Dagfari - des. 2020, Blaðsíða 38

38
DAGFARI
Í Friðarhúsi gefur að líta þetta glæsilega
listaverk af grimmum ránfugli sem slítur
hjartað úr Íslandi miðju. Verkið túlkar
tilfinningar listamannsins, Sigurðar
Sigurðarsonar, í upphafi þrásetu hers á
Íslandi skömmu eftir stofnun lýðveldis.
Fyrir fáeinum árum færði hann Samtökum
hernaðarandstæðinga verkið að gjöf.
Sigurður var húsa- og skipasmíðameistari,
fæddur í Vatnsdal í Vestmannaeyjum 22. júlí
1928. Hann flutti ungur frá Eyjum og ólst
upp í Reykjavík. Var Sigurður alla tíð mjög
listrænn og ungur að árum skar hann mikið
út í tré. Hann lagði útskurðinn á hilluna í
mörg ár, en hóf aftur að skera út um það
bil sem hann hætti að starfa sem smiður.
Útskurðarmyndirnar vann hann sjálfur frá
grunni, teiknaði og skar út. Mörg myndverka
hans sækja efnivið í norræna goðafræði og
íslenskar þjóðsögur.
Kona Sigurðar var Jóhanna Margrét Friðriks-
dóttir verkakona og verkalýðsleiðtogi
f. 13.10.1930 í Reykjavík, d.17.11. 2012. Þau
giftust 1950 og byggðu sér hús í Kópavogi,
fyrst í Víðihvammi og síðar í Hrauntungu.
Þau fluttu til Vestmannaeyja 1970 og byggðu
sér hús að Fjólugötu 29 þar sem þau bjuggu
til 1999 að þau fluttu í Hafnarfjörð. Þeim
varð fjögurra barna auðið, en þau eru Atli,
Bjartey, Gylfi og Arnar.
Sigurður hafði alla tíð mikinn áhuga á þjóð-
málum og var m.a. virkur í Æskulýðsfylking-
unni á sínum yngri árum og seinna í Alþýðu-
bandalaginu, Samfylkingunni og Vinstri
grænum. Einnig í Samtökum hernaðarand-
stæðinga og öllu andófi gegn hernámi Íslands
frá upphafi.Sigurður lést á liðnu sumri.
Hjarta landsins blæðir
Tréskurðarlistaverk í eigu SHA
Sigurður Sigurðsson..
Bandarískur kjarnorkukafbátur – 130 milljarðar Bandaríkjadala
Black Hawk herþyrla – 6 milljónir Bandaríkjadala
F-35A orrustuþota – 80 milljónir Bandaríkjadala
M1 Abrams skriðdreki – 4,5 milljón Bandaríkjadalir
Þjálfun eins bandarísks hermanns – 35 þús.Bandaríkjadalir
Kostnaður við klukkustundarflug F-15 orrustuþotu –
20 þús. Bandaríkjadalir
Hernaðarhítin