Morgunblaðið - 12.09.2020, Blaðsíða 45

Markahæst Ragnheiður Júlíusdóttir skýtur að marki HK-inga í gærkvöldi.
Hún skoraði flest mörk í leiknum, tólf talsins, þar af fimm úr vítum.
HANDBOLTINN
Kristófer Kristjánsson
kristoferk@mbl.is
Deildarmeistarar Fram mörðu sigur
á HK í fyrstu umferð Olísdeildar
kvenna í handknattleik í Safamýr-
inni í gærkvöldi, lokatölur 25:24 í
Framhúsinu.
Framkonur voru á toppnum á síð-
ustu leiktíð með fimm stiga forskot á
Val þegar tímabilinu var aflýst en
þrjár umferðir voru eftir. Þær eru
með eitt besta lið deildarinnar en
hefja þó keppni í vetur væng-
brotnar. Landsliðskonurnar Þórey
Rósa Stefánsdóttir og Karen Knúts-
dóttir eru báðar barnshafandi og
verða ekki með framan af vetri og þá
eru Karólína Bæhrenz og Hafdís
Renötudóttir markvörður meiddar.
Það kom því kannski ekki á óvart að
Framarar lentu í talsverðum erfið-
leikum með HK í gær. Mörk stór-
skyttunnar Ragnheiðar Júlíusdóttur
reyndust að lokum ríða baggamun-
inn. Hún skoraði 12 mörk, þar af
fimm úr vítum, og var langmarka-
hæst. Fjórir Framarar voru með
þrjú mörk hver og hjá gestunum
skoraði Díana Krístín Sigmarsdóttir
sex mörk.
HK-ingar áttu marga fína leiki í
fyrra og sýndu það í gær að þær eru
lið sem getur tekið stig af hverjum
sem er á góðum degi. Það er þó ekki
mikil breidd í liðinu og sömuleiðis
vantar lykilmenn í Kópavoginn
vegna meiðsla.
Stjarnan sannfærandi
Stjarnan vann sannfærandi 29:21-
sigur á FH í upphafleiks deild-
arinnar fyrr um daginn í TM-
höllinni í Garðabæ.
Hin 41 árs gamla Hanna Guðrún
Stefánsdóttir fór á kostum fyrir
heimakonur og skoraði níu mörk í
fyrri hálfleik. Britney Cots var
markahæst í liði FH með 11 mörk en
munurinn reyndist kannski sá að í
liði Stjörnunnar var framlagið meira
frá næstu leikmönnum. Helena Rut
Örvasdóttir skoraði sex mörk og
Anna Karen Hansdóttir skoraði
fimm. Hjá Stjörnunni var Emilía
Ósk Steinarsdóttir næstmarkahæst
með fjögur mörk en enginn annar
leikmaður skoraði meira en eitt.
Morgunblaðið/Eggert
Vængbrotnir
Framarar unnu
 Stjarnan vann stórsigur í fyrsta leik
ÍÞRÓTTIR 45
MORGUNBLAÐIÐ LAUGARDAGUR 12. SEPTEMBER 2020
HANDBOLTINN
Kristófer Kristjánsson
kristoferk@mbl.is
Selfyssingar gerðu sér lítið fyrir og
lögðu Stjörnuna að velli í fyrstu um-
ferð Olísdeildar karla í handknatt-
leik í gærkvöldi, lokatölur 27:26 Sel-
fossi í vil í Garðabænum.
Skyttan Guðmundur Hólmar
Helgason átti sannkallaðan stórleik í
liði Selfoss í sínum fyrsta leik eftir
að hafa snúið heim úr atvinnu-
mennsku. Hann skoraði tíu mörk úr
fjórtán skotum, þrjú úr vítum, en
næstu Selfyssingar þar á eftir voru
með þrjú mörk. Ólafur Bjarki Ragn-
arsson skoraði fimm mörk fyrir
Stjörnuna en staðan var 15:13 í hálf-
leik, heimamönnum í vil. Heima-
menn fengu tækifæri í tvígang til að
jafna metin í lokin en allt kom fyrir
ekki og Selfoss vann mikilvægan sig-
ur í upphafi móts.
