Morgunblaðið - 24.09.2020, Side 31

FRÉTTIR 31Erlent
MORGUNBLAÐIÐ FIMMTUDAGUR 24. SEPTEMBER 2020
Flatahrauni 7 | 220 Hafnarfirði | Sími 565 1090 | www.bjb.is
Fékk bíllinn
ekki skoðun?
Aktu áhyggjulaus í burt á nýskoðuðum bíl
Sameinuð gæði
BJB-Mótorstilling þjónustar
flesta þætti endurskoðunar
anngjörnu verði og að
ki förum við með bílinn
n í endurskoðun, þér
kostnaðarlausu.
á s
au
þin
að
Vilja herða reglur um hælisleit
 Ríki ESB geti tekið á sig að skila þeim sem fá ekki hæli  Conte segir tillögurnar skref í rétta átt
Stefán Gunnar Sveinsson
sgs@mbl.is
Framkvæmdastjórn Evrópusam-
bandsins lagði fram í gær tillögur
sínar um hert eftirlit á ytri landa-
mærum þess og straumlínulagaðri
aðferðir til þess að víkja þeim sem
neitað hefur verið um hæli á brott.
Tillögunum er ætlað að koma í stað
Dyflinnarreglugerðarinnar svo-
nefndu, en Ursula von der Leyen,
forseti framkvæmdastjórnarinnar,
sagði að Evrópusambandið vildi
bæði standa við gildi sín og mæta
áskorunum sem fylgdu því að vera í
hnattvæddum heimi. Sagði hún að
gamla kerfið virkaði einfaldlega ekki
lengur.
Baráttufólk fyrir réttindum hælis-
leitenda og flóttamanna lýsti yfir
vonbrigðum sínum með tillögur
framkvæmdastjórnarinnar í gær, en
það hafði meðal annars vonast eftir
því að frekari flóttamannakvótar
yrðu settir á fyrir aðildarríki sam-
bandsins, þannig að þeim yrði gert
skylt að taka á móti fleiri hælisleit-
endum en nú er.
Framkvæmdastjórnin leggur hins
vegar til, að einstök aðildarríki, sem
séu undir miklum þrýstingi vegna
komu flóttamanna, geti kallað eftir
„skyldugri samstöðu“, sem knýi öll
aðildarríkin til þess að leggja sitt af
mörkum til þess að leysa vanda-
málið. Sú aðstoð getur hins vegar
falist í því að taka við hælisleitend-
um, aðstoða við að byggja móttöku-
stöðvar í landinu, eða að taka á sínar
herðar að koma þeim, sem ekki hafa
rétt til að vera áfram innan sam-
bandsins, aftur til síns uppruna-
lands.
Blendin viðbrögð
Talsmenn aðildarríkjanna voru
ekki á einu máli um ágæti tillagn-
anna. Morgan Johansson, ráðherra
flóttamannamála í Svíþjóð, sagði
þannig við fréttastofuna TT í gær að
tillögurnar ættu að opna á fleiri leiðir
til að aðildarríkin gætu lagt eitthvað
af mörkum. Nefndi hann sem dæmi
að ríki ættu að geta fengið að senda
heilbrigðisstarfsfólk til þess að að-
stoða í nokkrar vikur í stað þess að
taka á móti fleiri hælisleitendum.
Sebastian Kurz, kanslari Austur-
ríkis, lýsti yfir efasemdum sínum við
AFP-fréttastofuna, og sagði að það
yrði engin leið til þess að fá ríki sam-
bandsins til þess að samþykkja
skyldukvóta, og talsmaður ríkis-
stjórnar Ungverjalands sagði að af-
staða stjórnvalda þar væri enn
óbreytt, og að nauðsynlegt væri að
ytri landamæri sambandsins yrðu
áfram lokuð sem mest.
Giuseppe Conte, forsætisráðherra
Ítalíu, sagði hins vegar að tillögur
sambandsins væru mikilvægt skref í
rétta átt að sameiginlegri stefnu Evr-
ópusambandsins í málefnum flótta-
manna. Sagði Conte á Twitter-síðu
sinni að þau ríki sem fyrst tækju á
móti flóttamönnum gætu ekki borið
byrðarnar ein.
AFP
Mótmælaganga Stuðningsmenn flóttamanna á grísku eyjunni Lesbos héldu
mótmælagöngu í Berlín um helgina og kröfðust þar aðgerða í málaflokknum.
