Morgunblaðið - 11.02.2021, Side 72

72 MENNING
MORGUNBLAÐIÐ FIMMTUDAGUR 11. FEBRÚAR 2021
Útsölustaðir: Apótek og heilsuhillur stórmarkaða.
Vönduð bætiefnalína
hönnuð til að styðja
við almenna heilsu
Bragðgóðar og sykurlausar freyðitöflur
Veronika Steinunn Magnúsdóttir
veronika@mbl.is
Á tónleikum Sinfóníuhljómsveitar
Íslands í Eldborgarsal Hörpu í kvöld
verður Sigurgeir Agnarsson selló-
leikari einleikari í sellókonsert í C-
dúr eftir Joseph Haydn, konsert
sem hefur um langt skeið verið eitt
vinsælasta verk sellóleikara um all-
an heim.
Á tónleikunum hljómar einnig ein
dáðasta sinfónía Brahms, sú númer
2, en við stjórnvölinn er Eva Olli-
kainen, aðalstjórnandi hljómsveit-
arinnar.
Sigurgeir segist hafa flutt kons-
ertinn einu sinni áður opinberlega,
árið 2004 eða fyrir sautján árum,
þegar hann var nýfluttur heim úr
námi. Þá var hann nýtekinn til starfa
hjá Sinfóníunni og fóru tónleikarnir
fram í Háskólabíói.
– Hefur konsertinn breyst eitt-
hvað fyrir þér síðan þá?
„Kannski túlkunin en ekki kons-
ertinn sem slíkur. Maður er náttúr-
lega orðinn eldri og kannski eitthvað
vitrari, vonandi,“ svarar hann.
„Hlutirnir breytast kannski því
maður þarf að lifa með verkunum;
sýn manns á hlutina breytist og hvað
það er sem maður vill reyna að koma
á framfæri.“
Kadensan í fyrsta kafla konserts-
ins er eftir Hafliða Hallgrímsson,
tónskáld og einn ástsælasta selló-
leikara Íslendinga. Kadensuna spil-
aði Hafliði á sjöunda áratugnum,
kornugnur, og minntist seinna á
hana við Sigurgeir.
„Mér fannst það skemmtilegt og
ég ákvað að spila hana núna,“ segir
hann. „Kadensan er sem sagt þetta
móment í konsertinum þegar ein-
leikarinn getur stoppað og gert hvað
sem hann vill, innan einhverra
marka. Þetta er oft í enda kafla,“
segir hann og bætir við að einleik-
arinn fái þannig tækifæri til þess að
setja fram og hugleiða aðeins það
sem fram hefur komið í kaflanum.
„Sumir semja sínar eigin kadens-
ur en ég hef nú ekki gert mikið af
því,“ segir Sigurgeir.
Konsertinn fannst óvart í
þjóðskjalasafni
Sellókonsert Haydns var týndur
um langt skeið eða allt þar til tékk-
neskur tónlistarfræðingur fann nót-
urnar fyrir hreina tilviljun á þjóð-
skjalasafninu í Prag árið 1961.
Staðfesti fundurinn grun manna um
að hugsanlega væri til óþekktur
konsert eftir Haydn, þar sem upp-
hafsnótur þessa konserts fundust
krotaðar í skissubók tónskáldsins
undir yfirskriftinni Sellókonsert í G-
dúr.
„Þetta er bara eins og í einhverri
lygasögu. Maður hefur heyrt að
hann hafi ekki verið beinlínis að leita
að nótunum. Tónlistarfræðingar
voru á því að Haydn hefði samið
sellókonsertinn sem var týndur en
síðan datt einn hreinlega bara niður
á þetta,“ segir Sigurgeir.
– Eru einhverjar sérstakar áskor-
anir sem fylgja sellókonsertinum?
„Það er kannski pínulítið þetta
með að ganga inn í aðeins nýtt hlut-
verk,“ svarar Sigurgeir, sem alla
jafna starfar sem leiðari sellósveitar
hljómsveitarinnar, er þar hluti af
heild en ekki í forgrunni sem einleik-
ari. Hann segir að hugarfarslega sé
það eins og að skipta um gír.
„Ég held annars að áskorunin í
stykkinu sé einnig sú að þetta er
léttur og skemmtilegur konsert.
Hann er glaðlegur. Allir kaflarnir
eru í dúr og það er ekki mikil drama-
tík í honum en ég held það sé verk-
efnið; að koma þessum léttleika til
skila,“ segir hann.
Ekki þéttskipað í salnum
Sætaframboð á tónleikunum er
takmarkað við 100 tónleikagesti í
fjórum sóttvarnahólfum í Eldborg, í
samræmi við núgildandi sóttvarna-
reglur. Í það minnsta tvö auð sæti
eru á milli allra seldra sæta til þess
að tryggja nálægðarmörk milli
gesta. Þeim ber þá skylda til að vera
með grímu á tónleikunum, sem eru
um klukkustundar langir án hlés.
