Bændablaðið - 25.03.2021, Page 2

Bændablaðið | Fimmtudagur 25. mars 20212
Gunnar Þorgeirsson, formaður
Bændasamtaka Íslands, flutti
setningarræðu Búnaðarþings
2021 en auk hans tóku Katrín
Jakobsdóttir forsætisráðherra,
Kristján Þór Júlíusson atvinnu-
og nýsköpunarráðherra og
Guðni Th. Jóhannesson, forseti
Íslands, til máls við setningu.
Vigdís Häsler, framkvæmdastjóri
Bændasamtaka Íslands, stýrði
athöfninni.
Katrín Jakobsdóttir forsætis­
ráðherra, lagði áherslu í máli sínu
á mikilvægi íslensks landbúnaðar
og þess að draga úr matarsóun og
að það væru mörg tækifæri ónýtt
í að auka lífræna framleiðslu á
landinu. Hún sagði einnig að í
aðgerðaráætlun ríkisstjórnarinnar
væri lögð áhersla á að gera íslenskan
landbúnað loftslagsvænni en hann
er í dag.
Umhverfisstefna landbúnaðarins
Fram kom á Búnaðarþinginu að
um hverfismál tengd íslenskum
landbúnaði verða tekin til skoðunar
og dregin saman í eina heildstæða
stefnu.
„Hugmyndin er að hægt verði
að gera áætlun um hvað þarf að
gera á næstu árum til að bæta stöð­
una og helst að kolefnisjafna allan
landbúnað og alla bændur í landinu.
Þetta verður unnið í samráði við
stjórnvöld í samræmi við frumvarp
fjármála­ og efnahagsráðherra um
skattalegar ívilnanir vegna grænna
fjárfestinga. Enda segir í aðgerða­
áætlun ríkisstjórnarinnar að lofts­
lagsaðgerðum í landbúnaði verði
hraðað og þær auknar í samstarfi
við bændur, einkum þær sem stuðla
að loftslagsvænni landbúnað og því
að fjölga verulega bændum sem taka
þátt í loftslagstengdum verkefnum.
Við verðum einnig að byrja
vinnu við endurskoðun á búvöru­
samningnum 2023 og ákveða
hverjar áherslur Bændasamtakanna
eiga að vera við endurskoðunina.
Síðan hvað verður um búvörusamn­
inginn 2026 þegar hann rennur út
og almennt hvaða sýn bændur og
Bændasamtökin hafa á framtíðina,“
segir Gunnar Þorgeirsson, formaður
Bændasamtaka Íslands.
Stærsta hagsmunamál
íslensks landbúnaðar
Í ávarpi Kristjáns Þórs Júlíussonar
atvinnu­ og nýsköpunarráðherra
sagði hann að vinna við „mótun
landbúnaðarstefnu fyrir Ísland sem nú
stendur yfir er stærsta hagsmunamál
íslensks landbúnaðar nú um stundir.
Í þeirri vinnu verður teiknuð upp
framtíðarsýn. Tækifæri til að stilla
saman strengi, skapa sameiginlega
framtíðarsýn til næstu áratuga sem
byggir á óumdeildum kostum og
styrkleikum íslensks landbúnaðar.
Um leið er mikilvægt fyrir bændur að
styrkja enn frekar tengslin við íslenska
neytendur. Bændur verða til framtíðar
að svara spurningum neytenda, hlusta
eftir þeirra þörfum og auka skilning.“
Kristján Þór sagði einnig frá
þeirri ákvörðun sinni að bjóða sig
ekki fram til Alþingis í næstu kosn­
ingum og þakkaði um leið fyrir að
hafa fengið að starfa með íslenskum
bændum í tíð sinni sem landbúnað­
arráðherra.
Búskapur á Bessastöðum
Guðni Th. Jóhannesson, forseti
Íslands, talaði um mikilvægi
íslensks landbúnaðar í ávarpi sínu
og minnti á að á Bessastöðum hafi
til skamms tíma verið búskapur og
þar hafi fyrri ábúendur, hirðstjórar
konungs og amtmenn gert tilraunir
með að rækta grænmeti. Auk þess
sem forsetinn sagði að í samræmi
við breyttan tíðaranda væri nú
unnið að endurheimt votlendis
á Bessastöðum og að árangur
þess væri sjáanlegur í fjölgun
votlendisfugla í landinu. /VH
– Sjá nánar frá þinginu á bls. 4
FRÉTTIR
STYRKUR - HAGKVÆMNI - HÖNNUN
LANDSHÚSLandshús - Sími 553 1550 - landshus.is
KLETTAR HEILSÁRSHÚS
Klettar eru sterkbyggð hús – sérhönnuð af Eflu verkfræðistofu.
