Morgunblaðið - 25.02.2021, Blaðsíða 22

22 FRÉTTIRInnlent
MORGUNBLAÐIÐ FIMMTUDAGUR 25. FEBRÚAR 2021
GRILLAÐUR – PÖNNUSTEIKTUR – OFNBAKAÐUR
Borinn fram með fersku salati, smælki, og citrus beurre blanc.
APOTEK Kitchen + Bar Austurstræti 16 Sími 551 0011 apotek.is
MARS TILBOÐ
1.990kr. á mann
FRÁBÆR Í HÁDEGINU
FISKIVEISLA
3 tegundir af ferskasta fiski dagsins
Þóroddur Bjarnason
tobj@mbl.is
Í hringborðsumræðum sjónvarps-
stjóranna þriggja, Stefáns Eiríks-
sonar útvarpsstjóra, Heiðars Guð-
jónssonar, forstjóra Sýnar, og Orra
Haukssonar, forstjóra Símans, í Við-
skiptaMogganum í gær, segir Heið-
ar að verðskrá útvarpsauglýsinga
RÚV hafi lækkað um 20% eftir síð-
asta þjónustusamning menntamála-
ráðuneytisins og RÚV sem kynntur
var í desember sl. og tók gildi tíunda
þess mánaðar. Þá kvartaði Heiðar
undan skorti á gagnsæi í verðskrá
RÚV. Þessu svaraði Stefán með
þeim orðum að breytt hefði verið um
kerfi, tekið hefði verið upp punkta-
kerfi í útvarpi sem verið hefði við
lýði í sjónvarpi sl. tíu ár.
Þá sagði Stefán að verðskráin
væri skýr og aðgengileg og væri að-
gengileg á heimasíðu RÚV. Enginn
þyrfti að velkjast í vafa um hvað
kosti að auglýsa í Ríkisútvarpinu.
Morgunblaðið hafði samband við
sérfræðing á auglýsingamarkaðnum
til að komast til botns í því hvort um
verðlækkun hefði verið að ræða eður
ei.
Punktakerfið sem Stefán minnist
á í umræðunum (Leiknar auglýs-
ingar – CPM) er svokallað CPM-
kerfi, sem stendur fyrir Cost Per
Mile, eða kostnað á hver þúsund
„eyru“ eða hverja þúsund hlust-
endur sem auglýsingin nær til.
Eldri verðskrá hafi miðað við sek-
úndur (leiknar auglýsingar – SEK ).
Þannig kostar núna eitt CPM
fimmtíu krónur. Ef tekið er dæmi af
útvarpsauglýsingu í auglýsingatíma
klukkan sjö að morgni á virkum degi
kostar sekúndan átta CPM. Sé það
margfaldað saman, þá kostar aug-
lýsingin 8 x 50 eða 400 krónur á sek-
úndu. Í gömlu verðskránni, leiknar
auglýsingar – SEK, þá kostaði aug-
lýsing í sama auglýsingatíma 549
krónur hver sekúnda. Þarna er því
um 27% verðlækkun að ræða.
Sami markhópur
Sérfræðingurinn segir að þarna sé
aðferðafræðin mismunandi, en
markhópurinn sé sá sami, eða átta
CPM = átta þúsund hlustendur. Séu
allir auglýsingatímar reiknaðir sam-
an sjáist að meðalverðlækkun út-
varpsauglýsinga RÚV á virkum dög-
um sé 29%.
Samkvæmt upplýsingum frá SÝN
þýddi verðlækkun RÚV í desember
að brugðist var við með verðlækk-
unum á auglýsingum í miðlum Sýn-
ar. Það hafi haft skaðleg áhrif á
reksturinn.
27% verðlækkun
í nýju kerfi RÚV
 Ekki lengur miðað við sekúndur
Morgunblaðið/Eggert
Sala RÚV hefur tekið upp nýtt kerfi við sölu á auglýsingum í útvarpi.
Þóroddur Bjarnason
tobj@mbl.is
Í hringborðsumræðum sjónvarps-
stjóranna þriggja, Stefáns Eiríks-
sonar útvarpsstjóra, Heiðars Guð-
jónssonar, forstjóra Sýnar, og Orra
Haukssonar, for-
stjóra Símans, í
Viðskipta-
Mogganum í gær
ræðir Orri um að
RÚV hafi byrjað
að bjóða sam-
bærilega þjón-
ustu og Síminn
bauð upp á í
þremur tilfellum,
sem orðið hafi til
þess að Síminn hafi þurft að hætta
með viðkomandi þjónustu. Þar var
nefnt KrakkaRÚV, útsendingar frá
Sinfóníutónleikum og menntavef.
