Fréttablaðið - 06.03.2021, Blaðsíða 72

DýriðVísan
„Þetta er nú skrýtin
mynd,“ sagði Konráð.
„Ekki hélt ég að svín
gætu synt.“ Lísaloppa
virti fyrir sér myndina
íbyggin. „En kannski er
þetta ekki mynd af svíni,“
sagði hún loks. „Ekki
mynd af svíni?“ Konráð
var forviða. „Auðvitað
er þetta mynd af svíni,
sérðu það ekki?“ „Þetta
gæti verið felumynd,“
sagði Lísaloppa.
„Kannski á maður að
geta séð út úr myndinni
eitthvert annað dýr sem
getur synt.“ Konráð
rýndi í myndina.
„Já, þú meinar það,“
hann grandskoðaði
myndina.
Getur þú séð út úr
myndinni eitthvert annað
dýr en svín?
Konráð
á ferð og ugi
og félagar
444
Hvaða dýr skyldi það nú vera?
?
?
?
Lausn á gátunni
Ef þú snýrð myndinni á hvolf getur þú séð hákarl?
Dagur Hafnfjörð Óskarsson er níu
ára gamall Hafnfirðingur. Hann
svaraði ljúf lega nokkrum spurn-
ingum.
Hefur þú fundið fyrir jarðskjálft-
unum síðustu daga? Já, mörgum.
Hvernig hefur þér liðið þegar þeir
hafa gengið yfir? Mér brá í fyrstu
skjálftunum en núna er ég búinn að
venjast þeim.
En í hvaða skóla ertu og hver er
uppáhalds námsgreinin þín þar?
Ég er í Engidalsskóla í Hafnarfirði
og heimilisfræðin er í mestu uppá-
haldi af því mér finnst svo gaman
að baka.
Hefur þú einhvern tíma siglt á
bát eða stóru skipi? Já, ég fór til
Vestmannaeyja og fór þá í Herjólfi.
Það var gaman en svolítið mikið af
öldum. Svo sigldi ég líka í minni bát
einu sinni á sjómannadeginum.
Hver er besti leikfélaginn þinn?
Þeir eru tveir, Tandri frændi minn
og pabbi.
Hvernig leikið þið ykkur oftast?
Ég fer í sund og í körfubolta með
Tandra. Ég gisti líka oft hjá honum.
Þá horfum við á bíómynd og förum
í Playstation. Við pabbi förum oft í
handbolta, að senda á milli og svo-
leiðis.
Hvað f innst þér langbest að
borða? Pítsu og hakk og spagettí.
Eigið þið gæludýr á heimilinu?
Nei, en mig langar mjög mikið að
eiga hvolp.
En eru einhver dýr í heiminum í
uppáhaldi? Já, hundar af því þeir
eru skemmtilegir.
Hver eru helstu áhugamálin þín
núna? Körfubolti, handbolti, tölvu-
leikir og að fara í sund.
En hvað finnst þér skemmtilegast
að horfa á í sjónvarpinu? Þættina
Tímaflakk og svo alls konar hasar-
myndir.
Hlustar þú á tónlist? Já, já. Uppá-
haldslögin mín núna eru Our House
með Crosby, Stills, Nash & Young og
Daydream Beliver með The Mon-
kees.
Það er aldeilis. En áttu þér uppá-
halds tónlistarmann eða -konu?
Bítlarnir eru uppáhaldshljóm-
sveitin mín.
Til hvaða lands í heiminum langar
þig mest að ferðast? Til Bandaríkj-
anna. Helst til Hollywood og hitta
FaZe Rug sem ég fylgist með á You-
Tube.
Hvað langar þig svo helst að verða
þegar þú verður stór? Atvinnu
körfuboltamaður eða lögreglu-
maður.
Brá í fyrstu
skjálftunum
Körfubolti er eitt af áhugamálunum hjá Degi Hafnfjörð. FRÉTTABLAÐIÐ/VALLI
Þó kettir teljist til lítilla rándýra
eru margir þeirra mjög vinsæl
gæludýr – þá eru þeir oft kall-
aðir kisi eða kisa, eftir því um
hvort kynið er að ræða. Kvendýr
kattarins nefnist læða og karl-
dýrið fress eða högni. Þegar læðan
verður kettlingafull gengur hún
með í rúma tvo mánuði og eignast
yfirleitt þrjá til fimm kettlinga.
Til eru nokkrar tegundir heimil-
iskatta, til dæmis síamskettir og
norskir skógarkettir. Ein tegund
katta er hár-
laus, hún
kallast Sphynx-
köttur.
Kettir verða
venjulega fjögur
til fimm kíló að
þyngd. Til eru teg-
undir katta sem
verða mjög stórar.
Ein sú stærsta heitir
Maine Coon sem getur
orðið ellefu kíló að þyngd.
Árið 2010 var köttur af þeirri
tegund talinn stærsti köttur
í heimi af Guinness, sá var
einn metri og tuttugu og
þrír sentímetrar að lengd, að
skottinu meðtöldu. Maine Coon
kettir geta vaxið þar til þeir verða
fjögurra ára.
Af því kettir eru rándýr þá er
heyrn þeirra yfirleitt mjög góð.
Það er til að þeir geti heyrt í
músum og öðrum dýrum sem þeir
vilja veiða. Svo eru þeir með mun
betra lyktarskyn en við mann-
fólkið. Þeir sjá auk þess mjög vel í
myrkri en þeir sjá ekki liti eins vel
og við.
Kettir geta lifað lengi en oft
verða þeir tíu til fimmtán
ára gamlir.
Köttur
Kisubörnin kúrðu ein
köld og hrædd í snjónum,
ekkert ból né björg var nein,
bylurinn þaut í naktri grein.
Þeim var svo ósköp, skelfing
kalt á klónum.
Blessuð kisubörnin smá
björguðust úr snjónum.
Ég er mamma og ykkur á,
ef aldrei mér þið hlaupið frá.
Þá verður ykkur aldrei kalt á
klónum.
Úr bókinni Kisubörnin kátu
þýð. Guðjón Guðjónsson
Kisubörnin
VIÐ PABBI FÖRUM OFT
Í HANDBOLTA, AÐ
SENDA Á MILLI OG SVOLEIÐIS.
Mjá,
mjá, mjá, segir þessi kisa, og ætlast til að mannfólkið skilji hvað hún er að meina.
6 . M A R S 2 0 2 1 L A U G A R D A G U R40 H E L G I N ∙ F R É T T A B L A Ð I Ð
KRAKKAR