Morgunblaðið - 20.11.2020, Blaðsíða 35

ÍÞRÓTTIR 35
MORGUNBLAÐIÐ FÖSTUDAGUR 20. NÓVEMBER 2020
 Jóhann Berg Guðmundsson er
smávægilega meiddur og óvíst er
hvort hann getur spilað með Burnley
gegn Crystal Palace í ensku úrvals-
deildinni í knattspyrnu á mánudaginn.
Stjóri Burnley, Sean Dyche, sat fyrir
svörum á blaðamannafundi í gær og
sagði frá því.
Íslenski landsliðsmaðurinn er meiddur
í kálfa og var sendur heim úr lands-
liðshópi Íslands fyrir leikinn gegn Eng-
landi á Wembley í gær. Dyche sagði
svo í gær að læknateymi liðsins myndi
fylgjast með Jóhanni um helgina.
 Oddur Grétarsson átti stórleik fyr-
ir Balingen sem vann sinn annan sigur
í röð í þýsku efstu deildinni í hand-
knattleik í gærkvöldi. Oddur skoraði
níu mörk er liðið vann 34:32-útisigur
gegn Erlangen.
Balingen er nú með fjögur stig eftir
átta leiki en liðið tapaði fyrstu sex
deildarleikjum sínum á tímabilinu.
Göppingen vann 29:20-útisigur gegn
Nordhorn í nokkuð þægilegum sigri
en Janus Daði Smárason skoraði tvö
mörk fyrir gestina.
Þá átti Íslendingaliðið Magdeburg að
leika heimaleik gegn Essen en honum
var frestað vegna kórónuveirusmits.
Gísli Þorgeir Kristjánsson og Ómar
Ingi Magnússon spila með liði Magde-
burg.
 Einn markahæsti leikmaður hand-
boltasögunnar greindist í vikunni með
kórónuveiruna sem fer geyst um
heimsbyggðina.
Um er að ræða Makedónann Kiril Laz-
arov sem leikið hefur fjölda leikja
gegn íslenska landsliðinu síðustu tvo
áratugina eða svo. Kom þetta fram í
erlendum fréttum á netmiðlinum
Handbolti.is. Örvhenta stórskyttan
sem eitt sinn varð Evrópumeistari
með Guðjóni Vali Sigurðssyni hjá
Barcelona leikur nú með Nantes í
Frakklandi og hefur farið nokkuð víða
um Evrópu á glæsilegum ferli. Mark-
verðir í frönsku deildinni og í Meist-
aradeildinni geta andað léttar um
stund á meðan Lazarov er einnig tek-
inn úr umferð utan vallar.
 Spánverjinn Nacho Gil hefur gert
nýjan samning við Vestra og mun
leika áfram með liðinu í næstefstu
deild Íslandsmótsins í knattspyrnu.
Vestri greinir frá þessu á heimasíðu
félagsins. Gil kom til Vestra frá Þór á
Akureyri í fyrra og gerði þá eins árs
samning. Gil fann sig vel í liði Vestra
og skoraði til að mynda þrennu gegn
ÍBV í sumar.
 Pep Guardiola, knattspyrnustjóri
Manchester City, hefur skrifað undir
nýjan samning og er hann þá samn-
ingsbundinn félaginu fram á sumarið
2023. Félagið tilkynnti þetta í gær en
Guardiola kom til Manchester árið
2016. Hefur liðið tvívegis unnið deild-
ina undir hans stjórn og hefur einnig
unnið báðar bikarkeppninnar ensku.
Guardiola kann greini-
lega vel við sig hjá City
en hann hefur nú þeg-
ar verið lengur við
stjórnvölinn hjá félag-
inu en hjá Barcelona
og Bayern München
þar sem Guardiola
starfaði áður. Ferill
hans sem knatt-
spyrnustjóri hjá
aðalliði hófst
sumarið 2008 og
stýrði hann þá Eiði
Smára Guðjohnsen
hjá Barcelona.