Morgunblaðið hafði samband við
Stefán og spurði hann hver staða
þessara verkefna væri og hvort
RÚV væri tilbúið að leggja dag-
skrárefnin til hliðar ef Síminn eða
aðrir færu að bjóða svipaða eða
sambærilega þjónustu en Stefán
sagði í hringborðsumræðunum að
hann liti ekki svo á að hlutverk RÚV
væri að vera í beinni samkeppni um
áhorf á tilteknum lykiltímum. „Ef
okkar samkeppnisaðilar, eða félagar
á fjölmiðlamarkaði, eru með áhuga-
vert og gott efni held ég að við eig-
um frekar að draga okkur í hlé,“
sagði Stefán í ViðskiptaMogganum.
Ekki breytingar á Rás 1
Stefán segir í skriflegu svari að
RÚV hafi verið með útsendingar frá
sinfóníutónleikum á Rás eitt um ára-
tugaskeið og hann geri ekki ráð fyr-
ir því að á því verði breytingar.
„Samstarf hefur síðan verið í gangi
við Sinfó um verkefnið Klassíkin
okkar (tónleikar í beinni í upphafi
hausts síðustu ár) og núna í kófinu
hefur nokkrum sinnum verið sjón-
varpað frá tónleikum Sinfó, allt
vegna þess að samkomutakmarkan-
ir gerðu það að verkum að áhorf-
endur voru ekki leyfðir. Ekkert hef-
ur verið rætt um frekara samstarf í
sjónvarpi og hið besta mál ef aðrir
aðilar finna flöt á því að efla sam-
starf við Sinfó og miðla því frábæra
starfi,“ segir Stefán.
Hafa sinnt barnaefni lengi
Hvað varðar efni fyrir börn og
ungt fólk þá segir Stefán að RÚV
hafi sinnt slíkri þjónustu frá upphafi
og nefnir barnaþáttinn Stundina
okkar sem dæmi. „Fyrir fimm árum
síðan í kjölfar nýs þjónustusamn-
ings var sú þjónusta efld, vegna auk-
innar og vaxandi áherslu á t.d.
barnamenningu og fræðslu sem og
aukna þátttöku barna og ungs fólks
í dagskrárgerð fyrir sína aldurs-
hópa. Sama áhersla er í nýjum þjón-
ustusamningi [við menntamálaráðu-
neytið], þar sem segir að lögð verði
áhersla á þjónustu við börn og ung-
menni á samningstímabilinu, þar
sem áhersla verður lögð á að hvetja
börn og unglinga til þátttöku í dag-
skrárgerð og öðru skapandi starfi.“
Stefán segir að fókusinn sé eink-
um á barnamenningu og fræðslu-
starf fyrir börn, eins og t.d. verð-
launahátíðin Sögur og önnur
verkefni í kringum það væru gott
dæmi um. „Og núna má nefna þá
áherslu sem lögð er á kynfræðslu
með fjölbreyttum hætti fyrir þennan
hóp í bæði útvarpi og sjónvarpi og
umfjöllun um heimsmarkmið Sam-
einuðu þjóðanna. Lykilatriði í þessu
öllu er að RÚV er opið og aðgengi-
legt öllum hér á landi og þetta efni,
barnamenning og fræðsluefni af
fjölbreyttum toga, þarf að vera opið
og aðgengilegt öllum börnum og
ungmennum. Ég sé vel fyrir mér að
þetta efni RÚV geti þróast og
þroskast í tengslum við annað
barnaefni, hvort heldur sem er hjá
Símanum, Sýn eða erlendum
streymisveitum. Okkar fókus er
ekki á þau atriði sem þar eru fyrir-
ferðarmikil heldur á framangreinda
þætti, allt í ljósi okkar hlutverks,“
segir Stefán.
Snýr að miðlun á fræðsluefni
Hvað varðar það sem snýr að
menntavef Símans, þá segir Stefán
að verkefni sem tengjast verkefninu
MenntaRÚV og er að finna í nýjum
þjónustusamningi mennta- og
menningarmálaráðherra og RÚV,
snúi að gerð og miðlun á fræðsluefni
í samvinnu við ýmsa aðila og sé
hugsað sem miðstöð fræðslu- og
kennsluefnis á íslensku eða með ís-
lenskum texta, sérstaklega með
þarfir kennara og nemenda í huga.
„Samkvæmt þjónustusamningi er
það verkefni okkar á næstu miss-
erum að móta nánar tillögur um
þetta í samvinnu m.a. við mennta-
yfirvöld. Ef aðilar á borð við Símann
eða Sýn hafa áhuga á því að taka
þátt í því tek ég því fagnandi,“ segir
Stefán að lokum í skiflegu svari
sínu.
Ekki rætt um frekara samstarf
 Hið besta mál ef aðrir aðilar finna flöt á því að efla samstarf við Sinfóníuhljómsveitina í sjónvarpi
 Áhersla á barnaefni og MenntaRÚV tengd þjónustusamningi Tekur þátttöku annarra fagnandi
Stefán
Eiríksson