Vinnan - 01.11.1949, Blaðsíða 30

ævintýralega álfheima, og yfir öllu var dularfullt
huldublik. Á þessum Glæsivöllum var hver laut ang-
andi Víðidalur, og hver þúfa sólroðinn Tindastóll.
Og ekki þurfti að kvíða fátæktinni í þessari töfra-
veröld, því að hver bali var vaxinn peningagrasi,
og nóg var af gullinu meðan dögginn glóði á maríu-
stakknum í morgunsólinni.
Þarna eignuðumst við aðlaðandi félaga, eins og
Lalla litla frá Botni, sem var nærri drukknaður í
lauginni á Lauglandi af einskærum áhuga, þegar
hann var að læra að synda, og Geir litla í Hraungerði
sem stalst frá heyþurrkinum og heim í stofu, af því
að hann langaði svo mikið að spila á nýja orgelið og
syngja, og þá hafði maður ekki minnsta grun um, að
maður ætti sjálfur eftir að læra sund og leikfimi hjá
hinum fræga sundkappa Lárusi Rist, sem nú var ekki
lengur kallaður Lalli frá Botni - og nema undirstöðu-
atriði í söng og tónfræði hjá Geir Sæmundssyni
vígslubiskupi, sem hafði sungið fyrir konginn og var
ekki Geir í Hraungerði lengur. Og þarna eignuðumst
við fleiri kunningja, svo sem huldufólk og álfa og
dverga sem bjuggu í hverjum hól og hverjum steini.
En svo yfirgáfum við fagrahvamm bernskunnar
og héldum af stað út í lífið. Og nú stóðum við ekki
undir handarkrika Sigurbjarnar Sveinssonar lengur,
og um leið lokuðust álfheimarnir, huldublikið hvarf,
og langt er nú síðan sézt hefur bláklædd huldukona
fyrir utan tún eða dvergajarmur heyrzt í steini, og
rauðgrautur orkar ekki lengur á okkur á sama hátt
og skáldskapur, því að kryddaðar kræsingar stór-
pólitískra bókmennta hafa skemmt í okkur hina and-
legu bragðlauka.
Við sem sé, uxum upp, gerðumst miklir menn, í
eigin augum, náðum því hámarki þekkingarinnar að
hafa lesið öll dagblöð veraldarinnar og gleymt þeim
aftur, slömpuðumst á stúdentspróf, sumir okkar fyrir
óskiljanlega náð heilags anda, og urðum um leið svo
gáfaðir, að við höfum ekki beðið þess bætur síðan.
Og við fengum spegilbrot í augað og sjáum nú allt
afskræmt, og líka hjartað, því það er orðið kalt.
Og nú brjótum við heilann um það, hvað það er í
ævintýrum Sigurbjarnar Sveinssonar, sem töfraði
okkur, þegar við vorum börn. Er það hin einfalda
tæra frásagnarsnilld, eða er það hinn óviðjafnanlegi
hæfileiki hans til að lifa sig inn í hugarheim óspilltra,
barnslegra sálna. Það er vafalaust þetta og ef til vill
margt fleira og þó sérstaklega eitt, sem er aðall alls
skáldskapar og allra lista og heitir sálargöfgi, ef
ég kann að nefna það. Sigurbjörn Sveinsson hefur
aldrei fengið spegilbrot í augað og ekki heldur hjart-
að. Það er þess vegna, sem veröldin verður að töfr-
andi álfheimi, þegar við stöndum undir handarkrika
hans, grámóska hversdagslífsins að leyndardóms-
fullu huldubliki og döggin á maríustakknum að gló-
andi gulli í sólskininu.
Karl ísfeld
f-----------------------------------'x
SAMBANDS-
tíðindi
v___________________________________'
NÝ SAMBANDSFÉLÖG
Bifreiðastjórafélag Strandasýslu
var veitt viðtaka í Alþýðusambandið á fundi miðstjómar, er
haldinn var 24. okt. s. 1.
Félagið var stofnað 25. sept. og voru stofnendur 14 að
tölu.
Stjórn félagsins er skipuð þessum mönnum:
Formaður: Vilhjálmur Sigurðsson, Hólmavík.
Ritari: Jóhann Jónsson, Kaldrananesi.
Gjaldkeri: Bjarni Eysteinsson, Bræðrabrekku.
NÝIR SAMNINGAR
Verkalýðs- og Sjómannafélagið Bjarmi á Stokks-
eyri
gerði 15. okt. s. 1. samkomulag við vinnuveitendur á Stokk-
eyri urn grunnkaupshækkun án uppsagnar á samningnum.
Samkævmt samkomulaginu hækkar grunnkaup karla við
almenna vinnu úr kr. 2,80 á klst. í kr. 3,08, og kaup
kvenna úr kr. 1,75 í kr. 2,00 á klst.
Múrarafélag Reykjavíkur
gerði nýja samninga við Múrarameistarafélag Reykjavíkur
15. ágúst s. 1. Aðalbreyting á samningi þessum frá hinum
fyrri, er að tímakaup hækkar úr kr. 3,65 í kr. 4,00 og
ákvæðisvinnutaxtinn hækkar um 10% til jafnaðar.
Bifreiðastjórar og netagerðarmenn á ísafirði
Bílstjóradeild verkamannafélagsins Baldurs á Isafirði og
Dröfn, deild netavinnumanna í sama félagi, hafa fengið
kjarabætur með nýjum samningum.
Akstursgjöld vörubifreiða hækka úr kr. 24,00 á klst. upp
í kr. 27,00 og innanbæjarakstur hækkar úr kr. 6,50 upp
í kr. 8,50 miðað við einstakar ferðir.
Grunnkaup netavinnumanna hækkar úr kr. 2,82 upp í kr.
3,40 á klst. Kauptrygging netavinnumanna, sem vinna á
Siglufirði um síldveiðitímann hækkar úr kr. 125,00 til 143,75
á viku; tjörgun neta og nóta hækkar úr kr. 3,98 upp í
kr. 4,42.
Þá hafa greiðslur fyrir ákvæðisvinnu við skelflettingu, inn-
pökkun og niðurlagningu á rækjum hækkað.
188
VINNAN