Stefnir - 01.12.1981, Qupperneq 18

Stjórnmálayfirlýsing
rekstri þarf að auðvelda samvinnu og
samstarf stjómenda og starfsmanna í því
skyni að auka ábyrgð allra þeirra, er í
atvinnulífinu starfa. Greiða þarf götu
hagræðingar og starfshvatningar og
mæta nýjum kröfum tækni og tölvuvæð-
ingar. Öryggi um atvinnu sé ennfremur
treyst og starfsgleði örvuð með aukinni
verkmenntun og endurþjálfun, sveigjan-
legum vinnutíma og bættum aðbúnaði á
vinnustað.
Stuðlað sé að því að heilbrigðar lífs-
venjur fái að þróast og að fjölskyldulíf
eflist á grundvelli kristinnar lífsskoðunar.
Aílir njóti öryggis ef heilsubrestur sæki
að og þegar aldur færist yfir og hafi sama
rétt til orlofs og verðtryggðs lífeyris.
Takist á grundvelli framangreindrar
stefnu í atvinnu- og kjaramálum að auka
framleiðslu og örva nýja starfsemi, geta
kjör að nýju farið batnandi. Um leið
verður unnt að treysta atvinnu, efla
menningu og bæta umhverfi. Jafnframt
geta frelsi og lýðræði dafnað og eining
þjóðarinnar styrkst á grundvelli dýr-
mætrar arfleifðar hennar.
Sjálfstæðisflokkurinn hefur ávallt
verið þeirrar skoðunar að öryggi landsins
verði að tryggja miðað við aðstæður
hverju sinni. A alþjóðavettvangi ekki
síður en innanlands takast þeir á, nú sem
fyrr, sem eru fylgjandi frelsi einstaklings-
ins, og þeir sem vilja hefta þetta frelsi.
Atburðirnir í Póllandi sýna vilja fólks til
að brjótast undan oki sósíalismans, en
innrásin í Afganistan staðfestir enn á ný
að Sovétmenn hika ekki við að beita
valdi sínu, þegar svo býður við að horfa.
Aróðursherferð Sovétmanna í Evrópu
um þessar mundir, ekki síst á Norður-
löndum, vekur ugg og gefur sérstakt til-
efni til þess að vara við undanlátssemi.
Það er því miður staðreynd að hern-
aðarlegt mikilvægi íslands hefur aukist.
Útþensla sovéska flotans heldur áfram
og umsvif hans og sovéskra herflugvéla í
nágrenni íslands fara vaxandi. Það er
augljóst, að enn sem fyrr verður öryggi
þjóðarinnar ekki tryggt með öðru en
áframhaldandi þátttöku í því friðarkerfi,
sem Jslendingar hafa átt þátt í að móta á
Norður-Atlantshafi. Yfirgnæfandi hluti
þjóðarinnar kýs eins og áður virka þátt-
töku í varnarsamstarfi lýðræðisþjóðanna
og vill gera þær ráðstafanir til varnar,
sem nauðsynlegar eru til þess að íslend-
ingar fái að lifa í friði í landinu. Sjálf-
stæðisflokkurinn mun vinna að því að
sem víðtækust eining náist um varnir
landsins, en telur ekki að við núverandi
aðstæður komi til greina að draga úr þeirri
öryggisgæslu, sem fram fer í landinu og
umhverfis það.
Framundan eru viðsjárverðir tímar á
alþjóðavettvangi og miklir erfiðleikar í
atvinnumálum landsmanna. Sjálfstæðis-
flokkurinn, einn stjórnmálaflokka, getur
veitt þjóðinni þá forustu, sem hún
þarfnast. Brýna nauðsyn ber því til að
sjálfstæðismenn sameinist í einarðri
baráttu fyrir öryggi landsins, frelsi og
rétti einstaklingsins og frjálsu og heil-
brigðu atvinnulífi, er sé grunnur velferð-
ar hvers og eins og samhjálpar allra á
komandi árum. Sjálfstæðismenn vilja
gera þessa stefnu sína að þjóðarstefnu
mannréttinda, frelsis og lýðræðis.
II. Afstaðan til ríkis-
stjórnarinnar
Landsfundur Sjálfstæðisflokksins
telur, að stefna og störf núverandi ríkis-
stjómar séu í ósamræmi við sjónarmið
Sjálfstæðisflokksins og efli áhrif þeirra,
sem andvígastir eru þeim sjónarmiðum.
Þetta hefur leitt til þess, að æ meir hefur
þrengt að atvinnuvegum landsins og að
atvinnurekstur einstaklinga og félaga
þeirra á hvarvetna í vök að verjast. Jafn-
framt hefur verið látið undir höfuð
leggjast að marka og framfylgja stefnu í
orku- og iðnaðarmálum, sem orðið gæti
grundvöllur að atvinnu og framförum á
komandi árum. Ekkert það hefur verið
aðhafst gegn verðbólgunni, sem áhrif t
hefur nema skamma hríð, enda fer hún
nú vaxandi á ný. Verðlagshöft hafa
grafið undan f járhag fyrirtækja og stofn-
ana, rýrt sjálfstæði þeirra og í reynd haft
öfug áhrif við tilganginn. Stefnt hefur
verið áratugi aftur í tímann með fjöl-
gengi og millifærslum milli atvinnu-
greina. Fláum sköttum hefur verið við
haldið, erlendar lántökur hafa farið sí-
vaxandi og meðal annars komið í stað
innlendrar skuldasöfnunar ríkissjóðs og
ríkisstofnana. Dregið hefur verið úr að-
stöðu einstaklinga til að eignast eigið
húsnæði og umráð þeirra yfir eignum
sínum takmörkuð. Umsvif ríkisins og af-
skipti hafa enn verið aukin. Tvíbent af-
staða ríkisstjómarinnar í varnarmálum
og frestun mikilvægra framkvæmda á
þeim vettvangi stefnir öryggi landsins i
hættu. ,
Fundurinn lýsir því yfir eindreginni
andstöðu við ríkisstjórnina. Stefna
stjórnarinnar og framkvæmd hennar er
bersýnilega ekki í samræmi við grund-
vallarhugsjónir ráðherra úr röðum sjálf-
stæðismanna. Fundurinn skorar á þessa
ráðherra að ganga úr ríkisstjórninni og
þá þingmenn flokksins, sem stutt hafa
hana, að láta af þeim stuðningi. Sjálf-
stæðisflokkurinn getur þá einhuga og
sameinaður staðið að nýrri stjórnar-
myndun á grundvelli stefnu sinnar.
18