Hinsegin dagar í Reykjavík - aug. 2020, Síða 39

Gleðigangan mín
Auglýsingar bannaðar
Hinsegin dagar eru stoltir af
því að Gleðigangan, og í ár
gleðigöngurnar, í Reykjavík
er ein af fáum sambærilegum
göngum í heiminum þar
sem auglýsingar fyrirtækja
og þjónustu eru óheimilar.
Með auglýsingabanninu
er undirstrikað að gangan
er grasrótarviðburður og
þátttakendur taka þátt
til að styðja baráttuna og
málstaðinn en ekki til að
styrkja eða auglýsa fyrirtæki.

Gleðiganga Hinsegin daga, hvar sem þú vilt ganga, 8. ágúst kl. 14:00
Gleðigöngupotturinn
Með samstarfssamningi Hinsegin daga og Landsbankans varð til sérstakur
styrktarpottur Gleðigöngunnar. Pottinum er ætlað að styrkja einstaklinga
og hópa til þátttöku í og þannig m.a. aðstoða þátttakendur við að standa
straum af kostnaði við hönnun atriða, efniskaup og fleira.

Dómnefnd velur styrkþega úr innsendum umsóknum og úthlutar styrkjum
með það að markmiði að styðja framúrskarandi hugmyndir til framkvæmda.
Miðað er við að fjárhæðir styrkja úr Gleðigöngupottinum séu á bilinu
100.000–500.000 kr. Dómnefndin hefur heimild til að halda eftir að hámarki
200.000 kr. til veitingar hvatningarverðlauna að hátíð lokinni.

Þar með hafa allir styrkir og verðlaun Hinsegin daga verið færð undir
einn hatt og því er ekki hægt að sækja um aðra styrki eða endurgreiðslu
kostnaðar vegna þátttöku í Gleðigöngu Hinsegin daga.

Auglýst var eftir umsóknum í júní og umsóknarfrestur rann út í júlí.
Áhugasamir þátttakendur eru hvattir til að fylgjast með og sækja um á
næsta ári. Sjá nánar á hinsegindagar.is/gledigongupottur.
39