Eitt
ogannað
FÓTBOLTI
Bjarni Helgason
bjarnih@mbl.is
„Mér fannst ég ennþá eiga eitthvað
inni hjá Breiðabliki og ég er virki-
lega spennt fyrir komandi tímum,“
sagði knattspyrnukonan og Íslands-
meistarinn Karólína Lea Vilhjálms-
dóttir í samtali við Morgunblaðið en
hún skrifaði undir nýjan þriggja ára
samning við félagið í gær.
Karólína Lea er einungis 19 ára
gömul en hún gekk til liðs við
Breiðablik frá uppeldisfélagi sínu
FH í október 2017.
Hún á að baki 78 leiki í efstu deild
með Breiðabliki og FH þar sem hún
hefur skorað ellefu mörk en hún
hefur slegið í gegn í Kópavoginum
undanfarin ár.
Þá lék hún sína fyrstu keppnis-
leiki með A-landsliðinu í haust í
undankeppni EM, gegn Lettlandi
og Svíþjóð.
Frábær umgjörð
Hún skoraði sitt fyrsta landsliðs-
mark gegn Lettum á Laugardals-
velli 17. september og byrjaði báða
landsleikina gegn stórliði Svía á
Laugardalsvelli 22. september og í
Gautaborg 27. október.
„Breiðablik er frábært félag og
umgjörðin hjá klúbbnum er til fyrir-
myndar. Deildin er alltaf að styrkj-
ast hérna heima og ég tel mig geta
haldið áfram að bæta mig og þrosk-
ast sem knattspyrnukona í Kópa-
voginum.
Við spiluðum frábærlega á þessu
tímabili en það voru klárlega von-
brigði að ná ekki bikarmeistaratitl-
inum líka og ég er ekki feimin að
segja það upphátt enda var það eitt
af markmiðum okkar í vor.
Þegar allt kemur til alls var
stemningin í hópnum frábær og það
voru allir að róa í sömu átt. Það er
því erfitt að ætla sér að kvarta eitt-
hvað eftir sumarið,“ bætti Karólína
við.
Karólína hefur verið sterklega
orðuð við atvinnumennsku að und-
anförnu og voru margir sannfærðir
um að hún myndi yfirgefa úrvals-
deildina eftir sumarið.
„Það hefur verið einhver áhugi
hér og þar sem jókst vissulega eftir
þessa miklu umfjöllun í kringum A-
landsliðið og leikina í undankeppn-
inni í haust. Ég hef alltaf sagt það
að atvinnumennskan heillar mig en
það þarf að vera eitthvað virkilega
spennandi svo maður freistist til
þess að taka næsta skref.
Maður á ekki að stökkva á hvað
sem er, bara af því að það stendur
til boða og ég er mjög sátt á þeim
stað sem ég er á núna. Þegar ég
finn að ég er tilbúin mun ég vonandi
fara út og blómstra en mér fannst
tímapunkturinn ekki réttur núna.
Ég á líka von á því að við í Breiða-
bliki verðum mjög sterk á næsta
ári. Það eru margir leikmenn að
koma til baka eftir meiðsli og barn-
eignarleyfi og svo er líka alltaf
heillandi að spila í Meistaradeild-
inni.“
Svekkjandi meiðsli
Karólína er á leið í aðgerð á hné
og verður því ekki með íslenska
landsliðinu gegn Slóvakíu, 26. nóv-
ember í Senec, og Ungverjalandi, 1.
desember í Búdapest, í lokaleikjum
liðsins í undankeppni EM.
„Ég spilaði með smá rifu á liðþóf-
anum í allt sumar. Ég spilaði alltaf
með teip á hnénu og fann þess
vegna lítið fyrir þessu. Þegar ég
kom svo heim frá Svíþjóð eftir
landsleikinn í Gautaborg gat ég
ekki stigið í löppina eftir æfingu þar
sem rifan var búin að stækka tals-
vert.
