Morgunblaðið - 10.12.2020, Blaðsíða 72

72 ÍÞRÓTTIR
MORGUNBLAÐIÐ FIMMTUDAGUR 10. DESEMBER 2020
Meistaradeild karla
D-RIÐILL:
Midtjylland – Liverpool .......................... 1:1
 Mikael Anderson kom inn á hjá Midtjyll-
and á 63. mínútu.
Ajax – Atalanta......................................... 0:1
Lokastaðan:
Liverpool 13, Atalanta 11, Ajax 7, Midtjyll-
and 2.
 Liverpool og Atalanta í 16-liða úrslit,
Ajax fer í Evrópudeildina.
H-RIÐILL:
París SG – Istanbul Basaksehir.............. 5:1
 Haldið áfram frá 14. mínútu eftir að leik
var hætt í fyrrakvöld.
Lokastaðan:
París SG 12, Leipzig 12, Manchester Unit-
ed 9, Istanbul Basaksehir 3.
 París SG og Leipzig fara í 16-liða úrslit
en Manchester United í Evrópudeildina
 Öðrum leikjum gærkvöldsins í Meistara-
deild karla var ekki lokið þegar blaðið fór í
prentun. Sjá mbl.is/sport.
Meistaradeild kvenna
32ja liða úrslit, fyrri leikir:
Guria Lanchkhuti – Rosengård............. 0:7
 Glódís Perla Viggósdóttir lék allan leik-
inn með Rosengård og skoraði sjötta mark
liðsins.
Juventus – Lyon....................................... 2:3
 Sara Björk Gunnarsdóttir lék fyrstu 57
mínúturnar með Lyon.
SL Benfica – Chelsea .............................. 0:5
 Cloé Lacasse lék allan leikinn með Ben-
fica en María Þórisdóttir kom inn á hjá
Chelsea á 61. mínútu.
Minsk – Lilleström................................... 0:2
Zhilstroy – Kazygurt ............................... 2:1
Sparta Prag – Glasgow City.................... 2:1
Subotica – Wolfsburg............................... 0:5
Gautaborg – Manchester City ................ 1:2
PSV Eindhoven – Barcelona................... 1:4
St. Pölten – Zürich ................................... 2:0
Servette – Atlético Madrid...................... 2:4
Noregur
Aalesund – Strömsgodset....................... 1:4
 Davíð Kristján Ólafsson lék fyrstu 68
mínúturnar með Aalesund.
 Valdimar Þór Ingimundarson kom inn á
eftir 33 mínútur hjá Strömsgodset og Ari
Leifsson eftir 77 mínútur.
Haugesund – Bodö/Glimt....................... 0:4
 Alfons Sampsted lék allan leikinn með
Bodö/Glimt.
Start – Brann ........................................... 1:1
 Guðmundur Andri Tryggvason lék ekki
með Start vegna meiðsla. Jóhannes Harð-
arson þjálfar liðið.
 Jón Guðni Fjóluson lék allan leikinn með
Brann.
Sarpsborg – Sandefjord ......................... 0:0
 Emil Pálsson lék allan leikinn með
Sarpsborg og Viðar Ari Jónsson lék síðari
hálfleikinn.
Danmörk
Bikarkeppnin, 16-liða úrslit:
Nyköbing – OB......................................... 0:3
 Sveinn Aron Guðjohnsen skoraði fyrra
mark OB og fór af velli á 68. mínútu. Aron
Elís Þrándarson lék ekki vegna meiðsla.
B-deild:
Vendsyssel – Esbjerg .............................. 1:2
 Andri Rúnar Bjarnason lék ekki með
Esbjerg vegna meiðsla. Ólafur H. Krist-
jánsson þjálfar liðið.
 Meistaradeild karla
A-RIÐILL:
Pick Szeged – Meshkov Brest............ 30:27
 Stefán Rafn Sigurmannsson lék ekki
með Pick Szeged vegna meiðsla.