„Þetta er dálítið skrýtið ástand.
Eldborg er svo stór salur að þótt
nokkur fjöldi megi sækja tónleikana
virkar það náttúrlega ekki eins og
það séu jafnmargir í salnum og raun
ber vitni, þegar maður horfir yfir
salinn frá sviðinu,“ segir Sigurgeir
og heldur áfram:
„Það er þessi kemistría og þetta
orkuflæði milli áhorfenda og flytj-
enda sem skiptir máli, því áhorf-
endur taka vissulega þátt í tónleik-
unum með því að vera á staðnum.“
Þó verður einhvers staðar að
byrja hvað fjölda gesta áhrærir.
„Við erum gríðarlega glöð að hafa
þetta traust frá yfirvöldum og geta
verið með tónleika, þótt þeir séu
styttri og með öðrum formerkjum
en vanalega,“ segir hann og heldur
áfram: „Við leitum lausna og þegar
við byrjuðum aftur að spila í janúar
urðu allir mjög glaðir að fá að mæta í
vinnuna og spila, því það eru ekki
allir í þeirri aðstöðu að geta spilað,“
segir hann, en í faraldrinum hefur
hingað til verið brugðið á það ráð að
streyma líka tónleikum.
„Þó að streymið sé ágætt kemur
það ekki í staðinn fyrir það að hafa
fólk í salnum,“ segir Sigurgeir að
lokum.
Morgunblaðið/Kristinn Magnússon
Sellóleikarinn Sigurgeir Agnarsson æfði konsertinn undir stjórn Evu Ollikainen í gær. Hann flutti konsertinn síð-
ast opinberlega fyrir sautján árum og segir sýn flytjenda á verk breytast og hverju þeir vilja koma á framfæri.
Orkuflæðið milli flytjenda og
áhorfenda í sal skiptir máli
 Sigurgeir Agnarsson er einleikari í sellókonsert Haydns með Sinfóníuhljómsveitinni í kvöld
Tilkynnt hefur verið um úthlutun
styrkja menningar-, íþrótta- og
tómstundaráðs og útnefningu List-
hóps Reykjavíkur 2021. Alls voru
veittir 94 styrkir til menningarmála
fyrir 67 milljónir króna. Samtals
barst 201 umsókn til meðferðar þar
sem sótt var um fyrir 295 milljónir.
Faghóp sem skipaður var fulltrú-
um frá Bandalagi íslenskra lista-
manna og Hönnunarmiðstöð Ís-
lands var falið að fara yfir
styrkumsóknir og leggja til styrki
til menningar og lista. Heildar-
fjárhæð sem úthlutað var til
almennra styrkja nam 44,7 millj-
ónum. Fjárhæð fyrir samstarfs-
samninga nam 22,3 milljónum. Þar
af var tveimur milljónum ráðstafað
til hóps sem stendur að UNGA og
EGGI – Alþjóðlegri sviðslistahátíð
ASSITEJ fyrir unga áhorfendur,
sem útnefndur er Listhópur
Reykjavíkurborgar 2021.
„Hátíðin UNGI er tvíæringur en
milliárið, EGGIÐ, býður upp á röð
viðburða fyrir fagfólk í sviðslistum
hérlendis. Á UNGA 2021 verður
boðið upp á átta ný íslensk sviðs-
verk í sýningarrýmum borgar-
innar, tvo erlenda leikhópa, auk
þess sem hátíðin mun bjóða upp á
vinnustofur og sýningar fyrir
skóla,“ segir í tilkynningu.
Sex þriggja ára samstarfssamn-
ingar eru gerðir við Alþjóðlega
bókmenntahátíð í Reykjavík sem
fær fjórar milljónir, Jazzhátíð
Reykjavíkur sem fær 3,5 milljónir,
Stórsveit Reykjavíkur sem fær
þrjár milljónir, Caput tónlistarhóp-
inn og Kammersveit Reykjavíkur
sem fá tvær milljónir hvor hópur og
Harbinger sýningarrými sem fær
eina milljón. Þá eru gerðir fjórir
tveggja ára samningar við ASSI-
TEJ sem fær tvær milljónir eins og
fram kemur hér að ofan, Múlann
sem fær 1,8 milljónir, List án landa-
mæra – listahátíð fatlaðra og Mynd-
höggvarafélagið í Reykjavík sem fá
1,5 milljónir hvor hópur.
67 milljónir króna til
94 menningarverkefna
 Listhópur Reykjavíkur 2021 valinn
Morgunblaðið/Kristinn Magnússon
Djass Gerður var samstarfssamn-
ingar við Jazzhátíð Reykjavíkur.