djassmenn hafa oft leitað í þjóð-
lagaarf heimalandanna og þeirra þekktastur
er líklega sænski píanóleikarinn Jan Johans-
son. Þegar Agnar er spurður hvort hann hafi
haft slík efnistök í huga segist hann vissulega
hafa þekkt til verka Johanssons þegar hann
gerði Láð.
„Það var fyrsta platan eftir að ég flutti
heim frá New York þar sem ég var í námi. Ég
hafði gert þar eina plötu, sem var alþjóðlegri,
árið 2001 en svo kom engin plata frá mér fyrr
en Láð sex árum seinna. Ég var á þeim tíma
mjög hugsi yfir því hvað ég ætti að gera; ég
var búinn að leika í New York með drauma-
bandinu mínu og fannst erfitt að finna út hvað
ég ætti að gera næst. Þá var lendingin að fara
ofan í einhverjar rætur og úr varð að ég fór
að hlusta á Jón Leifs og rímasöng, þar sem er
mjög mikil jarðtenging. Þar fann ég líka frelsi
til að geta búið til mitt alþjóðlega djass-tvist á
tónlistararfinn, þar sem ég velti fyrir mér
hvernig alíslensk djassmúsík myndi hljóma
væri hún til. Láð kom út úr þeim pælingum
og nú mætti ég þessum arfi aftur, eftir að
hafa sent frá mér í millitíðinni alla vegana
djasstónlist, en er bara miklu afslappaðri
núna.“
Blaðamaður hefur á orði, eftir að hafa hlýtt
nokkrum sinnum á nýja diskinn, að það sé við
hæfi að gefa hann út nú að hausti; það séu
ríkir mollhljómar í honum, og hausthljóð.
Agnar Már tekur brosandi undir það. „Mór-
inn rímar vel við þennan árstíma; þetta er
tónlist fyrir kjötsúpu og réttir,“ segir hann.
Morgunblaðið/Einar Falur
Djassmaðurinn „Innan ramma laglínanna má hafa mjög frjálsar hendur,“ segir Agnar Már.
Margt ósagt sem má leika sér með
Agnar Már Magnússon kynnir plötuna Mór á tónleikum í Hörpu á morgun Í annað sinn sem
hann tekst á við þjóðlög og rímur á plötu Einfaldar melódíur en endalaust pláss til að útsetja
Fjölþætt listaverkefni hóf göngu sína í gær og stend-
ur yfir fram í lok mánaðar, 30. september. Nefnist
það Vestur í bláinn og er bæði tónlistarverkefni og
listasýning. Verkefnið fjallar um innflytjendur á Ís-
landi og býður upp á næma og ljóðræna nálgun á
hugmyndir um hið ókunnuga, svo vitnað sé í tilkynn-
ingu.
Tónlistarhluti verkefnisins var gefinn út rafrænt
fyrr í vikunni en listsýningin mun eiga sér stað á tíu
ólíkum og opinberum stöðum í Reykjavík til 30. sept-
ember.
Raddir tengdar saman
„Vestur í bláinn byrjaði sem tilraunakennt tónlist-
arverkefni Juliusar Pollux, þar sem hann tengir sam-
an raddir innflytjenda og flóttafólks á Íslandi og sína
eigin upplifun af viðfangsefninu í gegnum tónlist.
Claire Paugam og Julius Pollux gengu síðan til
samstarfs til að víkka verkefnið út; gera listsýningu
úr því, færa hið pólitíska inn í ljóðrænt samhengi,
hvetja til hlustunar og upplifunar á sögum, aðstæðum,
tilfinningum og bakgrunni fólks með sjónarhorn húm-
anisma og samkenndar að leiðarljósi,“ segir í tilkynn-
ingu og að myndlistarfólki hafi verið boðið að eiga í
samtali við tónlistarverkefnið og afrakstur þess séu
þau tíu listaverk sem eru nú til sýnis á jafnmörgum
stöðum, þ.e. Hlemmi, Nýlistasafninu, Hörpu, Mjódd,
Andrými, Vesturbæjarlaug, Borgarbókasafninu
Gerðubergi, Ráðhúsinu, Kaffi Laugalæk og Hafnar-
húsinu.
„Vestur í bláinn miðar að því að bjóða upp á rými
fyrir alls konar raddir, ólík tungumál og margvíslegar
sögur af fólki af fjölbreytilegum uppruna, sem sjaldan
heyrast í listaheiminum eða á opinberum vettvangi,“
segir enn fremur í tilkynningunni og má finna frekari
upplýsingar og hlusta á tónlistina á vefslóðunum vest-
uriblainn.net og juliuspollux.bandcamp.com.
Næm og ljóðræn nálgun
Sýningarstjórar Julius Pollux og Claire Paugam .
Sýningar hefj-
ast á ný í
kvöld á Kart-
öflum í Borg-
arleikhúsinu.
Um er að
ræða verk
sem fjöl-
listahópurinn
CGFC vann
undir merkjum Umbúðalauss og
frumsýndi á síðasta leikári, en
verkið var tilnefnt til Grímunnar í
vor fyrir Leikrit ársins. Umbúða-
laust er vettvangur þar sem ungt
sviðslistafólk fær frelsi til að þróa
hugmyndir sínar og setja upp sýn-
ingar með lítilli umgjörð. Næstu
sýningar verða 5. og 11. sept-
ember.
Kartöflur á boð-
stólum í kvöld Magnús Geir Þórðarson þjóðleik-
hússtjóri og Marta Nordal, leik-
hússtjóri Leikfélags Akureyrar,
hafa skrifað undir samkomulag um
stóraukið samstarf menningar-
stofnananna tveggja. „Samkomu-
lagið er fjórþætt. Leikhúsin munu
sýna gestasýningar a.m.k. einu sinni
á ári hvort hjá öðru. Í öðru lagi
munu þau sameinast um að fram-
leiða eina sýningu sem verður sett
upp á báðum stöðum. Í þriðja lagi
felur samkomulagið í sér möguleika
á láni á búningum, leikmunum og
tæknibúnaði á milli húsanna eftir því
sem aðstæður leyfa. Síðast en ekki
síst munu verða aukin tækifæri fyrir
starfsfólk húsanna til að auka sam-
vinnu sín á milli og miðla þekkingu,
og lista- og tæknifólk mun í ein-
hverjum tilfellum geta starfað við
verkefni í báðum leikhúsum,“ segir í
tilkynningu. Á komandi leikári mun
Þjóðleikhúsið sýna Upphaf eftir
David Eldridge á Akureyri og stefnt
er að sýningu á Vorið vaknar í upp-
setningu LA á næsta ári. Þá munu
leikhúsin vinna sameiginlega að
uppsetningu á Krufning sjálfsmorðs
eftir Alice Birch.
Stóraukið samstarf tveggja leikhúsa
Leikhússtjórar Magnús Geir og Marta.