Morgunblaðið - 26.09.2020, Blaðsíða 18
ÚR BÆJARLÍFINU
Svanhildur Eiríksdóttir
Reykjanesbæ
Þó Ljósanótt hafi verið slegið á
frest þetta árið, líkt og öðrum bæj-
arhátíðum á landinu, ákváðu að-
standendur tónleikaraðarinnar
Bliks í auga að seinka tónleikunum í
ljósi aðstæðna vegna covid en ekki
fresta. Það hafði nefnilega verið
ákveðið að ljúka tónleikaröðinni
þetta árið með Rokkveislunni miklu.
Að auki er fólk farið að þyrsta eftir
viðburðum og þegar ljóst var að
hægt væri að tryggja örugg sótt-
varnarhólf í Hljómahöll, viðeigandi
bil, spritt og grímur var ekki eftir
neinu að bíða.
Rokkveislan mikla var frum-
sýnd í gærkvöldi og tókst að venju
frábærlega vel. Tvær sýningar
verða í Hljómahöll í dag og vera
kann að enn sé hægt að fá miða á
Tix ef fólk vill taka þátt í veislunni.
Svo má geta þess að þeir sem vilja
enn meira rokk geta heimsótt Rokk-
safn Íslands í húsinu, en ókeypis er í
safnið út árið.
Nokkur gróska hefur verið í
bænum á þessu ári, þrátt fyrir allt.
Við Hafnargötu hafa nýjar verslanir
litið dagsins ljós og nýir veitinga-
staðir hafa bæst við flóru þeirra sem
fyrir voru. Bæjarbúar geta nú gætt
sér á indverskum mat og Búlluborg-
arar Tómasar verða fáanlegir í bæn-
um innan tíðar.
Fyrsta flokks fiskbúð var líka
opnuð í bænum fyrr á árinu og því er
nú hægt að fá ferskan fisk í soðið eða
réttinn. Steinsnar þar frá verður
opnuð ný líkamsræktarstöð innan
tíðar svo það má með sanni segja að
valkostum í verslun og þjónustu hafi
fjölgað til muna í bænum.
Snemmsumars hófust einnig
viðskipti með notuð föt í Trendport.
Hugmyndafræðin er vel þekkt frá
höfuðborgarsvæðinu og þótti að-
standendum Trendport því upplagt
að reyna viðskiptin hér. Versluninni
hefur verið vel tekið enda hefur um-
ræðan um textílsóun og áhrif fata-
framleiðslu á umhverfið færst í
aukana, að ekki sé talað um aðbúnað
og laun starfsfólks sem vinnur við
fjöldaframleiðslu.
Margir íbúar Reykjanesbæjar
bíða nú spenntir eftir að fá há-
hraðatengingu inn á heimilið. Í allt
sumar hafa starfsmenn á vegum Mílu
og Gagnaveitu Reykjavíkur unnið að
því að koma leiðslum í jörð og inn í
hús svo hægt verði að koma íbúum í
samband við ljósleiðara.
Það var lærdómsríkt að fylgjast
með ferlinu. Inn í minn garð kom
fjöldi iðnaðarmanna í gulum vinnu-
úlpum svo minnti helst á
Minions-kalla. Þeir gengu vasklega
fram, tóku upp hellur og ristu upp
gras, svo manni leist ekkert á blik-
una. Þegar verkefninu lauk voru eng-
in ummerki um að nokkuð hefði átt
sér stað, svo vel var gengið frá öllu.
Í sumar hefur verið unnið að
breytingum í Sundmiðstöð Reykja-
nesbæjar. Áhorfendapallar voru
teknir niður og á því svæði og þar í
kring verður settur heitur pottur mót
morgunsól, kaldur pottur, sauna,
gufubað og útisturtur ásamt góðri
rennibraut. Breytingunum hefur ver-
ið fagnað af sundlaugargestum og
eftirvæning ríkir. Gert er ráð fyrir að
framkvæmdum ljúki á allra næstu
mánuðum.