KA lagði Fram að velli
Tvö lið sem börðust í neðri hluta
deildarinnar á síðasta tímabili mætt-
ust í gærkvöldi með nokkuð breytta
leikmannahópa. KA vann 23:21-
sigur á Fram á Akureyri í jöfnum og
spennandi leik. Aki Egilsnes var
markahæstur, skoraði sex mörk fyr-
ir heimamenn í KA-heimilinu en
Ólafur Gústafsson gerði fimm mörk.
Hjá Frömurum var Matthías Daða-
son með fimm mörk, þar af fjögur úr
vítaköstum en Andri Már Rún-
arsson og Rógvi Christiansen skor-
uðu báðir fjögur. Staðan var jöfn í
hálfleik, 8:8, en heimamenn voru yfir
lengst af eftir hlé.
Veturinn í fyrra var KA-mönnum
erfiður og voru þeir í 10. sæti deild-
arinnar með 11 stig eftir 20 leiki
þegar tímabilinu var aflýst. Þeir
hafa hins vegar spýtt í lófana og
voru fyrirferðarmiklir á leikmanna-
markaðnum fyrir tímabilið. Stærsti
fengurinn, landsliðsmaðurinn Ólafur
Gústafsson, skoraði eins og fyrr seg-
ir fimm mörk í gær þrátt fyrir að
hafa lítið sem ekkert tekið þátt á
undirbúningstímabili liðsins vegna
meiðsla. Hann mun eflaust reynast
mikilvægur fyrir norðanmenn í vet-
ur. Þá var Nicholas Satchwell drjúg-
ur í marki KA, varði 12 skot. Fram-
arar voru sæti ofar á síðustu leiktíð
en spila nú undir stjórn Sebastians
Alexanderssonar og verða að spila
betur í vetur, ætli þeir sér sæti í úr-
slitakeppninni.
Selfoss vann í háspennuleik
 Guðmundur Hólmar átti tíu marka stórleik í Garðabænum þar sem heima-
menn gátu jafnað í lokin  KA vann mikilvægan sigur í fyrsta leik gegn Fram
Morgunblaðið/Eggert
Öflugur Guðmundur Hólmar var markahæstur með 10 mörk fyrir Selfoss.
Keflvíkingurinn Elías Már Óm-
arsson virðist óstöðvandi í framlínu
Excelsior í hollensku B-deildinni í
knattspyrnu. Hann skoraði tvö
mörk fyrir liðið í 3:1-sigri á Dor-
drecht í gærkvöldi og hefur nú
skorað sjö mörk í fyrstu þremur
leikjum tímabilsins.
Heimamenn tóku forystuna
snemma leiks en Elías sneri taflinu
við með tveimur mörkum undir lok
fyrri hálfleiks. Hann skoraði einnig
tvö mörk í fyrstu umferðinni og
þrennu í síðasta leik. Excelsior er í
4. sæti með sex stig eftir þrjá leiki.
Sjö mörk í
þremur leikjum
Ljósmynd/Excelsior
Markahrókur Elías Már Ómarsson
skorar og skorar í Hollandi.
Guðrún Brá Björgvinsdóttir, Ís-
landsmeistari úr Keili, og Ólafía
Þórunn Kristinsdóttir, úr GR, eru
báðar úr keppni á Ladies Open-
mótinu í Sviss sem er hluti af Evr-
ópumótaröðinni í golfi.
Mótið hófst á fimmtudaginn en
þær Guðrún og Ólafía komust hvor-
ug í gegnum niðurskurðinn eftir
annan hringinn í gær. Ólafía var þó
nálægt því og var einu höggi frá því
að komast áfram eftir að hafa leikið
á alls þremur höggum yfir pari.
Guðrún lék á alls fjórum höggum
yfir pari.
