Fréttablaðið - 06.03.2021, Blaðsíða 20

ÞAÐ ER VEL BÓKAÐ Í GIST-
INGU Í KRINGUM HÁTÍÐINA
SEM ER FRÁBÆRT OG VON-
ANDI BOÐ UM BETRI TÍÐ.
Aukinn áhugi á göngu­skíðum hefur aldeilis skilað sér í Mývatns­sveitina. Það eru margir slóðar víðs vegar um svæðið
og heimamenn eru duglegir að
halda þeim úti. Jarðböðin hafa til
að mynda fundið fyrir aukinni
aðsókn hjá sér vegna slóðanna í
kringum böðin og það seldist strax
upp á gönguskíðanámskeið sem
Sel Hótel Mývatn bauð upp á,“ segir
Úlla Árdal hjá Mývatnsstofu, en
um helgina hefst Vetrarhátíð við
Mývatn og hún stendur til 14. mars.
Hátíðin hefur skipað sér sess sem
einn allra skemmtilegasti vetrarvið­
burður Norðurlands þar sem bæði
hefðbundnar og óhefðbundnar
vetraríþróttir eru stundaðar í nátt­
úrufegurð sveitarinnar.
Af íþróttamótum sem keppt verð­
ur á má nefna Íslandsmeistaramót
Sleðahundaklúbbs Íslands á hunda­
sleða og svokallað skijoring, hesta­
mótið Mývatn Open, sem fer fram
á ísilögðu vatninu og fyrsta snow­
cross­mót vetrarins.
Fyrir þá sem vilja ekki keppa
bendir Úlla á að gönguskíðaslóðir
verði lagðar víðs vegar um svæðið,
skíðalyftan í Kröflu verður opin og
heimamenn kenna gestum að dorga
– nokkuð sem lætur engan ósnort­
inn. „Dorgveiðin sem var órjúfan­
legur þáttur í tilveru Mývetninga
hér áður fyrr hittir alltaf í mark,
enda spennandi og öðruvísi. Að
dorga er eitthvað sem f lestir hafa
heyrt af en ekki endilega prufað. Á
annað hundrað manns kynntu sér
dorgveiðina hjá Veiðifélagi Mývatns
á síðustu Vetrarhátíð og mikil
ánægja var meðal gesta,“ segir Úlla.
Hátíðin markar líka þau ánægju­
legu tímamót að verið er að opna
ferðaþjónustufyrirtæki í sveitinni
aftur eftir vetrar­ og COVID­lokun.
Það verða því ýmiss konar tilboð
á gistingu, mat og afþreyingu. Fátt
er betra en að enda svo góðan dag
með því að láta svo líða úr sér í jarð­
böðunum.
Úlla segir að Íslandsmeistaramót
Sleðahundaklúbbs Íslands hafi
verið haldið í Mývatnssveit síðan
2010 og séu 45 skráningar komnar
fyrir mótið í ár. Það sé svipað og
síðustu ár. Það stefnir þó í met­
skráningu á Mývatn Open. „Það
er mikil stemming fyrir mótinu
í ár. Síðustu ár hafa verið 80­112
skráningar á mótið en það stefnir í
metskráningu. Það er allt klárt fyrir
mótið og þykkt íssins verður mæld
á föstudaginn. Ef hann reynist ekki
nægilega þykkur er mótið fært af
Stakhólstjörn yfir á Skútustaðaengi.
Það sama á við um Hundasleða­
mótið, ef ísinn reynist ekki traustur
er mótið fært til.“
Eftir að Mývetningar gangsettu
gömlu skíðalyftuna í Kröf lu að
nýju hefur skíðaáhugi aukist mikið
í sveitinni. Kröflubrekkan er fínasta
brekka og í vetrarfríinu voru um 60
manns þegar mest var. Þá höfðu
margir komið í sveitina frá biðröð­
unum á Akureyri og Dalvík. „Það
var mikið um að vera á skíðasvæð­
inu þegar vetrarfríin voru, þá komu
um 60 manns á laugardeginum en
svæðið tekur sirka 70­80 áður en
Tímamót eftir erfiðan vetur
Vetrarhátíð við Mývatn hefst um helgina og stendur til 14. mars. Hátíðin markar tímamót fyrir ferðaþjónustu-
fyrirtæki svæðisins því eftir erfiðan vetur þar sem atvinnuleysi fór í 20 prósent munu heimamenn opna dyrnar.
Um 200 manns kynntu sér dorgveiðina hjá Veiðifélagi
Mývatns á síðustu hátíð. MYND/MARCIN KOZACZEK
Að ferðast um á hundasleða er ævintýraleg upplifun
sem seint gleymist. Hér er Bergþóra hjá Snow dogs.
Skijoring er
sambland af
því að vera á
gönguskíðum
og á hunda-
sleða. Það fer
svo dálítið eftir
því hversu vel
hundarnir eru
tamdir hversu
vel samstarfið
gengur og getur
verið hin besta
skemmtun að
horfa á.
Það eru dásamlegar sekúndur að klappa hundunum.
Það er mikil stemming fyrir Mývatn open í ár og stefnir í metskráningu.
Þykkt íssins verður mæld á föstudaginn. MYND/MARCIN KOZACZEK
það fara að myndast biðraðir. Það
er enginn eiginlegur aðgangseyrir
en tekið við frjálsum framlögum og
fólk er duglegt við að borga, enda er
svæðið allt rekið í sjálf boðavinnu
og innkoma fer öll í að halda svæð­
inu við,“ segir Úlla.
Að ógleymdum öllum nátt­
úruundrum svæðisins, eins og
Höfða, Hverfjalli, Dimmuborgum,
Víti og f leiri fallegum stöðum sem
margir hafa séð í sumarbúningi,
er Mývatnssveit ekki síðri að vetri
til. Úlla bendir á að hátíðin taki að
sjálfsögðu mið af sóttvarnareglum
og ekki verði nein sérstök setning­
arathöfn.
„Veturinn hefur verið erfiður
enda Skútustaðahreppur eitt af
þeim sveitarfélögum sem treysta
hvað mest á ferðamennsku. Það var
spáð allt að 30 prósenta atvinnu­
leysi þegar það varð ljóst hvaða
af leiðingar COVID myndi hafa,
það hefur sem betur fer ekki náð í
þá tölu en atvinnuleysi fór engu að
síður í um 20 prósent.
Nú eru heimamenn að opna gisti­
heimili og hótel aftur eftir að hafa
haft lokað í vetur og það hefur verið
fínt að gera síðustu tvær vikur sam­
hliða vetrarfríum. Við höfum fund­
ið fyrir miklum áhuga á svæðinu
vegna Vetrarhátíðar og það er vel
bókað í gistingu í kringum hátíðina
sem er frábært og vonandi boð um
betri tíð,“ segir Úlla.
Benedikt Bóas
Hinriksson
benediktboas@frettabladid.is
Úlla Árdal hjá Mývatnsstofu segist
hlakka til að taka á móti gestum.
6 . M A R S 2 0 2 1 L A U G A R D A G U R20 H E L G I N ∙ F R É T T A B L A Ð I Ð
HELGIN