Breytingar urðu á útgáfu Suður-
nesjablaðsins Víkurfrétta sem varð
40 ára í síðasta mánuði. Þegar kór-
ónuveirufaraldurinn hófst færðist
blaðið alfarið á rafrænt form og hélst
þannig um skeið. Blaðinu hafði þá
lengi verið dreift í öll hús á Suð-
urnesjum. Nýverið hófst þó prentun
að nýju, en með því sniði að hægt er
að gerast áskrifandi að blaðinu og fá
sent heim eða sækja á þeim stöðum
þar sem blaðið liggur frammi.
Morgunblaðið/Svanhildur Eiríksdóttir
Reykjanesbær Bítlarnir koma að sjálfsögðu fyrir í Rokkveislunni miklu. Hér er fylgst með rennsli, f.v. Einar Þór
Jóhannsson bassi, Benedikt Brynleifsson slagverk, Dagur Sigurðsson söngur og Davíð Sigurgeirsson gítar.
Rokkveisla í bænum í dag
18 FRÉTTIRInnlent
MORGUNBLAÐIÐ LAUGARDAGUR 26. SEPTEMBER 2020
Helgi Bjarnason
helgi@mbl.is
Íbúar í Mosfellsdal eru óánægðir
með að aðeins hluti heimila í dalnum
skuli fá niðurgreidda ljósleiðara-
tengingu. Hafa íbúasamtökin Víghóll
óskað eftir því að Mosfellsbær nið-
urgreiði allar ljósleiðaratengingar í
dalnum. Bæjarstjórinn segir að bær-
inn hafi fengið styrk frá fjarskipta-
sjóði til að leggja ljósleiðara þangað
sem ekki er ljósnet fyrir og greiði
mótframlag samkvæmt reglum
sjóðsins.
Fjarskiptasjóður hefur styrkt
lagningu ljósleiðara í dreifbýli. Mos-
fellsbær sótti um styrk til að ljósleið-
aravæða dreifbýli í hreppnum og
fékk samþykktan 10 milljóna króna
styrk fyrir 22 heimili og atvinnufyr-
irtæki og ráðgerir að leggja jafnháa
fjárhæð til verkefnisins. Stuðningur
fjarskiptasjóðs nær einungis til
staða sem ekki hafa aðgang að ljós-
netinu, samkvæmt ákveðinni skil-
greiningu. Flest heimilanna eru í
Mosfellsdal en einhver annars staðar
í bæjarfélaginu. Samið var við Mílu,
að afloknu útboði, um að annast
framkvæmdina og ákvað hún að
bæta við einhverjum stöðum sem
ekki teljast styrkhæfir.
Ekki gætt jafnræðis
Íbúasamtökin Víghóll í Mosfells-
dal hafa óskað eftir því við bæjarráð
Mosfellsbæjar að bærinn greiði að
fullu fyrir ljósleiðaratengingar í
Mosfellsbæ. „Við erum ósátt við það
ósamræmi sem er á milli íbúa í daln-
um. Sumir fá ljósleiðaratengingar
niðurgreiddar samkvæmt einhverj-
um reglum. Svo var Mílu gefið leyfi
til að ákveða að einhverjir fengju
tengingu á lága verðinu en aðrir
ekki. Þarna eru jafnvel hús hlið við
hlið þar sem annað fær ódýra teng-
ingu en hitt ekki,“ segir Guðmundur
Hreinsson sem vinnur að athugun
málsins fyrir íbúasamtökin.
Þeir sem fá niðurgreidda tengingu
samkvæmt reglum fjarskiptasjóðs
þurfa að greiða 100 þúsund krónur
en aðrir 372 þúsund krónur með
virðisaukaskatti. „Okkur finnst und-
arlegt að ekki skuli gætt jafnræðis á
milli íbúa í Mosfellsdal. Það myndi
kosta bæjarfélagið 18-20 milljónir
kr. að halda samfélaginu hér í friði
og ró, þannig að allir gætu unað við
sitt,“ segir Guðmundur. Hann segir
að ýmis önnur sveitarfélög hafi
greitt með ljósleiðaratengingum hjá
öllum, líka þeim sem ekki teljast
styrkhæfir.