Ég er ennþá ung og mér var því
ráðlagt að fara strax í aðgerð sem
verður vonandi framkvæmd á
næstu vikum. Ég hef lítið getað
hreyft mig undanfarna daga en ég
verð vonandi fljót að koma til baka
og ég er að horfa til þess að vera frá
í einhverja þrjá mánuði eins og
staðan er í dag.
Það er vissulega mjög svekkjandi
að missa af þessum landsleikjum og
ég mun þurfa að vinna mig aftur inn
í liðið en ég er tilbúin í þá áskorun.
Það var kominn tími á ákveðin kyn-
slóðaskipti hjá landsliðinu, bæði
kvenna- og karlamegin, og það er
virkilega spennandi að vera hluti af
því,“ bætti Karólína við.
Kominn tími á kynslóðaskipti
Morgunblaðið/Eggert
Eftirsótt Karólína Lea er spennt fyrir komandi tímum með Breiðabliki.
 Karólína Lea skrifaði undir þriggja ára samning þrátt fyrir áhuga erlendra liða
KÖRFUBOLTI
Bjarni Helgason
bjarnih@mbl.is
Arnar Guðjónsson, þjálfari bikar- og
deildarmeistarara Stjörnunnar í úr-
valsdeild karla í körfuknattleik, er
einn þeirra sem eru ósáttir við æf-
ingabann íslenskra stjórnvalda
vegna kórónuveirufaraldursins.
Þjálfarinn hefur verið duglegur að
viðra skoðanir sínar á samfélags-
miðlum undanfarnar vikur en síðasti
leikur Garðbæinga í úrvalsdeildinni,
Dominos-deildinni, var 91:86-sigur
gegn Val á Hlíðarenda, 2. október.
Þjálfarar í efstu deildum karla og
kvenna í körfuknattleik sendu frá
sér sameiginlega yfirlýsingu á
mánudaginn síðasta þar sem þeir
skoruðu á yfirvöld að leyfa æfingar
afreksíþróttafólks en þeirri beiðni
var hafnað.
„Það er svo sem alveg eðlilegt að
svona beiðni sé hafnað þegar hún er
send inn af þjálfurum en markmiðið
með þessu var fyrst og fremst að
opna umræðuna, sýna KKÍ stuðning
og reyna að ýta aðeins við ÍSÍ í leið-
inni,“ sagði Arnar í samtali við
Morgunblaðið.
„Ég veit ekki alveg hvað ég á að
gagnrýna ÍSÍ mikið en það hefur
allavega mjög lítið heyrst frá þeim. Í
mars var tekin ákvörðun um að af-
lýsa tímabilinu í körfuboltanum og
ég vil að það komi skýrt fram að ég
var 100% sammála þeirri ákvörðun.
Við vorum að glíma við óþekkta
veiru og vissum lítið við hverju var
að búast.
Það eru sjö mánuðir síðan þessi
ákvörðun var tekin og við erum að-
eins að ybba gogg núna. Ef þú skoð-
ar deildirnar í kringum okkur þá er
alls staðar verið að spila í Skandin-
avíu sem dæmi. Þetta eru ekki allt
atvinnumannadeildir, hvorki í hand-
bolta, fótbolta né körfubolta. Á með-
an það er verið að keppa á þessum
stöðum fáum við ekki að æfa og okk-
ur finnst það mjög ósanngjarnt.“
Litlar líkur á smiti
Arnar er einna helst ósáttur við að
afreksíþróttafólk sé sett undir sama
hatt og fólk í heilsurækt.
„Sjálfur er ég körfuboltaþjálfari,
ekki vísindamaður, en það sem mað-
ur heyrir er að það séu mjög litlar
líkur á því að smitast af kórónuveir-
unni inni á keppnisvelli. Þetta var
útskýring FIBA þegar leikmenn
Slóveníu og Búlgaríu smituðust af
veirunni í „búbblu“ úti á Krít þegar
íslenska kvennalandsliðið lék tvo
leiki gegn þessum þjóðum í undan-
keppni EM á dögunum. Það sama
hefur verið sagt í fótboltanum þann-
ig að smitin eiga sér stað utan vallar.
