Morgunblaðið - 20.11.2020, Blaðsíða 40

PRÓFAÐU ÞÆGINDIN OG
SLÖKUNINA SEM ÞÚ FÆRÐ Í NÝJU
MODULAX HVÍLDARSTÓLUNUM
NÝTT
Á ÍSLANDI
SÆKTU APPIÐ MODULAX OG
SKOÐAÐU HVERNIG STÓLLINN
LÍTUR ÚT Á ÞÍNU HEIMILI.
JAMES
STÓLL MEÐ SKEMLI
verð 149.900
PANDORA
RAFSTILLANLEGUR
verð 219.900
Alla Modulax stóla er hægt að sérpanta sem lyftustóla.
IRIS
RAFSTILLANLEGUR
verð 209.900
MODULAX HVÍLDARSTÓLAR
HÖNNUN OG ÞÆGINDI Á HVERT HEIMILI
ZERO
GRAVITY
ZERO
GRAVITY MODULAX
• 3-mótora hvíldarstóll.
• Handvirk og þægileg
höfuðpúðastilling 42°.
• Innbyggð hleðslu-
rafhlaða. Endist 250
sinnum fyrir alla mótora.
NÝTT!
MODULAX
MARGAR GERÐIR
modulax.be
BALDURSNES 6 – AKUREYRI LISTHÚSIÐ – REYKJAVÍK
KYNNTU ÞÉR VÖRUÚRVALIÐ
OG VERSLAÐU Í RÓLEGHEITUM
Á SVEFNOGHEILSA.IS
FRÍR FLUTNINGUR
UM ALLT LAND
GERIÐ GÆÐA- OG VERÐSAMANBURÐ
Langelstur að eilífu eftir Bergrúnu Írisi Sævarsdóttur
hlýtur Barna- og unglingabókmenntaverðlaun Vestnor-
ræna ráðsins árið 2020. Í umsögn dómnefndar segir
að allar þrjár tilnefndar bækur ársins eigi það sameig-
inlegt að fjalla um sterkar tilfinningar. Verðlaunabókin
taki útgangspunkt í heimi og hugsunarhætti barnsins,
þar sem ekkert sé ómögulegt. „Fjallað er um erfiðar
tilfinningar, afbrýðisemi og dauðann án þess að sagan
verði of sorgleg eða dramatísk. Framvindan er studd
húmorískum teikningum, sem breikka söguna á
skemmtilegan hátt. Þetta er fyndin
og vel samansett saga um líf og
dauða og eilífa vináttu.“ Auk vinn-
ingsbókarinnar voru tilnefndar
Loftar tú mær? eftir Rakel Helms-
dal frá Færeyjum og Orpilissat nun-
arsuarmi kusanarnersaat eftir
Juaaka Lyberth frá Græn-
landi. Höfundur sigur-
verksins hlýtur 60.000
danskar krónur að laun-
um.
Langelstur að eilífu hlýtur verðlaun
FÖSTUDAGUR 20. NÓVEMBER 325. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Karólína Lea Vilhjálmsdóttir, landsliðskona í knatt-
spyrnu og leikmaður Breiðabliks í úrvalsdeild kvenna,
hefur framlengt samning sinn við Kópavogsliðið til
næstu þriggja ára. Miðjumaðurinn er einungis 19 ára en
hún gekk til liðs við Breiðablik frá uppeldisfélagi sínu
FH í október 2017. Hún á að baki 78 leiki í efstu deild
með Breiðabliki og FH þar sem hún hefur skorað 11
mörk. Þá lék hún sína fyrstu keppnisleiki með A-lands-
liðinu í haust í undankeppni EM, gegn Lettlandi og Sví-
þjóð, en hún var eftirsótt af erlendum liðum. »35
Íslandsmeistari verður áfram í
herbúðum Breiðabliks næstu árin
ÍÞRÓTTIR MENNING
Steinþór Guðbjartsson
steinthor@mbl.is
Sýningar á kanadísku sjónvarps-
þáttaröðinni „Ice Vikings“ eru hafn-
ar á Nýja-Sjálandi og gert er ráð
fyrir að þættirnir átta, sem hver um
sig er um klukkutíma langur, verði
sýndir á Norðurlöndum og víðar í
Evrópu á næsta ári. Tökur á ann-
arri röð átta þátta hófust nýverið,
en í þeim er varpað ljósi á störf
fiskimanna í fimm ættliði, ekki síst
manna af íslenskum ættum, á
Winnipegvatni í Manitoba í Kanada.