Rússneski stjórnarandstæðingurinn
Alexei Navalní var í gær útskrifaður
af Charité-sjúkrahúsinu í Berlín, þar
sem hann hefur dvalist undanfarinn
mánuð. Telja læknar hans að Na-
valní geti náð sér að fullu eftir veik-
indi sín, en vesturveldin telja full-
sannað að eitrað hafi verið fyrir hann
með sovéska taugaeitrinu Novichok.
Rússnesk stjórnvöld hafa hins
vegar hafnað öllum ásökunum um að
þau séu á nokkurn hátt viðriðin mál-
ið, og lýstu þau því yfir í gær að Na-
valní væri frjálst að snúa aftur til
heimalands síns hvenær sem honum
sýndist svo.
Kira Yarmysh, talskona Navalnís,
sagði hins vegar að hann ætlaði sér
að vera áfram í Þýskalandi á meðan
hann sinnir endurhæfingu sinni.
Sjálfur sagði Navalní á Instagram-
síðu sinni að hann ætti langt í land
með að ná fullum bata, og að það
væri fyrsta markmið sitt.
„Ráðabruggið“ gekk ekki upp
Navalní ákvað einnig að tjá sig um
frétt franska dagblaðsins Le Monde,
sem greindi frá því á þriðjudaginn að
Vladimír Pútín Rússlandsforseti
hefði velt þeim möguleika upp í sím-
tali við Emmanuel Macron Frakk-
landsforseta, að Navalní hefði sjálfur
orðið valdur að eitrun sinni.
Sagði Navalní það vera „góða vís-
bendingu“, og bætti við að hið
„snjalla ráðabrugg“ sitt hefði verið
að deyja á sjúkrahúsi í Omsk, en að
Pútín hefði séð í gegnum það. „Og
því var ég, eins og hálfviti, í dauðadái
í 18 daga, og fékk ekki það sem ég
vildi,“ skrifaði Navalní í hæðnistón.
Málið hefur sett aukna spennu í
samskipti vesturveldanna og Rúss-
lands, og hafa öll helstu ríki Evrópu
kallað eftir því að Rússar hefji opin-
bera rannsókn á tildrögum þess að
Navalní veiktist. Rússnesk stjórn-
völd hafa hins vegar neitað slíkum
kröfum.
Navalní laus af sjúkrahúsi
 Hann hyggst ljúka endurhæfingu sinni í Þýskalandi
AFP
Eitrun Navalní birti þessa mynd af
sér á Instagram í gær ásamt skila-
boðum til stuðningsmanna sinna.
Alexander
Lúkasjenkó, for-
seti Hvíta-
Rússlands, sór í
gær embættiseið
sinn, en fjöl-
menn mótmæli
hafa verið í
landinu und-
anfarnar vikur
vegna ásakana
um að Lúkasj-
enkó hafi haft rangt við í forseta-
kosningunum í byrjun ágúst. At-
höfnin fór fram með leynd.
Stjórnvöld í Þýskalandi lýstu
því yfir í gær að þau hygðust ekki
viðurkenna Lúkasjenkó sem rétt-
mætan þjóðhöfðingja Hvíta-
Rússlands, og fylgdu nokkur önn-
ur Evrópuríki í kjölfarið. Evrópu-
sambandið íhugar nú að setja
viðskiptaþvinganir á Hvíta-
Rússland vegna kosninganna, sem
og ofbeldis lögreglu við að kveða
niður mótmælin gegn Lúkasjenkó.
Stjórnarandstæðingurinn Svetl-
ana Tikhanovskaya sendi í gær frá
sér yfirlýsingu þar sem hún ítrek-
aði að hún væri hinn rétti sigur-
vegari kosninganna, og að athöfn-
in í gær væri lítið annað en
„farsi“.
Neita að
viðurkenna
Lúkasjenkó
Alexander
Lúkasjenkó
 Sór embættiseið
sinn í gær með leynd
Vinir, samstarfsmenn og velunnarar hæstarétt-
ardómarans Ruth Bader Ginsburg vottuðu henni
virðingu sína í gær, en kista hennar var flutt að
dómshúsi Hæstaréttar Bandaríkjanna í gær. Þar
á kistan að standa í dag og á morgun, en þá verð-
ur kistan flutt til þinghússins. Bader Ginsburg er
fyrsta konan sem fær þennan heiður. Útför
hennar mun svo fara fram í kyrrþey, en hún
verður grafin í Arlington-kirkjugarðinum.
Vottuðu Ruth Bader Ginsburg virðingu sína
AFP