Einu höggi frá
niðurskurðinum
Morgunblaðið/Kristinn Magnússon
Nálægt Ólafía Þórunn var nálægt
því að komast áfram í Sviss.
Ég hjó eftir því í markaþætti á
Stöð 2 Sport á fimmtudags-
kvöldið að Hjörvar Hafliðason
sagði eitthvað á þá leið að í fót-
boltanum núorðið væri hægt að
gefa gult spjald í nánast öllum
tilfellum. Þ.e.a.s ef um brot er að
ræða á annað borð.
Þessu er ég alveg sammála. Ég
kann ekki reglurnar utan að og
maður veit ekki hvaða skilaboð
dómarar fá varðandi áherslur
fyrir tímabilið. En upplifunin er
svipuð hjá mér eins og hjá Hjörv-
ari. Mér finnst oft erfitt að átta
mig á hvort gult spjald hæfi
brotinu eða ekki.
Línan var einhvern veginn skýr-
ari áður. Alla vega er það þannig í
minningunni. Áhorfendur, þjálf-
arar og leikmenn kröfðust þess
ekki að sjá gula spjaldið fara á
loft við smávægileg brot. Þegar
maður hefur séð leikmenn fá
gult spjald þar sem leikmenn
fara öxl í öxl og sá sem er meira
veikburða fellur þá er þetta orðið
heldur óljóst.
Ef til vill skýrir þetta einnig að
einhverju leyti hvers vegna þjálf-
arar, leikmenn, stjórnarmenn og
áhorfendur eru oftar en ekki
kvartandi yfir dómgæslu. Menn
geta lengi fundið leiðir til að rök-
styðja sína skoðun þegar línan er
óljós.
Í sumar sá ég leik hjá KR og Vík-
ingi þar sem þrír Víkingar fengu
brottvísun. Nokkuð óvenjulegt er
að þrír úr sama liðinu séu reknir
út af eins og sparkelskir þekkja.
Allir stuðningsmenn KR sem ég
talaði við sögðu dómarann hafa
tekið rétta ákvörðun í öllum til-
fellum. Allir stuðningsmenn Vík-
ings sem ég ræddi við sögðu
dómarann hafa tekið ranga
ákvörðun í öllum tilfellum.
Eftir ansi mörg ár í kringum
íþróttirnar þá hefur maður ekki
tölu á því hversu oft maður hefur
upplifað eftir leiki í boltagreinum
sárindi í herbúðum beggja liða
yfir því hversu mjög hallaði á lið-
ið í dómgæslunni. Munurinn er
sá að hjá liðinu sem vinnur gera
menn ekki mál úr því. Tapliðið
setur málið á dagskrá. Í hita
leiksins er sjónarhorn manna svo
þröngt að maður þarf stundum
að berjast við hláturinn. En menn
geta lengi fundið atvik sem orka
tvímælis og velt sér upp úr þeim.
BAKVÖRÐUR
Kristján Jónsson
kris@mbl.is
Úrslitakeppni NBA
Vesturdeild, undanúrslit:
Houston – LA Lakers ...................... 100:110
 Staðan er 3:1 fyrir Lakers og fimmti leik-
urinn hefst á miðnætti í kvöld.


Olísdeild karla
KA – Fram ............................................ 23:21
Stjarnan – Selfoss................................. 26:27
Olísdeild kvenna
Stjarnan – FH....................................... 29:21
Fram – HK............................................ 25:24
Spánn
La Rioja – Barcelona........................... 21:37
 Aron Pálmarsson skoraði 6 mörk fyrir
Barcelona.
Danmörk
Fredericia – Skjern............................. 31:35
 Elvar Örn Jónsson skoraði 2 mörk fyrir
Skjern.
Pólland
Kielce – Szezecin ................................. 37:22
 Sigvaldi Björn Guðjónsson skoraði 2
mörk fyrir Kielce en Haukur Þrastarson er
frá keppni vegna meiðsla.