Evrópudeild karla
D-riðill:
GOG – Tatabánya ................................ 30:28
Viktor Gísli Hallgrímsson varði 14 skot í
marki GOG. Leikið var í Ungverjalandi en
fyrri leikurinn var einnig þar í fyrradag og
þá vann GOG 35:32.
Danmörk
Skjern – Fredericia ............................. 36:30
 Elvar Örn Jónsson skoraði 5 mörk fyrir
Skjern og gaf 3 stoðsendingar.
Noregur
Halden – Drammen ............................. 24:34
 Óskar Ólafsson skoraði ekki fyrir Dram-
men en átti 2 stoðsendingar.
Svíþjóð
Skövde – Sävehof ................................ 23:32
 Bjarni Ófeigur Valdimarsson lék ekki
með Skövde.


 Evrópubikarinn
C-riðill:
Andorra – Lokomotiv Kuban......... 100:106
 Haukur Helgi Pálsson var stigahæstur
hjá Andorra með 21 stig.
 Staðan: Virtus Bologna 8/0, Lokomotiv
Kuban 7/2, Mónakó 4/3, Andorra 3/4,
Lietkabelis 1/7, Antwerpen 1/8.
 
 Atalanta komst áfram í 16-liða úrslit
Meistaradeildar karla í knattspyrnu
ásamt Liverpool. Atalanta vann
Ajax 1:0 í Amsterdam. Mikael And-
erson lék rúman hálftíma með Midt-
jylland gegn Liverpool og litlu mun-
aði að hann næði að skora rétt fyrir
leikslok. Liðin gerðu 1:1 jafntefli í
Danmörku en enska liðið hafði
tryggt sér efsta sætið í riðlinum fyr-
ir lokaumferðina. Alexander Scholz,
fyrrverandi leikmaður Stjörnunnar,
tryggði dönsku meisturunum jafn-
tefli með marki úr vítaspyrnu. Mo
Salah skoraði fyrir Liverpool.
Mikael mætti
Liverpool
AFP
Spjaldaður Mikael fær að sjá gula
spjaldið gegn Liverpool í gær.
Glódís Perla Viggósdóttir landsliðs-
kona í knattspyrnu er á leið með
sænska liðinu Rosengård í sextán
liða úrslit Meistaradeildar kvenna.
Glódís skoraði eitt marka Rosen-
gård í gær þegar það vann auðveld-
an sigur á georgísku meisturunum
Guria Lanchkhuti, 7:0, en leikið var
í Tbilisi. Seinni leikurinn í Malmö er
formsatriði. Þá fagnaði Sara Björk
Gunnarsdóttir góðum útisigri, 3:2,
með Evrópumeisturum Lyon sem
sóttu Ítalíumeistara Juventus heim
til Tórínó. Saki Kumagai skoraði
sigurmarkið rétt fyrir leikslok.
Glódís og Sara
á sigurbraut
Morgunblaðið/Eggert
Skoraði Glódís Perla Viggósdóttir
gerði eitt marka Rosengård í gær.
SUND
Bjarni Helgason
bjarnih@mbl.is
Árið 2020 hefur verið krefjandi fyrir
sundkonuna Ingibjörgu Kristínu
Jónsdóttur en hún hafði sett stefn-
una á að ljúka sundferlinum á Ól-
ympíuleikunum í Tókýó 2020.
Eftir að kórónuveirufaraldurinn
skall á í upphafi árs var hverju sund-
mótinu á fætur öðru frestað og að
lokum var Ólympíuleikunum frestað
til næsta árs.
Ingibjörg, sem er 27 ára gömul,
vann til fimm gullverðlauna á Ís-
landsmótinu í 25 metra laug sem
haldið var í Ásvallalaug í nóvember
2019 en Íslandsmótinu í ár var frest-
að vegna veirunnar.
Sundkonan hefur æft með hléum á
þessu ári og er óvíst hvað tekur við
hjá henni á nýju ári.