Húsin eru hefðbundin timburgrindarhús sem eru Íslandi að góðu kunn.
Húsin afhendast ósamsett, að hluta í forsmíðuðum einingum og að hluta
sem forsniðið efni. Hentug lausn við þröngar aðstæður.
Uppsetning húsanna er afar fljótleg.
Klettar eru með rúmgóðu svefnlofti
(hæð 2,1m) sem eykur notagildi
hússins umtalsvert.
Klettar 65 – Grunnverð kr. 8.373.000,-
Klettar 80 – Grunnverð kr. 10.807.000,-
Ítarlegar upplýsingar og
afhendingarlýsingu má
finna á vefsíðu okkar.
Húsið á myndinni er af
gerðinni Klettar 80 sem
reist var 2019 á Vesturlandi.
Birgir nýr for-
maður BSE
Birgir H. Arason, bóndi í Gull-
brekku í Eyjafjarðarsveit, var
kosinn formaður Búnaðar-
sambands Eyjafjarðar á aðalfundi
sambandsins nýverið.
Hann tekur við af Gunnhildi
Gylfadóttur á Steindyrum í
Svarfaðardal sem gegnt hefur stöðinni
undanfarin ár.
Birgir tók á fundinum við
verðlaunum fyrir stigahæsta lambhrút
af svæði BSE í haust, sem var lamb
nr. 66 sem hlotið hefur nafni Varmi.
/MÞÞ
Birgir H. Arason.
Aðalfundur BSE:
Þrjú búnaðar-
sambönd verði
sameinuð
Aðalfundur Búnaðarsambands
Eyjafjarðar, sem haldinn var í
Hlíðarbæ fyrr í þessum mán-
uði, veitti stjórn heimild til að
vinna að sameiningu Búnaðar-
sambands Eyjafjarðar, Búnaðar-
sambands S-Þingeyinga og
Búnaðarsambands N-Þingeyinga.
Sameiningartillögur verða
kynntar félagsmönnum bornar
upp til samþykktar eða synjunar á
löglega auglýstum aðalfundi.
Fram kemur í tillögu aðalfundar
að hugmyndir félagsmálanefndar BÍ
snúist um að stækka og efla félags­
legar einingar og að þær verði 6 á
landinu. Ein þeirra verði byggð upp
í Eyjafirði og Þingeyjarsýslum.
„Sameinuð búnaðarsambönd
á svæðinu geti myndað sterka
félagslega heild sem verði grunnur
í félagskerfi bænda á svæðinu,“ segir
í tillögunni. /MÞÞ
Bænda
15. apríl
Vigdís Häsler, framkvæmdastjóri Bændasamtaka Íslands, og Gunnar Þorgeirsson, formaður BÍ, tóku á móti Guðna Th. Jóhannessyni, forseta Íslands, við
upphaf Búnaðarþings 2021 sem fram fram fór í Súlnasal Hótel Sögu. Myndir / HKr.
Stutt og hnitmiðað Búnaðarþing 2021:
Þingfulltrúar voru samstiga í
að leysa verkefni þingsins
Vigdís Häsler, framkvæmdastjóri Bændasamtaka Íslands afhendir Kristjáni Þór Júlíussyni sjávarútvegs- og
landbúnaðarráðherra blóm sem þakklætisvott Bændasamtakanna fyrir samstarfið í hans ráðherratíð og með þeim
á myndinni er Gunnar Þorgeirsson, formaður BÍ.
Katrín Jakobsdóttir forsætisráðherra
brýndi bændur til góðra verka við
setningu Búnaðarþings og hvatti
til aukinnar lífrænnar framleiðslu
landbúnaðarafurða.
Guðni Th. Jóhannesson, forseti
Íslands, sló á létta strengi í setn-
ingar athöfninni í Bændahöllinni
samhliða því að tala um mikilvægi
íslensks landbúnaðar í ávarpi sínu.