Fréttablaðið - 06.03.2021, Blaðsíða 6

Með núverandi
fyrirkomulagi,
skilar starfsemin umtals-
verðum tekjum til sam-
félagslegra mikilvægra
málefna, tekjum sem ella
hyrfu alfarið úr landi.
Bryndís Rafnkels-
dóttir, forstjóri
HHÍ
GARÐABÆR „Borgarlínan er hágæða
almenningssamgangnakerfi sem
mun aka að mestu í sérrými og
hafa forgang á gatnamótum,“ segir
í greinargerð með tillögu sem bæj-
arstjórn Garðabæjar samþykkti
varðandi breytingar á aðalskipulagi
í sveitarfélaginu.
Segir í greinargerðinni að með
Borgarlínu muni ferðatími styttast
og tíðni ferða aukast. „Borgarlín-
unni má líkja við slagæð sem flytur
fólk á greiðan og öruggan máta eftir
helstu samgöngu- og þróunarásum
höfuðborgarsvæðisins. Borgarlínan
og Strætó verða tvinnuð saman í
heildstæðu, hágæða leiðaneti en
auk þess verður áhersla lögð á að
borgarlínustöðvar séu vel tengdar
hjóla- og göngustígum,“ segir nánar
í greinargerðinni. – gar
Segja Borgarlínu hágæðaverkefni
Ein biðstöð fyrir Borgarlínu verður í Garðabæ. MYND/AÐSEND
SAMFÉLAG „Það leysir ekki allan
vanda þeirra sem eiga við spilafíkn
að etja, að loka happdrættisvélun-
um,“ segir Bryndís Hrafnkelsdóttir,
forstjóri Happdrættis Háskóla
Íslands (HHÍ), aðspurð um afstöðu
HHÍ til kröfu Samtaka áhugafólks
um spilafíkn (SÁS) um lokun spila-
kassa.
Niðurstöður viðhorfskönnunar
sem framkvæmd var af Gallup
síðasta vor sýndu að 86 prósent
Íslendinga vildu að spilakössum
yrði lokað til frambúðar, en spila-
kössum var lokað vegna sóttvarna-
reglna í kórónaveirufaraldrinum.
Happdrætti Háskólans er annað
tveggja fyrirtækja sem reka spila-
kassa hér á landi, hitt er Íslandsspil
sem rekið er af Rauða krossinum og
Landsbjörg.
Fyrirtækin tvö reka einnig
heimasíðuna abyrgspilun.is með
það að markmiði að leggja sitt af
mörkum til að styðja við íslenskar
rannsóknir á spilafíkn og ábyrga
spilun. Spurð að því hvort þversögn
felist í því að HHÍ taki þátt í rekstri
vefsíðunnar og leggi sitt af mörkum
til að hjálpa spilafíklum þegar stór
hluti þess hóps segir neyð sína og
vanda mega rekja beint til spila-
kassanna sem sömu fyrirtæki reka
segir Bryndís að svo sé ekki.
„HHÍ hefur lagt sig fram við að
stuðla að ábyrgri spilamennsku
og haft frumkvæði á þessu sviði án
aðkomu eða afskipta eftirlitsaðila
og meðal annars fengið vottun sam-
kvæmt staðli evrópskra ríkishapp-
drætta um ábyrga spilun (Respons-
ible gaming certificate). Hér er því
ekki um neina þversögn að ræða,“
segir Bryndís.
Hlutverk HHÍ er að fjármagna
uppbyggingu Háskóla Íslands, bæði
er varðar húsnæði og tæki. Bryndís
segir það lögbundið hlutverk HHÍ
að fjármagna húsbyggingar Háskól-
ans og að happdrættið hafi nú fjár-
magnað á þriðja tug háskólabygg-
inga. „Það hefur ríkt samfélagsleg
sátt um þetta form og HHÍ heldur
utan um reksturinn með ábyrgum
hætti,“ segir hún.
Allur hagnaður af rekstri HHÍ
skal nýttur til uppbyggingar
Háskólans. Spurð að því hversu
miklar tekjur HHÍ hlaut af spila-
kössum á síðasta ári segir Bryndís
HHÍ ekki gefa upp tekjur „einstakra
þátta í starfsemi sinni“.
