Börn og menning - 2018, Side 38

Börn og menning38
góðs af. Með samstarfi okkar í verkefninu Sögur, sem er
einnig unnið á landsvísu, vonumst við til þess að geta
áfram styrkt þessi dýrmætu bönd við landsbyggðina.
Úti í mýri
Barnabókmenntahátíðin Mýrin var haldin dagana
11.-14. október. Þetta er í níunda sinn sem hátíðin er
haldin og er IBBY samstarfsaðili hennar. Á hátíðina
koma framúrskarandi innlendir og erlendir barnabóka-
höfundar og -teiknarar og er hún mikil lyftistöng fyrir
barnabókmenntir á Íslandi.

Lestrarvinir
Nýjasta samstarfsverkefni IBBY er verkefnið Lestrarvin-
ir. Lestrarvinir eru sjálfboðaliðar sem heimsækja börn
með lítinn lesskilning vikulega á 20 vikna tímabili, lesa
fyrir barnið og spjalla við það í þeim tilgangi að kveikja
lestraráhuga og efla íslenskukunnáttu. IBBY styður við
verkefnið með prentun á verkefnabókum og framleiðslu
á öðru efni sem fylgir verkefninu. Það var Marloes
Robijn, sem er annar verkefnastjóra Mýrarinnar í ár,
sem kom með verkefnið frá heimalandi sínu, Hollandi,
en þar gengur það undir nafninu VoorlessExpress. Verk-
efnið byrjaði árið 2006 í Hollandi og er þar núna á 40
mismunandi stöðum og hefur tengt 15.000 sjálfboða-
liða við 30.000 börn. Á Íslandi hófst verkefnið í fyrra í
Reykjavík á vegum Borgarbókasafns og Miðju máls og
læsis. Í vetur byrjaði Amtsbókasafnið á Akureyri einnig
með Lestrarvini og IBBY kom formlega inn í samstarf-
ið. Vonumst við til að verkefnið nái flugi um allt land
líkt og í Hollandi. IBBY er sérstaklega stolt af þessu nýja
samstarfsverkefni þar sem það stuðlar beint að megin-
markmiðum IBBY, að miðla skilningi milli þjóða heims
með barnabókmenntum og að gefa börnum tækifæri til
að njóta góðra bóka. Börnin sem taka þátt í verkefninu
eru flest af erlendum uppruna eða koma frá heimilum
þar sem lítið sem ekkert er lesið. Sjálfboðaliðinn, barnið
og fjölskylda þess læra að skilja ólíka menningarheima í
gegnum lestrarstundina og börn sem annars fengju ekki
tækifæri til að kynnast gildi góðra lestrarstunda á heim-
ilinu fá tækifæri til þess í gegnum verkefnið.
Hugleiðing að lokum
Barnabækur eru alls staðar í kringum okkur eins og svo
margir aðrir hlutir. Við sjáum þær í búðum innan um
Legókassa og leggingsbuxur og í barnaherbergjum hjá
Batman-búningnum og brúðum. Þær geta svo auð-
veldlega orðið hversdagslegar í huga okkar. Barnabækur
eru þó langt frá því að vera hversdagslegar því þær eru
undraverðar! Þær gefa börnunum nýjar sögur, heima,
tilfinningar og upplifanir sem gera líf þeirra stærra en
hversdagsleikann. Þær gefa börnunum tungumál og
orðaforða til að hugsa og tjá sig stærra og meira en þau
mundu ella gera. Barnabækur auka skilning, byggja
brýr á milli okkar og búa til betra samfélag. Höfum
þetta í huga núna þegar við veljum það sem ratar í jóla-
pakkana til barnanna í ár.
Lestrarvinir.
Ljósmynd: Esther Ýr Þorvaldsdóttir.