Íbúasamtökin efast um skilgrein-
ingar sem notaðar eru til að velja
styrkhæfar tengingar. Telur Guð-
mundur að fæst hús í dalnum séu
með þá tengingu ljósnets, miðað við
fjarlægð frá götuskáp, sem miðað er
við í skilgreiningu fjarskiptasjóðs.
Hafa íbúasamtökin óskað eftir að at-
hugað verði betur hvort ekki séu
fleiri styrkhæfir staðir.
Hraði tenginga kannaður
Haraldur Sverrisson bæjarstjóri
segir reglur fjarskiptasjóðs ráða því
að ekki var unnt að sækja um styrk
fyrir allar tengingar í Mosfellsdal.
Sjóðurinn telji að tengingar þar séu
almennt nógu hraðar. Vegna erindis
íbúasamtakanna verði hraði tenging-
anna athugaður sérstaklega með til-
liti til þess hvort fleiri geti fallið und-
ir skilgreiningu fjarskiptasjóðs. Ef
það reynist rétt þurfi að sækja um
stuðning sjóðsins fyrir þær.
Spurður um þau ummæli íbúa-
samtakanna að ekki ríki jafnræði á
milli íbúa í Mosfellsdal segir Harald-
ur að ljósleiðaratenging sé öflugri en
ljósnet. Hins vegar setji sveitarfé-
lagið ekki þessar reglur heldur fjar-
skiptasjóður. Tekur bæjarstjórinn
fram að þetta sé í fyrsta skipti sem
Mosfellsbær noti skattfé til að leggja
ljósleiðara. Allir íbúar þéttbýlisins í
Mosfellsbæ hafi aðgang að ljósleið-
arakerfum fjarskiptafélaganna og
hvorki sveitarfélagið né ríkið hafi
tekið þátt í þeirri ljósleiðaravæð-
ingu. „Hugmyndin á bak við reglu-
verk Fjarskiptasjóðs er einmitt sú
að nýta skattfé til að auka jafnræði
íbúa og það er tilgangur verkefnisins
í Mosfellsdal,“ segir Haraldur.
Allir fái tengingu
við ljósleiðara
Óánægja í Mosfellsdal Bæjarstjóri
segir fjarskiptasjóð setja reglurnar
Morgunblaðið/Helgi Bjarnason
Plæging Unnið hefur verið að
tengingu ljósleiðara í dreifbýli.
Ríkisstjórnin hefur samþykkt að Ís-
land taki á móti flóttafólki frá
Lesbos á Grikklandi, með áherslu á
sýrlenskar fjölskyldur í viðkvæmri
stöðu, eins og það er orðað í tilkynn-
ingu. Fjölskyldurnar bjuggu áður í
flóttamannabúðunum Moria sem
eyðilögðust í eldsvoða fyrr í mán-
uðinum.
Flóttafólkið, sem verður allt að 15
manns, mun bætast í hóp þeirra 85
sem ríkisstjórnin hyggst taka á móti
á þessu ári. Mun það vera langfjöl-
mennasta móttaka flóttafólks á einu
ári hingað til lands.
Flóttamannanefnd mun annast
undirbúning á móttöku fjölskyldn-
anna og verður móttaka þeirra unn-
in í samvinnu við Evrópusambandið
og grísk stjórnvöld. Evrópusam-
bandið hafði áður sent frá sér ákall
um nauðsyn á flutningi barna og
barnafjölskyldna vegna bruna
Moria-flóttamannabúðanna. Þá mun
Flóttamannastofnun Sameinuðu
þjóðanna vera íslenskum stjórnvöld-
um innan handar varðandi það
hvernig best verður staðið að því að
koma fjölskyldunum til landsins.
Haft er eftir Katrínu Jakobsdótt-
ur forsætisráðherra að stjórnvöld
vilji með þessu bregðast við ákalli
um að taka á móti fólki á flótta frá
Lesbos. Það sé stefna ríkisstjórnar-
innar að taka á móti fleira flóttafólki,
í samstarfi við SÞ.
Taka við 15 flótta-
mönnum frá Lesbos
Voru í Moria-búðunum sem brunnu
AFP
Lesbos Flóttamannabúðirnar í Moria brunnu til grunna í byrjun september, þar voru um 12 þúsund flóttamenn.