Studia Islandica - 01.06.1937, Qupperneq 25

23
og er auðséð, að þar er að ræða um alkunna staðreynd,
synd sem ekki varð af skafin. En Roðbert kennir þetta
illum félagsskap og kostar kapps um að sýna fram á,
að Magnús hafi horfið frá villu síns vegar. Loks kemur
hér í ljós megn óbeit á Hákoni jarli, sem lét drepa Magn-
ús, og er farið um hann mörgum illum orðum, en menn
hians kallaðir blóðþyrstir Beliels þjónar o. s. frv.
í Orkn. s. og frásögnum um jarteiknir Magnúsar,
sem bæði eru varðveittar í M II og einu handriti af
Orkn. s. (325 I), segir frá því, að litlu eftir dauða Magn-
úsar fóru menn að sjá ljós yfir leiði hans og vanheilir
menn tóku bót, er til grafar hans komu. „En þó þorðu
menn eigi þessu upp at halda, meðan Hákon jarl lifði“.
Þá var Vilhjálmur hinn gamli biskup; „hann tortryggði
lengi heilagleik Magnúss jarls“. Eftir dauða Hákonar
jarls réðu landi synir hans, Haraldur sléttmáli og Páll
ómálgi. Haraldur dó af göldrum, að því er sagan hermir,
og réð Páll síðan einn landi. Nú gerast enn jarteiknir,
en Vilhjálmur biskup drap því enn mjög í egg. 20 menn
vanheilir fá heilsubót. „Þá tjáðu margir menn þat fyrir
byskupi, at hann láti um verða talat við Pál jarl, at hann
leggi lof á, at til væri leitat leiðisins, ok væri upp tekinn
heilagr dómr Magnúss jarls. Byskup tók því þunglega,
er þat var mælt“. Þó kemur svo, að biskup sjálfur fer
að heita á Magnús, þegar honum liggur á, en Páll jarl
lagði óþokka á alla þá menn, er fluttu heilagleik hans.
Nú verður biskup blindur í kirkju og heitir enn á Magn-
ús, lofar nú að taka upp bein hans „hvárt er þat líkaði
Páli jarli vel eða illa“, og það gerir hann. Nú er heil-
agur dómur jarls í Hrossey nokkra hríð. Þá dreymir
Gunna bónda í Vesturey, að Magnús komi til hans og
biðji að bera Vilhjálmi biskupi þau orð, að hann flytji
bein hans til Kirkjuvogs. Segir nú Gunni frá þessu, þar
sem staddur er bæði Páll jarl og Vilhjálmur biskup,
og biðja margir biskup að verða við þessu. „Páll jarl