„Sundsambandið fékk undanþágu
frá sóttvarnayfirvöldum seinni hluta
nóvembermánaðar þannig að ég,
ásamt átta öðrum sundmönnum sem
höfðu náð lágmarki eða voru nálægt
lágmörkum inn á Evrópumeist-
aramót og Evrópumeistaramót ung-
linga á næsta ári, höfum getað æft
einu sinni á dag síðan 21. nóvember
síðastliðinn,“ sagði Ingibjörg í sam-
tali við Morgunblaðið.
„Við sem erum landsliðsmenn í
sundi höfum þess vegna getað æft
einu sinni á dag, síðustu daga, en
undir mjög ströngum skilyrðum. Við
erum fyrst og fremst þakklát fyrir að
fá tækifæri til þess að æfa en ég er
orðin 27 ára gömul og ég hef hætt
tvisvar sinnum í sundi á þeim tíma.
Ég ætlaði að hætta eftir Ólympíu-
leikana í Tókýó 2020 og það komst
ekkert annað að í hausnum á mér ef
svo má segja.
Þegar fyrsta bylgjan skall á sá ég
ekki að þessi kórónuveirufaraldur
væri eitthvert svakalegt vandamál.
Ég man mjög vel eftir því að ég gjör-
samlega trompaðist út í þjálfarann
minn degi áður en sundlaugum og
líkamsræktarstöðvum var skellt í lás.
Við þurftum að gera drög að nýjum
æfingum fyrir mig og mér fannst
hann vera að gefast upp á bæði mér
og mínum draumum því ég einfald-
lega neitaði að trúa því að það væri
verið að fara að loka öllu hérna.
Ég var í raun bara eins og veð-
hlaupahestur sem sá ekkert annað en
Ólympíuleikana. Það var ekki búið að
fresta leikunum á þessum tímapunkti
og ekki heldur Evrópumótinu. Þang-
að stefndi ég að sjálfsögðu og það var
ekkert að fara að koma í veg fyrir
þátttöku mína þar. Svo kom þessi til-
finning stuttu síðar, eins og maður
stæði á teppi, og því var allt í einu
kippt undan manni. Ég féll með því
og ég hef í raun bara verið í lausu
lofti síðan í júlí og ég veit satt best að
segja ekkert hvort ég eigi að halda
áfram í sundinu eða kalla þetta gott,“
bætti Ingibjörg við.
Hefur haft það náðugt
Ingibjörg hefur getað einbeitt sér
að sundinu undanfarin ár en eftir að
hún keypti sína fyrstu íbúð hefur ým-
islegt breyst hjá henni.
„Ég er búin að halda mér í mjög
góðu formi, meðal annars með því að
æfa í Mjölni þegar það hefur verið í
boði, og ég hef verið að synda með
landsliðinu undanfarnar vikur en
þetta er erfitt. Ég fékk eingreiðslu-
styrk frá SSÍ fyrir allt árið en hann
er meira hugsaður fyrir íþróttafatn-
að og eitthvað í þá áttina, ekki helstu
nauðsynjar. Þá ætlaði ég mér að
reyna að nýta séreignarsparnaðinn
minn á dögunum til þess að greiða
niður höfuðstólinn á húsnæðisláninu
mínu. Ég fór að hlæja þegar ég sá
upphæðina sem ég var búin að vinna
mér inn, svo lág var hún.
Ég er ekki búin að vera að vinna
neitt undanfarin ár þar sem ég hef
bara verið að synda. Ég fæ ekki borg-
að fyrir að synda og eins og staðan er
í dag þá er ég bara 27 ára gömul og
hef í raun aldrei unnið neitt þannig,
þótt sundið sé klárlega 100% vinna.
Maður hefur haft það ansi náðugt
undir verndarvæng mömmu og
pabba undanfarin ár og fyrir það er
ég að sjálfsögðu afar þakklát. Þegar
maður þarf svo að fara að hugsa um
sig sjálfur þá áttar maður sig á ýmsu.
Sundið hefur gefið mér þvílíkt mikið
og ég er virkilega þakklát fyrir það
en ég er líka orðin eldri og þroskaðri
og þarf að fara að taka stórar ákvarð-
anir um mína framtíð.“
Tekur einn dag í einu
Kórónuveirufaraldurinn hefur haft
mikil áhrif á keppnistímabilið hjá
Ingibjörgu líkt og öðrum íþrótta-
mönnum.
