Málfríður - 15.05.1996, Qupperneq 13

Ljóðin eru eftir Björn Björnsson rafverktaka og söngkennara.
Hann er fæddur í Reykjavík 1945. Ljóð eftir Björn hafa birst í
Morgunblaðinu.
Skuggalegt mál
Því dáir þú skuggann
svo hverfulan
svo ótryggan
væntumþykjandi förunaut
þeirra stunda,
þegar fuglarnir syngja
og blómin anga
sólskinsins vegna.
Vínberiö
Því ekki að vaxa
verða hnöttótt litríkt
fyllast höfgum safa
smjúga í æðar elskendanna
berast með blóði
að leyndustu stöðum
ástarinnar.
Ljóöið
Segl bréfbátsins
er boðberi ljóðsins
þó misjafnir vindar
misjafnra tíma
vaggi bátnum
siglir hann
ofar öldudal hversdagsins
að óminnisströnd.
13