Rit Mógilsár - 2019, Síða 15

R i t M ó g i l s á r | 15

Votlendi – möguleikar, úttekt, vottun
Sunna Áskelsdóttir
Landgræðslan
sunna@land.is
Útdráttur
Votlendi (mýrar) þekja um 20% af grónu flatarmáli Íslands og ætla má að um helmingi
þess hafi verið raskað með framræslu. Töluverður hluti þessa framræsta lands er ekki
nýttur. Vegna fjölþættrar vistkerfisþjónustu votlendis, m.a. hlutverks þeirra sem
kolefnisgeymis, hefur endurheimt þeirra mikinn ávinning. Eins og með önnur náttúru-
leg vistkerfi landsins er mikið verk fram undan til að bæta úr stöðu þekkingar, t.d. svo
unnt sé að standa við skuldbindingar okkar um gæði gagna í loftlagsbókhaldi Íslands.
Árið 2017 hófst þróun vöktunaráætlunar fyrir endurheimt votlendis hjá Landgræðsl-
unni. Þar er markmiðið að vakta breytingar sem verða á lykilþáttum tengdum búskap
gróðurhúsalofttegunda þegar röskuð votlendissvæði eru endurheimt og reyna að átta
sig á hvernig þeir tengjast öðrum þáttum vistkerfisins. Vöktunin felst í að kortleggja
svæðin og í framhaldi að leggja út vöktunarreiti í ríkjandi gróðursamfélögum svæð-
anna. Þar er fylgst með breytingum á losun CO2 og CH4, NDVI, gróðri og jarðvegi við
endurheimtaraðgerðir. Ljóst er að þörf er á ítarlegri vöktun á votlendisvistkerfum
hérlendis vegna mikilvægis þeirra í loftslagsmálum og þeirrar vistkerfisþjónustu sem
þangað má rekja.