Hinsegin dagar í Reykjavík - aug 2020, Qupperneq 66

Tíminn breytist og
mennirnir með
ÖRVIÐTAL
Nafn, fornafn, aldur
Guðrún Mobus Bernharðs,
hún, 40 ára.
Hvenær fórstu fyrst í
gleðigöngu?
Jeiminn, held ég hafi verið
tuttugu ára gömul? (Það
hefur sennilega verið fyrsta
gangan árið 2000). Gangan
var einhvern veginn bæði
minni og stærri en maður
ætlaði. En góð minning þó.
Hefur þú farið í gleðigöngu
annars staðar en á Íslandi?
Já, ég hef verið hér og þar
í Evrópu, núna síðast tók
ég þátt í FYRSTU göngunni
í Norður-Makedoníu. Það
var ansi spennandi og
allt saman friðsamlegt.
En maður tók eftir öllum
sérlögreglumönnunum sem
voru rétt hjá að fá sér sígó
með brynju, hjálm og riot
gear. Sem betur fer varð
þetta rólegur dagur hjá
þeim.
Hver er þín
uppáhaldsminning tengd
Gleðigöngunni og hvaða ár
var það?
Ég á mér nokkrar glæstar
minningar en það sem mér
stendur næst er gleðin og
LÉTTIRINN sem réði ríkjum á
pride-tónleikunum sem voru
haldnir eftir gleðigönguna
sem ég var viðstödd 2019 í
Norður-Makedoníu. Fólkið
fékk þarna frelsi og frið og
þrátt fyrir að við værum
hávær og glöð þann dag, þá
er það ekki eitthvað sem er
daglegt brauð, því miður.
Maður … gekk varlega heim,
með fánann í vasanum. Þetta
er skuggi sem undirstrikar
gleðigráturinn sem ég sá
þarna á meðal fólks. Miklar
tilfinningar á pride-svæðinu
þann dag.
Hvers vegna gengur þú?
Ég geng vegna þess að við
verðum að muna hvað var,
hvað er, hvernig má bæta, og
jafnvel til að kæta.
Höfundur: Guðjón Ragnar Jónasson
Tuttugu ár virðast sem heil eilífð og í hugum yngra fólks eru Hinsegin dagar jafn
sjálfsagðir og sautjándi júní. Hátíðina bar jafnan upp á sama dag og Fiskidaginn mikla
á Dalvík. Í upphafi höfðu fjölmiðlar mun meiri áhuga á svarfdælskri fiskisúpu en hátíð
hinsegin fólks. Þegar á leið varð hér breyting á og Hinsegin dagar styrktu sig í sessi
eftir því sem árin liðu. Þess var heldur ekki langt að bíða að sjálfur borgarstjórinn í
Reykjavík tæki að spígspora á peysufötum á götum borgarinnar. Fyrsta verk Guðna Th.
Jóhannessonar forseta eftir að hann tók við embætti árið 2016 var að ávarpa hátíðina.
Svona breytist nú tíminn og mennirnir með.

Upphaf Hinsegin daga má rekja til vel heppnaðra útitónleika á Ingólfstorgi í ágúst
1999. Ný öld var að renna upp sem ekki gat annað en orðið betri en sú gamla, altént
hvað varðaði málefni hinsegin fólks. Kannski má segja að hinir ágætu Hinsegin
dagar hafi verið merkasti boðberi nýrrar aldar á áþekkan hátt og framfarahugur og
aldamótaljóð Einars Ben römmuðu inn öldina sem þarna var að renna sitt skeið á enda.

Nýir tímar voru greinilega að renna upp. Gleðin sem alla tíð hefur einkennt Hinsegin
daga skipti hér mestu. Það var eins og hópurinn hefði gert samkomulag við þjóðina
um að hætta að líta á sig sem jaðarsett hjábörn þessa heims. Sjálfsvirðingin hafði eflst
og segja má að jaðarinn hafi ákveðið að færa sig inn á miðjuna og sammælst um að
hætta að biðjast afsökunar á tilveru sinni.

66