Fréttablaðið - 20.03.2021, Qupperneq 8

SKIPULAGSMÁL Umtalsvert ónæði
er af f lugi f lugmanna sem fara ekki
eftir reglum um flughæð, auk þess
að töluverð brögð hafa verið að því
að einhverjir kúrekar séu að stunda
steypiflug yfir sumarhúsum félags-
manna. Sumir smala gæsum á
Langavatni á haustin.
Þetta segir í athugasemd Græðis,
félags sumarbústaðaeigenda á
Hólmsheiði, við rammaskipulag
fyrir Austurheiðar.
Félagið hefur áhyggjur af því að
svo lágt f lug á vélunum geti fælt
hesta og hunda og orðið til þess að
spilla útivistaránægju gangandi
vegfarenda í kyrrð heiðarinnar.
„Ég sé ekki hvernig þetta getur
allt farið saman,“ segir Guðmundur
S. Johnsen sem gerði athugasemd-
ina fyrir hönd stjórnar Græðis.
Töluvert af athugasemdum hefur
borist vegna Austurheiða en málið
var tekið fyrir í skipulags- og sam-
gönguráði í síðustu viku. Svæðið er
um 930 hektarar og nær yfir Austur-
heiðarnar að mestu, Hólmsheiði,
Grafarheiði og Reynisvatnsheiði.
Innan svæðisins eru Rauðavatn
og Reynisvatn ásamt þeim hluta
Langavatns sem er innan sveitar-
félagsmarka Reykjavíkur.
Guðmundur þekkir svæðið nán-
ast eins og handarbakið á sér. Þarna
hefur fjölskylda hans átt bústað
síðan 1950 og faðir hans og afi voru
frumkvöðlar í gróðursetningu á
svæðinu.
Í athugasemdum Græðis kemur
fram undrun yfir samráðsleysi
Reykjavíkurborgar enda hafi sumir
bústaðir verið í eigu félagsmanna í
hartnær 70 ár og þekking á svæðinu
sé mikil. „Yfirvöld hafa hundsað
okkur út í eitt og ekkert viljað tala
við okkur,“ segir Guðmundur.
Varðandi fisflugvöllinn sem nú er
verið að festa í sessi segir hann að
það sé ekkert til að gleðjast yfir.
„Flugvöllurinn verður væntan-
lega áfram sem er eiginlega alveg
óskiljanlegt mál. Ég ætla ekki að
saka alla fisflugmenn um að fljúga
lágt en það eru nokkrir sem ég kalla
kúreka. Þeir hafa verið að smala
gæsum á Langavatni á haustin og
steypa sér að sumarbústöðum
þegar hefur verið kvartað undan
lágflugi. Svo er nú háspennumann-
virki borgarinnar steinsnar frá, sem
mér finnst persónulega skrítinn
nágranni við flugvöll.“
Guðmundur segir að þegar allt
sé sett í samhengi, að þarna séu
fisf lugvélar á útivistarsvæði fyrir
menn og dýr, þá sé það ekki góð
blanda.
„Það er trúlega ekkert sérstakt
fyrir hestamenn að fá fisvél rétt
fyrir ofan sig. Hundar mega ganga
lausir þarna upp frá og ég efast að
þeir sé sáttir við þetta. Þegar stóra
samhengið er skoðað þá finnst mér
þetta ekki passa saman.“
Græðir er með lögmann með sér
í málinu.
„Við erum búin að vera með lög-
mann í þessu fyrir okkur í töluverð-
an tíma til að fá að tala við borgina.
Það hefur ekki gefið mikið,“ segir
Guðmundur.
benediktboas@frettabladid.is
Eldhús-
innréttingar
Vandaðar og stílhreinar innréttingar frá franska fyrirtækinu SCHMIDT.
5 ára ábyrgð. Innréttingarnar koma fullsamsettar til landsins
Komdu við í sýningarsal okkar að Dalvegi og ræddu
við sérfræðinga Parka og fáðu faglega ráðgjöf
Dalvegi 10-14, 201 Kópavogi • 595 0570
Sumarbústaðaeigendur saka
háloftakúreka um steypiflug
Fisflugmenn sagðir stunda steypiflug yfir sumarhúsum félagsmanna Græðis. Nokkrir virða ekki reglur um
flughæð og töluvert ónæði er af sumum flugmönnum á Hólmsheiði að sögn formanns Græðis. Hann kallar
þessa flugmenn kúreka og segir flugvélar ekki eiga samleið með sumarbústöðum, hundum og hestum.
Fisflugvélar á Hólmsheiði eru sagðar hafa valdið sumarbústaðaeigendum töluverðum ama. FRÉTTABLAÐIÐ/GETTY
Ég ætla ekki að saka
alla fisflugmenn
um að fljúga lágt en það eru
margir sem ég kalla kúreka.
Guðmundur S.