„Ég keppti á fyrsta mótinu mínu í
janúar í 50 metra laug og þá hafði ég
ekkert synt í einn og hálfan mánuð.
Ég náði strax lágmörkum inn á Evr-
ópumótið sem átti að fara fram í maí.
Markmiðið var svo að ná lágmarkinu
fyrir Ólympíuleikana á EM en svo
var öllu frestað og það breytti öllu.
Ég ætlaði mér að sækja um styrk hjá
ÍSÍ, eftir að hafa náð ólympíu-
lágmarki, sem hefði þá framfleytt
manni en það var einhvern veginn allt
tekið af manni eftir þessar frestanir.
Í dag er ég kennari, ásamt því að
vera að reyna að synda, og það er erf-
itt að púsla þessu saman. Það er erfitt
að vera afreksíþróttamaður á Íslandi
í dag svo við segjum það bara eins og
það er. Ég tek einn dag í einu því mér
finnst enn þá mjög gaman að synda
en það er líka erfitt að vita ekki hve-
nær maður getur keppt. Það er þess
vegna erfitt að setja niður einhverja
æfingaáætlun og ég veit satt best að
segja ekki hvort stefnan sé enn þá á
Ólympíuleikana,“ bætti Ingibjörg við.
Trompaðist út í þjálfarann
áður en skellt var í lás
 Krefjandi ár hjá Ingibjörgu sem var með Ólympíuleikana í Tókýó í sigtinu
Morgunblaðið/Árni Sæberg
Óvissa Sundkonan Ingibjörg Kristín Jónsdóttir er ekki viss um hvort hún
sé enn með Ólympíuleikana í sigtinu en hún hafði stefnt á leikana í ár.
Sara Björk Gunnarsdóttir landsliðs-
fyrirliði í knattspyrnu sagði í yfir-
lýsingu sem hún birti á Twitter í
gær að hegðun Jóns Þórs Hauks-
sonar þjálfara kvennalandsliðsins
eftir leikinn í Ungverjalandi í síð-
ustu viku hafi verið óásættanleg.
Það sé hins vegar ekki ákvörðun
leikmanna heldur KSÍ hver þjálfi
landsliðið.
Sara lýsti jafnframt yfir óánægju
með fullyrðingar í fjölmiðlum um að
hún væri ekki sátt við ákveðinn
þjálfara eða ráðningu einhvers
þjálfara.
Um atvikin eftir leikinn sem
leiddu til þess að Jón Þór sagði af
sér sagði Sara m.a.: „Þar átti hann
persónuleg samtöl við leikmenn um
önnur mál en fótbolta sem valdið
hafa trúnaðarbresti milli hans og
leikmanna liðsins.“
Yfirlýsing Söru var í tveimur
hlutum, annars vegar fyrir hönd
leikmanna og hins vegar fyrir hönd
hennar sjálfar. Í þeirri seinni sagði
hún m.a.:
„Alhæfingar í fjölmiðlum um að
ég Sara Björk sé ekki sátt með
ákveðinn þjálfara eða ráðningu ein-
hvers þjálfara og að sá aðili myndi
ekki fá né halda starfi eru rangar.
Þessar ósönnu fullyrðingar skapa
ímynd um mig sem er kolröng og
kæri ég mig ekki um svona frétta-
flutning.“
Hún sagði enn fremur: „Í ljósi at-
viksins í Ungverjalandi snýst málið
um að brotið var á leikmönnum
liðsins og ég sem fyrirliði liðsins
mun alltaf standa þétt við bakið á
leikmönnum og hugsa um hag
þeirra og hópsins sem heild.“
Yfirlýsingu Söru Bjarkar má sjá í
heild sinni á íþróttavefnum á mbl.is.
Ekki ákvörðun leikmanna hver þjálfar liðið
Morgunblaðið/Eggert
Fyrirliði Sara Björk Gunnarsdóttir.