Heilbrigðisskýrslur - 01.12.1895, Page 50

1894
48
fáir, og veikin lagðist þar létt á, og er þar þó allvíða fámennt af vinnandi fólki, en þar
hygg ég, að þetta megi þakka því, að þar eru víðast hvar kúabaðstofur, sem hafa því
verið sæmilega hlýjar.
15. læknishérað. Inflúenzuveikin kom hér i umdæmið skömmu eftir nýár og
varaði um 2 mánuði. Hún má heita að hafa komið á öll heimili. Veikin lagðist mjög
misjafnlega þungt á. 2 ungir menn dóu, af því þeir fengu pneumoni upp úr inflúenzu,
en þeir fóru yfir fjallveg lasnir til að sækja meðul. Það ég frekast veit, voru flestir,
sem dóu, gamalmenni.
17. læknishérað. Inflúenzan barst hingað í byrjun febrúarmánaðar, og gekk
hún siðan yfir allt læknisumdæmið á eitthvað 3 mánuðum og tók næstum hvern mann
undantekningarlaust. Sóttin sýndi sig með öllum vanalegum einkennum og ýfði jafnan
upp þá kvilla, er menn höfðu fyrir eða var gjarnt til. Pneumonia crouposa kom fyrir
i 2 tilfellum sem komplikation (2 miðaldra karlmenn, sullaveikir undir). í einu til-
felli, sem einnig endaði með dauða, voru symptomin, fyrir utan hitasóttina, mikill
acut tumor af hepar og niðurgangur. í einu tilfelli bar mest á nervösum symptom-
um: áköfum höfuðverk með eftirfylgjandi svefnleysi og óráði. Fleiri dóu ekki úr
sóttinni en þeir 4 sjúklingar, sem ég nú hef talið. Annars var þung bronchitis með
öllu útliti fyrir meðfylgjandi pneumoni alltíð.
20. læknishérað. í öndverðum marzmánuði barst inflúenzusóttin hingað með
vermönnum úr Rangárvallasýslu, og veiktist allur þorri eyjabúa af henni. Fáir fengu
lungnabólgu upp úr henni. Úr henni dóu hér 5 brjóstveik gamalmenni og eitt barn
á 2. ári.
7. aukalæknishérað. í byrjun aprílmánaðar kom inflúenzan hingað og stóð yfir
fram í maímánuð. Ég hef ekki tekið þá sótt á skýrsluna um landfarsóttir, af þvi að
mér var ómögulegt að hafa tölu á þeim, sem veikir urðu. Óhætt mun þó að fullyrða,
að örfáir sluppu við hana með öllu. Af þeim, sem ég vissi um, dóu 5, 3 gamalmenni
og 2 börn. Það er því ekki beinlínis hægt að segja, að hún hafi verið mannskæð, en
hún lagðist þungt á menn, einkum þá, sem eitthvað voru veikir fyrir, og má segja,
að hún hafi óbeinlinis valdið dauða ýmsra manna, sem dóu, eftir að hún var um
garð gengin.
4. Taugaveiki (febris typhoidea).
Skráðir eru 137 taugaveikissjúklingar í 11 héruðum og 6 taldir dánir. Þar af voru
52 sjúklingar í 12. læknishéraði. Ekki virðist héraðslæknir þar telja þetta í frásögur
færandi, því að hann nefnir veikina aðeins á nafn í aðalskýrslu sinni. (Sjá skýrslu
1893).
1. læknishérað. 1 fremur vægt tilfelli. Yfir höfuð virðist bera miklu minna á
þeirri veiki síðari árin.
5. læknishérað. Allmörg tilfelli í janúar—marz, framhald af þeirri epidemiu,
sem hafði byrjað í nóvember árið fyrir. Sótt þessi var hvergi illkynjuð og varð eng-
um að bana.
6. læknishérað. í janúarmánuði kom upp taugaveiki á einum bæ í Súðavíkur-
hreppi og varð einum að bana. Mánuði síðar tók sama veiki eitt heimili fyrir í Ögur-