Rit Mógilsár - 2019, Page 8

8 | F a g r á ð s t e f n a 2 0 1 9

Aðgerðaráætlun í loftslagsmálum – Áherslur Skógræktarinnar
Þröstur Eysteinsson skógræktarstjóri
Skógræktin
throstur@skogur.is
Útdráttur
Í ljósi nýrra markmiða um aukna bindingu CO2 með skógrækt á Íslandi er tilefni til að
endurskoða ýmsa þætti skógræktarstarfsins. Þar á meðal er val á verkefnum, trjá-
tegundum og aðferðum auk þess að tryggja uppbyggingu innviða skógræktarstarfsins
og að land verði tiltækt. Þetta kallar á aukna vinnu við skipulagningu, rannsóknir,
kynningu, fræðslu og margt fleira. Þetta kallar einnig á endurmat á verklagi og
áherslum hvað varðar meðferð skóga, úrvinnslu og sölu afurða, útivist almennings og
mannaflaþörf Skógræktarinnar.
Inngangur
Þegar landgræðslustjóra og skógræktarstjóra var tilkynnt um það í júní 2018 að stofn-
anir þeirra myndu eiga stóran þátt í loftslagsaðgerðum komandi ára hóf undirritaður
strax að íhuga hvað það myndi þýða. Á haustmánuðum 2018 voru síðan haldnir fundir
sviðstjóra stofnananna og unnið með drög ráðuneytisins að aðgerðaáætlun. Fundir
voru einnig haldnir með skógareigendum og öllum starfsmönnum Skógræktarinnar
þar sem þessi mál voru rædd. Í þeirri vinnu allri er að skapast mynd af áherslum sem
Skógræktin mun hafa að leiðarljósi.
Mergur málsins
Með ákvörðun stjórnvalda 2018 var mörkuð ný stefna í skógrækt og landgræðslu. Héð-
an í frá er það sérstakt markmið að binda kolefni úr andrúmsloftinu og að vernda
kolefnisforða í skógum, öðrum gróðri og jarðvegi. Síðan er það hlutverk Skógræktar-
innar og Landgræðslunnar að sjá til þess að stefnan nái fram að ganga. Með auknum
framlögum á komandi árum verður kolefnisbinding helsta markmiðið með skógrækt
á Íslandi. Hvaða áhrif hefur þessi staðreynd þá á skógræktarstarfið og hvað þurfum við
að gera til að bregðast við?
Verkefni
Þau núverandi verkefni í skógrækt sem munu eflast á komandi árum samkvæmt þeirri
áætlun sem unnið er með eru skógrækt á lögbýlum, stóru samstarfsverkefnin
Hekluskógar, Þorláksskógar og Hólasandur og gróðursetning í þjóðskógunum. Land-
græðsluskógaverkefnið mun einnig eflast með nýgerðum samningi umhverfis- og
auðlindaráðuneytisins við Skógræktarfélag Íslands.
Vilji er til að efla skógrækt með þátttöku almennings, félagasamtaka og fyrirtækja.
Stóru samstarfsverkefnin og þjóðskógarnir eru kjörinn vettvangur til þess fyrir land-
lausa aðila og er góð reynsla af því hjá Hekluskógum og í þjóðskógunum. Aðkoma
fyrirtækja að fjármögnun skógræktar er ekki síst áhugaverð og mikilvæg. Þau leggja
gjarnan áherslu á öryggi og varanleika og hafa því oft frekar áhuga á að semja um
framkvæmdir á landi í ríkiseigu en á einkalandi. Því er mikilvægt að slíkt land sé
tiltækt. Einnig eru ýmsar leiðir færar til að styrkja þá aðila sem eiga land eða hafa