„Þetta er skemmtilegt verkefni,“
segir Robert. T. Kristjanson á
Gimli, þekktasti fiskimaðurinn á
vatninu. Hann var meðal annars
sæmdur afmælisorðu Elísabetar II.
Englandsdrottningar 2012 og 2018
fékk hann æðstu viðurkenningu sem
veitt er í Manitoba, The Order of
Manitoba, fyrir ævistarfið. Líf hans
í nær 87 ár hefur að mestu verið á
vatninu allan ársins hring og hann
er enn að, fer næst á tökustaði með
framleiðendum eftir helgi. „Við höf-
um kannað aðstæður og byrjum að
veiða um leið og ísinn verður mann-
heldur.“
Erfiðar aðstæður
Farpoint Films í Winnipeg, sem
var stofnað 2000 og er margverð-
launað á sínu sviði, framleiðir þætt-
ina í samvinnu við Viasat World, en
Beyond Distribution sér um dreif-
ingu þeirra. Fiskimönnunum er
fylgt eftir þegar allra veðra er von,
en Winnipegvatn er um 15.000 km²
og 10. stærsta stöðuvatn heims, um
416 km langt og allt að 109 km
breitt. Ted Kristjanson, faðir Ro-
berts T. eða Bobbys eins og hann er
kallaður, byrjaði 12 ára að veiða
með föður sínum, sem fæddist á Ís-
landi og kom fimm ára til Nýja Ís-
lands 1885. „Áður fyrr, þegar við
vorum með hvítfisksstöð, voru 180
hvítfisksbátar á norðurenda vatns-
ins,“ rifjaði hann upp við blaðamann
fyrir um 20 árum. Nú eru leyfin 44
og ekki öll í notkun, hvað þá á ísnum
á veturna, þegar frostið fer niður
fyrir 50 gráður á Celcíus.
Gerð fyrstu þáttaraðarinnar kost-
aði um tvær milljónir kanadískra
dollara, liðlega 200 milljónir króna,
og er sama kostnaðaráætlun vegna
annarrar seríu, að sögn Trevors
Suffields, eins framleiðenda og
handritshöfunda Farpoint, en tökur
verða fram í mars eins og í fyrra.
Trevor Suffield segir að dreifing-
arfyrirtækið (beyond.com.au/) hafi
fyrst selt sýningarréttinn til Nýja-
Sjálands og samningar um sölu á
efninu víða í heiminum séu í burðar-
liðnum. Viasat sé meðal annars að-
gengilegt á Norðurlöndum, í Rúss-
landi, Póllandi og víðar í Evrópu og
stefnt sé að því að sýna þættina sem
víðast frá og með byrjun næsta árs.
Chris Kristjanson, sonur Bobbys,
og Devon og Trevor, synir hans, eru
áberandi í öllum þáttunum, en sá
síðastnefndi er jafnframt aðstoðar-
maður framleiðenda. Alls koma um
700 karlar og konur við sögu.
Vinnubrögðin hafa lítið sem ekk-
ert breyst frá því Íslendingar sett-
ust að við vatnið haustið 1875 og
byrjuðu að læra á það. Í byrjun var
eina skjólið á ísnum frá hundum en
nú frá færanlegum vinnuskúrum,
vélsleðum og gömlum Bombardier-
beltasnjóbílum, sem eru annars góð-
ir til síns brúks, þótt þægindunum
sé ekki beint fyrir að fara. „Þetta er
vinna eins og hvað annað og ég kann
ekkert annað,“ segir Bobby. Chris
tekur undir það í seríunni.
Fimm ættliðir
á Winnipegvatni
Ljósmyndir/Farapoint Films
Á Winnipegvatni Ekki er fyrir hvern sem er að stunda veiðarnar.
 „Íslenskir“ fiski-
menn áberandi í
sjónvarpsseríunni
Ice Vikings
Við slóðina Robert T., Chris og Joel Goodman leggja net sín skammt frá
Heclu-eyju, um 100 km fyrir norðan Gimli, og kanna hér ís og strauma.