Fréttablaðið - 20.03.2021, Page 82

VIÐ GÁTUM VALIÐ ÚR
VERKUM OG MÖRG
KOMUST EKKI AÐ Á ÞESSARI
SÝNINGU.
Halló, geimur er yfir-skrift sýningar í Listasafni Íslands, en þar eru til sýnis verk sem fjalla um geiminn. Heiti sýn-
ingarinnar er vísun í verk eftir Finn
Jónsson. Öll verkin á sýningunni
eru úr safneigninni. Sýningarstjórar
eru Guðrún Jóna Halldórsdóttir
og Ragnheiður Vignisdóttir sem
báðar starfa á fræðsludeild safnsins.
Sýningunni er ætlað að höfða til
almennings, fjölskyldna og skóla-
hópa en óhætt er að fullyrða að allir
listunnendur muni njóta hennar.
Tumi miðlar fróðleik
Tumi, aðalpersónan í Rauða hatt-
inum og K rumma, barnabók
Ásgerðar Búadóttur frá árinu 1961
hefur hlutverk á sýningunni, en
myndir af honum eru víða límdar á
sýningarvegg með texta. „Forsagan
er sú að árið 2018 fékk safnið leyfi
hjá ættingjum Ásgerðar til að nota
Tuma fyrir lógó og merki krakka-
klúbbsins okkar, sem nú hefur verið
starfræktur í tvö og hálft ár. Með
þessari sýningu erum við að ganga
lengra, taka Tuma úr bókinni og
fela honum hlutverk inni á sýning-
unni. Hann miðlar til gesta vísinda-
legum fróðleik sem tengist verkum
sýningarinnar, annað hvort heiti
þeirra eða efni. Við fengum Sævar
Helga Bragason í lið með okkur og
hann semur handritið fyrir Tuma,“
segir Ragnheiður.
Spurðar hvort íslenskir listamenn
hafi fjallað mikið um geiminn í
verkum sínum segir Guðrún: „Við
gátum valið úr verkum og mörg
komust ekki að á þessari sýningu.
Við lögðum upp úr því að hafa gott
f læði og samspil á milli verkanna.“
Ýmis þemu má finna á sýn-
ingunni. „Eitt þema er til dæmis
Flæði og samspil
milli verka sem
fjalla um geiminn
Halló, geimur er sýning í Listasafni
Íslands. Þar má sjá verk sem fjalla um
geiminn. Sýningin er þemaskipt og
aðalpersóna í barnabók hefur þar hlut-
verk. Meðal verkanna er stórfengleg
innsetning Steinu Vasulka.
Guðrún og Ragnheiður við Norðurljósabarinn. FRÉTTABLAÐIÐ/VALLI
Þjóðsögur koma nokkuð við sögu og sömuleiðis strákurinn Tumi.
Stórfengleg inn-
setning Steinu
Vasulka.
Listamenn sem eiga verk á sýningunni
n Ásgrímur Jónsson
n Björg Þorsteinsdóttir
n Erró
n Eyborg Guðmundsdóttir
n Finnur Jónsson
n Guðmunda Andrésdóttir
n Guðmundur Thorsteinsson
(Muggur)
n Halldór Ásgeirsson
n Helgi Þorgils Friðjónsson
n Hildigunnur Birgisdóttir
n Hildur Hákonardóttir
n Hreinn Friðfinnsson
n Jóhann Eyfells
n Jón Gunnar Árnason
n Keith Grant
n Kristinn E. Hrafnsson
n Margrét Elíasdóttir
n Sigurjón Ólafsson
n Steina
n Svavar Guðnason
n Sverrir Haraldsson
n Vilhjálmur Bergsson
n Þorvaldur Skúlason
Kolbrún
Bergþórsdóttir
kolbrunb@frettabladid.is
áhrifamáttur himintunglanna í
þjóðsögunum. Þar sjáum við karl-
inn í tunglinu og álfa sem fara á
stjá í tunglsljósi. Við sjáum sól sem
breytir tröllum í stein og mána sem
lýsir upp höfuðkúpuna á djákn-
anum á Myrká,“ segir Ragnheiður.
„Við erum með verk eftir Kristin E.
Hrafnsson sem heitir Næturljóð á
vaxandi nýju tungli, sem fjallar um
hughrif og áhrif tunglsins á okkur.
Við erum með verk eftir Svavar
Guðnason sem heitir Vetrarbrautin,
og enn þann dag í dag erum við að
spá í vetrarbrautina og stjörnurnar.“
Dans norðurljósa
Norðurljósabarinn eftir Halldór
Ásgeirsson er áberandi verk á
sýningunni og er í sérstöku rými.
„Þetta verk er tíu mínútna inn-
setning sem fer mjög hratt á tíma-
bili og hægir svo aftur á sér. Þarna
eru f löskur, skálar, glös og könnur
með alls konar litum í. Flöskurnar
og ílátin eru lýst upp með ljósi sem
endurvarpast á vegginn þannig að
til verður eins konar dans norður-
ljósanna,“ segir Guðrún.
Stórfengleg innsetning Steinu
Vasulka, Of the North, er í sérsal.
„Þarna sjáum við vídeóupptökur
Steinu af náttúrunni: hraun, gras,
mosa, eld, reyk, vatn og fossa.
Myndum er varpað á vegginn og
það er eins og hnettir hringsnúist
inni í rýminu. Þegar maður gengur
inn í þennan stóra sal er eins og
maður sé að ganga inn í geiminn,“
segir Ragnheiður.
Verkið er algjörlega magnað
enda hefur það vakið mikla athygli
sýningargesta sem sumir setjast
eða einfaldlega leggjast á gólfið til
að njóta upplifunarinnar til fulls.
„Þetta er upplifunarverk og fólk
hrífst svo mjög að það dvelur lengi í
rýminu,“ segir Ragnheiður.
Sýningin í Listasafni Íslands
stendur til janúar á næsta ári.
06.03.–19.09.2021

Sigurhans Vignir
Hið þögla en göfuga mál

www.borgarsogusafn.is
2 0 . M A R S 2 0 2 1 L A U G A R D A G U R44 M E N N I N G ∙ F R É T T A B L A Ð I Ð
MENNING