Johnsen, for-
maður Græðis
COVID-19 Lyfjastofnun hefur aðra
tilkynningu um mögulega, alvar-
lega aukaverkun eftir bólusetningu
með bóluefni AstraZeneca. Ein-
staklingurinn greindist með blóð-
tappa í lungum.
Um er að ræða sjöttu alvarlegu
aukaverkunina sem tilkynnt hefur
verið um eftir bólusetningu en í
einu öðru tilfelli var um blóðtappa
að ræða. Rúmlega 200 tilkynningar
hafa borist vegna gruns um auka-
verkanir eftir bólusetningar með
bóluefni AstraZeneca.
Sérfræðingar hafa ítrekað sagt
að ávinningurinn af bólusetningu
sé meiri en áhættan. Tíðni blóð-
tappa sé minni eftir bólusetningar
en búast megi við almennt.
Ísland er eitt þeirra landa sem
stöðvað hafa bólusetningu tíma-
bundið með AstraZeneca en Lyfja-
stofnun Evrópu sagði í gær að efnið
væri öruggt. – fbl, þp
Í lífshættu eftir
bólusetningu
REYK JAVÍKURBORG „Við erum að
veita aðstöðuleyfi til eins árs fyrir
þessari aparólu,“ segir Pawel Bart-
oszek, borgarfulltrúi Viðreisnar,
um þá samþykkt borgarráðs að
leigja rekstrarfélagi Perlunnar 65
fermetra blett í Öskjuhlíð undir
endastöð fyrir 235 metra svokallaða
zip-línu ofan úr Perlunni.
Skipulagsstjóri borgarinnar hafði
áður hafnað ósk um leyfi fyrir upp-
setningu aparólunnar þar sem slíkt
samræmdist ekki deiliskipulagi
svæðisins. „Jafnframt má deila um
hvort umrædd starfsemi sem sótt er
um sé svæðinu almennt til hagsbóta
eða auki á notkun þess til útivistar
eða af þreyingar,“ sagði skipulags-
fulltrúinn í umsögn.
„Með þessari samþykkt borgar-
ráðs er þessari hindrun rutt úr vegi
þannig að þetta geti verið þarna í
eitt ár,“ segir Pawel og útskýrir að
ekki þurfi deiliskipulagsbreytingu
þar sem ekki sé um að ræða varan-
lega uppsetningu á aparólunni.
„Eins og ég skil þessa framkvæmd
þá er hægt að setja þetta upp og taka
þetta niður á einum degi. Málið
snýst um hvort þetta sé varanlegt
eða ekki,“ segir Pawel og undir-
strikar að leyfið feli ekki í sér nein
gæði í skilningi deiliskipulags fyrir
þá sem reka zip-línuna.
„Við sjáum bara hvernig þetta
gengur, svo geta menn sótt um
leyfi aftur ef þeir vilja halda áfram
með þetta. Persónulega finnst mér
alltaf skemmtilegt þegar fólk er að
prófa einhverja skemmtilega hluti
í borgarlandinu,“ segir borgarfull-
trúinn, sem væntanlega mun renna
sér ofan af Perlunni innan tíðar. Ég
get ekki ímyndað mér annað en að
ég prófi þetta.“ – gar
Borgarráð gefur aparólu í Öskjuhlíð eitt tilraunaár
Ég get ekki ímynd-
að mér annað en að
ég prófi þetta.
Pawel Bartozek,
borgarfulltrúi
Viðreisnar
BORGARLÍNAN Bæjarstjórn Garða-
bæjar hefur samþykkt að flýta vinnu
frumdraga fyrir leið D Borgarlínu og
verða þau send til Samtaka sveitar-
félaga á höfuðborgarsvæðinu.
Málið var lagt fram af Söru Dögg
Svanhildardóttur, oddvita Garða-
bæjarlistans.
Leið D er ekki á dagskrá fram-
kvæmda við Borgarlínu fyrr en
2027. Verði tillagan um f lýtimeð-
ferð samþykkt má búast við að gerð
frumdraga að leið D hefjist í ár eða
því næsta. Því gætu framkvæmdir
hafist 4 til 5 árum fyrr, fáist fjár-
magn til verksins.
„Sveitarfélögin á höfuðborgar-
svæðinu þurfa að vera tánum og
fylgja því vel eftir að framkvæmdir
vegna Borgarlínu gangi eins hratt og
örugglega og kostur er fyrir sig. Hér
eru miklir hagsmunir undir fyrir
þessi sveitarfélög og því er mjög
miklvægt að þrýsta á að hraða fram-
kvæmdum,“ segir Sara Dögg. – þp
Samþykkja að
flýta vinnu við
Borgarlínu
Lyfjastofnun sér umtilkynningar
um aukaverkanir. FRÉTTABLAÐIÐ/GV
2 0 . M A R S 2 0 2 1 L A U G A R D A G U R6 F R É T T I R ∙ F R É T T A B L A Ð I Ð