Bændablaðið - 25.03.2021, Qupperneq 1

6. tölublað 2021 ▯ Fimmtudagur 25. mars ▯ Blað nr. 583 ▯ 27. árg. ▯ Upplag 32.000 ▯ Vefur: bbl.is
Mikil eining ríkti meðal bænda á tveggja daga Búnaðarþingi sem lauk á þriðjudag:
Búnaðarþing samþykkti einróma innleiðingu
á nýju félagskerfi Bændasamtaka Íslands
– Búgreinafélögin verða deildir í Bændasamtökunum og búnaðarsamböndin verða aðildarfélög BÍ með skilgreind hlutverk
Núverandi og fyrrverandi ráðherrar landbúnaðarmála ásamt forseta Íslands, forsætisráðherra og formanni Bændasamtaka Íslands við lok setningar Búnaðarþings 2021 í Súlnasal Hótel Sögu.
Að sjálfsögðu voru þau öll með grímur vegna COVID-19 faraldursins og voru leyst út með glænýju Tímariti Bændablaðsins, sem gefið var út í tengslum við Búnaðarþingið. Talið frá vinstri:
Sigurður Ingi Jóhannsson samgöngu- og sveitarstjórnarráðherra, Kristján Þór Júlíusson sjávarútvegs- og landbúnaðarráðherra, Guðni Th. Jóhannesson, forseti Íslands, Katrín Jakobsdóttir
forsætisráðherra, Guðni Ágústsson, fyrrverandi landbúnaðarráðherra og Gunnar Þorgeirsson, formaður Bændasamtaka Íslands. Mynd / HKr.
Á Búnaðarþingi 2021 var einróma
samþykkt að breyta félagskerfi
landbúnaðarins með þeim hætti
að Bændasamtök Íslands (BÍ) og
búgreinafélögin sameinast undir
merkjum BÍ í deildaskiptu félagi.
Málið var samþykkt með öllum
greiddum atkvæðum.
Verði þessi niðurstaða samþykkt
úti í félögunum munu búnaðarsam­
böndin verða aðildarfélög BÍ með
skilgreind hlutverk og BÍ byggð upp
af deildum búgreina. Þrjú aðildarfé­
lög; VOR, Beint frá býli og Samtök
ungra bænda, munu starfa þvert á
búgreinar.
Markmiðið með breytingunum
er að ná aukinni skilvirkni í félags­
kerfinu og eflingu hagsmuna gæslu
í landbúnaði.
Gunnar Þorgeirsson, formaður
Bændasamtaka Íslands, segir að
breytingarnar og væntanleg sam­
eining geri Bændasamtökunum
kleift að ná fram breytingum á
starfseminni og hagræðingu sem
geri samtökin sterkari og um leið
öflugri hagsmunasamtök.
„Ég tel fulla ástæðu til að óska
bændum til hamingju með sam­
þykktina og ég er samfærður um
að breytingin eigi eftir að vera allri
bændastéttinni til hagsbóta. Það var
gerður góður rómur að tillögunni
og hún var samþykkt til afgreiðslu
til búgreinafélaganna einróma. Nú
fer tillagan áfram til samþykktar
hjá félögunum og í framhaldi af
því verður haldið aukabúnaðarþing
10. júní þar sem nýjar samþykktir
verða samþykktar á grundvelli stað­
festingar allra búgreinafélaganna á
breytingunum.“ Gunnar segir að sú
samþykkt sé í raun formsatriði.
Breytingarnar taka gildi 1. júlí
„Tillagan sem afgreidd var á Bún­
aðar þingi fer í framhaldinu til af­
greiðslu búgreinafélaganna óbreytt
og það er ekki hægt að breyta henni í
meðförum þeirra. Félögin verða því
að breyta sínum lögum í samræmi
við tillöguna og samþykkja hana á
aukabúnaðarþingi. Breytingarnar
taka svo gildi 1. júlí næstkomandi.“
Nýtt skipurit BÍ
Að sögn Gunnars er búið að leggja
mikla vinnu í tillöguna og búið að
halda marga fundi til að koma henni
saman til samþykktar.
„Á sama tíma er það búið að vera
skemmtilegt starf, þrátt fyrir að það
hefði verið enn skemmtilegra að
gera það maður á mann í stað þess
að hitta fólk á skjánum þótt það hafi
tekist vel. Ég tel einnig að það hafi
tekist vel með streymið af þinginu
til bænda úti um allt land og áhorf­
ið var mikið. Næsta skref okkar á
skrifstofu Bændasamtakanna er að
teikna upp skipurit samtakanna eins
og það kemur til með að líta út eftir
að breytingarnar taka gildi. Þar á ég
við starfsmannahald og hver kemur
til með að gera hvað og hvert sé
ábyrgðarsvið hvers og eins,“ segir
Gunnar Þorgeirsson. /VH
Íslenskar matarhefðir
og svæðisbundin matvæli
í hávegum höfð
32–33
20
Orkuskipti við kornþurrkunina
í Vallanesi næstkomandi haust
34
–35
Reykjagarður 50 ára og með um 40%
af kjúklingaframleiðslu landsins