Mín pæling er sú að meistara-
flokkar eru ekki blandaðir hópar og
afreksíþróttamenn æfa ekki í blönd-
uðum hópum. Það sem ég á við með
þessu er að þetta er ekki eins og ein-
hver spinningtími þar sem ég fer á
hjólið við hliðina á þér á mið-
vikudegi, en var kannski á hjólinu
við hliðina á blaðamanni Vísis á
þriðjudeginum. Þú ert alltaf að æfa
með sama tólf til sextán manna
hópnum í körfunni sem dæmi og það
breytist ekki enda enginn gangur
þar á milli. Það hlýtur því að vera
mun minni smithætta þar en til
dæmis inni í matvörubúð með fimm-
tíu manns.
Kvennalið Vals í knattspyrnu fékk
undanþágu fyrir Meistaradeildina á
dögunum og ég geri mér grein fyrir
því að það er munur á því að keppa á
alþjóðlegu móti og reyna að halda
sér við. Það má samt ekki gleymast
að öll þau skilyrði sem þær þurftu að
uppfylla getur körfuboltafólk á Ís-
landi uppfyllt. Þegar allt kemur til
alls á afreksíþróttafólk á Íslandi
ekki að vera undir sama hatti og
áhugamenn eða fólk í heilsurækt.“
Viðkvæmustu hóparnir
Þjálfarinn hefur sérstakar
áhyggjur af yngstu afreks-
íþróttamönnunum sem fá litla sem
enga útrás þessa dagana.
„Ef það er einhver hópur í sam-
félaginu okkar sem gleymist í þess-
ari umræðu þá eru það yngstu af-
reksmennirnir okkar. Þá er ég að
tala um krakka á háskóla- eða fram-
haldsskólaaldri sem eru í íþróttum.
Þetta er viðkvæmur hópur og allt tal
um að þessi tiltekni hópur væri við-
kvæmur var löngu komið í um-
ræðuna fyrir kórónuveirufarald-
urinn.
Það er mikið búið að tala um lestr-
arörðugleika drengja og brottfall
þeirra úr skóla. Núna fer allt nám
fram í tölvum á þessum stigum og
því eru unglingsdrengir og -stúlkur
fyrir framan tölvuskjáinn nánast all-
an daginn og mannlegu samskiptin
því lítil. Útrásin, hreyfingin og fé-
lagslegi þátturinn sem íþróttirnar
gefa þessum krökkum, ásamt öðru
félagsstarfi, eru algjörlega tekin frá
þeim.
Við körfuboltaþjálfarar í efstu
deildum karla og kvenna gerðum
mjög óformlega skoðanakönnun hjá
leikmönnum efstu deildar á dög-
unum. Alls svöruðu 178 leikmenn og
þar af töldu 50% að æfingabannið
hefði slæm eða mjög slæm áhrif á
andlega heilsu þeirra. Þá voru 50%
sem töldu að æfingabannið hefði
slæm eða mjög slæm áhrif á líkam-
legt atgervi þeirra. Þetta var ekki
vísindaleg rannsókn en við vildum
einfaldlega kanna hvar hugur okkar
leikmanna væri og þessar niður-
stöður segja manni ýmislegt,“ bætti
Arnar við í samtali við Morgun-
blaðið.
Þjálfari, ekki vísindamaður
 Arnar ósáttur við að afreksíþróttafólk sé sett undir sama hatt og áhugamenn
Morgunblaðið/Kristinn Magnússon
Æfingabann Arnar Guðjónsson og lærisveinar hans í körfuknattleiksliði
Stjörnunnar í Garðabæ fá ekki að æfa vegna sóttvarnareglna stjórnvalda.