Samkvæmt ársreikningi fyrir árið
2019 var hagnaður HHÍ það árið
rúmir 1,6 milljarðar króna. Í árslok
átti happdrættið tæpa þrjá millj-
arða í eigið fé, þar af um 1,2 millj-
arða í handbært fé. Sama ár voru
framlög og greiðslur til Háskóla
Íslands 580 milljónir króna.
Uppi hefur verið umræða um að
taka upp svokölluð spilakort hér
á landi en í þeim felst að spilarar
spili með fyrirframgreiddum spila-
kortum. Þannig megi stjórna betur
þeim fjárhæðum sem spilað sé fyrir.
Bryndís segir HHÍ lengi hafa bent
á kosti slíkra korta, en að einnig
sé unnið að lausn sem snúi að því
að spilarar auðkenni sig með raf-
rænum hætti.
Bryndís segir að horfa þurfi á
málið í stærra og víðara samhengi
en með lokun spilakassa. Til að
mynda þurfi að taka erlenda net-
spilun inn í myndina. Þeir sem spili
finni sér annan farveg og lokun
kassanna gæti leitt til þess að spil-
un færðist úr löglegu umhverfi og
undir radarinn, einnig yfir á netið.
„Í stað þess og með núverandi fyrir-
komulagi, skilar starfsemin umtals-
verðum tekjum til samfélagslegra
mikilvægra málefna, tekjum sem
ella hyrfu alfarið úr landi.“
birnadrofn@frettabladid.is
Vandinn hverfur ekki
með lokun spilakassa
Forstjóri Happdrættis Háskóla Íslands segir lokun spilakassa ekki leysa
vanda spilafíkla. Hlutverk HHÍ er að fjármagna uppbyggingu háskólans og
nýta til þess hagnað. Um þriðjungur hagnaðar ársins 2019 fór til háskólans.
Happdrætti Háskóla Íslands er annað tveggja fyrirtækja hérlendis sem sjá um rekstur spilakassa. FRÉTTABLAÐIÐ/VALLI
VIÐSKIPTI Velta í ferðaþjónustu
dróst saman um 79 prósent á milli
áranna 2019 og 2020, úr 97 millj-
örðum í 21 milljarð. Á tímabilinu
nóvember til desember árið 2019
veltu ferðaskrifstofur og ferða-
skipuleggjendur tólf milljörðum
en á sama tímabili á síðasta ári var
veltan einn milljarður. Þetta kemur
fram á vef Hagstofunnar.
Velta á rekstri gististaða dróst
einnig saman á milli ára og var í
fyrra 35 milljarðar samanborið við
99 milljarða árið 2019. Þá dróst velta
á veitingasölu og þjónustu saman
um 40 prósent sé horft til tímabils-
ins nóvember til desember á síðasta
ári og borið saman við árið á undan.
Í fyrra var veltan á umræddu tíma-
bili tíu milljarðar miðað við sautján
ári fyrr.
Velta í stórmörkuðum var fimm-
tán prósentum meiri á tímabilinu
nóvember til desember árið 2020 en
á sama tímabili árið áður. – bdj
Velta í ferðaþjónustu dróst saman
Minni velta var í rekstri gististaða.
H
N
O
T
S
K
Ó
G
U
R
g
ra
fí
sk
h
ön
nu
n
Styrkir úr
Tónlistarsjóði
Umsóknarfrestur til 3. maí
Tónlistarsjóður auglýsir eftir umsóknum til verkefna sem
framkvæmd verða á tímabilinu: 1. júlí – 31. desember 2021.
Hlutverk Tónlistarsjóðs er að efla íslenska tónlist og stuðla að
kynningu á íslenskum tónlistarmönnum og tónsköpun þeirra.
Umsóknarfrestur rennur út 3. maí 2020 kl. 15.00*.
Upplýsingar og umsóknargögn er að finna á www.rannis.is.
Umsóknum og lokaskýrslum skal skila á rafrænu formi.
Umsóknarfrestir eru tvisvar á ári, í maí og nóvember.
Rannís,
Borgartúni 30, 105 Reykjavík
Sími: 515 5800
tonlistarsjodur@rannis.is.
*Ath. breyttan lokunartíma sjóðs.
6 . M A R S 2 0 2 1 L A U G A R D A G U R6 F R É T T I R ∙ F R É T T A B L A Ð I Ð