Morgunblaðið - 06.03.2021, Blaðsíða 4

4
MORGUNBLAÐIÐ LAUGARDAGUR 6. MARS 2021
Ármúli 7, 2 hæð | Sími 546 1100 | investis@investis.is | www.investis.is
SÉRFRÆÐINGAR
Í SÖLU FYRIRTÆKJA
• Við vinnum að sölu á mjög áhugaverðu matvælafyrirtæki
á Vesturlandi. Árleg velta er um 100 milljónir króna en
afkastageta er mun meiri. Fyrirtækið er rekið í um 600 fm.
eigin húsnæði.
• Ein glæsilegasta herrafataverslun landsins er í sölumeðferð
hjá okkur í Investis. Verslunin er með umboð fyrir mörg
þekkt og glæsileg vörumerki á sviði herrafatnaðar. Traustur
viðskiptavinahópur og góður hagnaður hefur einkennt
reksturinn sem hefur verið stöðugur og góður til langs tíma.
• Einn vinsælasti veitingastaður Hafnarfjarðar er kominn í sölu
hjá okkur. Staðurinn veltir yfir 200 milljónum.
Mjög áhugavert tækifæri.
• Við vinnu að sölu á nokkrum iðnfyrirtækjum og heildsölu-
fyrirtækjum með veltu frá 500 til 1000 milljónir.
• Rekstur Blásteins og Rakang Thai í Árbæ er til sölu.
• Við vinnum að nokkrum áhugaverðum verkefnum sem
tengjast veitingastöðum í 101 Reykjavík og úthverfum.
Helgi Bjarnason
helgi@mbl.is
„Við getum nálgast þetta markmið
smám saman með því að vera fljót
að skilja þá ferla sem eru í gangi í
jarðskorpunni. Eftir því sem við
skiljum þá betur aukast líkur á því
að við getum sagt á gagnlegan hátt
fyrir um komandi jarðskjálfta. Það
þýðir samt ekki að við getum spáð
fyrir um allt,“ segir Ragnar Stef-
ánsson jarðskjálftafræðingur.
Hann hafði forystu í evrópskum
rannsóknaverkefnum sem miðuðu
að því að finna aðferðir til að spá
fyrir um jarðskjálfta á Íslandi.
Verkefnin stóðu hátt í tvo ára-
tugi en lauk á árinu 2005. Síðan
hafa ekki verið stundaðar hér
skipulegar rannsóknir sem miða
beinlínis að jarðskjálftaspám.
Sáu Suðurlandsskjálfta fyrir
Ragnar segir margt gagnlegt
hafa komið út úr þessum verk-
efnum. Nefnir hann jarðskjálfta-
mælakerfið sem enn er notað og
GPS-landmælingakerfi. „Haldið
hefur verið áfram með ýmiss kon-
ar rannsóknir á grundvelli þessara
mælinga. Þær hafa haft áhrif á
ýmislegt í skilningi okkar á jarð-
skjálftum og eldgosum. Mér hefur
hins vegar fundist að það vanti að
fullnýta allar mælingar í að segja
fyrir um slíka atburði,“ segir hann.
Segir Ragnar að alltaf hafi verið
sagt að auðveldara væri að spá
fyrir um eldgos en jarðskjálfta.
Það sé að breytast og nú séu að
hefjast rannsóknir með þessu
markmiði erlendis.
Rifja má upp að Ragnar og sam-
starfsmenn hans spáðu nokkuð
fyrir um Suðurlandsskjálftana í
júní 2000. Töldu þeir að næsti stóri
skjálfti yrði í Holtunum og hann
kynni að ýta af stað öðrum stórum
skjálfta sem líklegur væri suður af
Hestfjalli. Þetta gekk nokkuð eftir
17. og 21. júní. Þeir gerðu grein
fyrir rökum sín-
um fyrir þessu í
greinum sjö til
tólf árum fyrr.
Eftir fyrri
skjálftann gátu
vísindamennirnir
varað almanna-
varnir við þeim
seinni þótt þeir
gætu ekki gefið
upp nákvæma
tímasetningu og var það hjálplegt í
viðbúnaði.
Ragnar hætti störfum á Veður-
stofunni og við Háskólann á Akur-
eyri fyrir tólf árum en hefur áfram
unnið að rannsóknum og skrifum.
Hann er núna að skrifa alþýðlega
fræðibók um jarðskjálftaspár.
Telur hann að jarðvísindin ættu
að nýta mælingar og þekkingu enn
betur til að spá fyrir um jarð-
skjálfta og eldgos. Ekki aðeins
hvar og hvenær líklegt sé að at-
burðir verði heldur eigi slíkar spár
að gera grein fyrir eðli jarðskjálfta
og eldgoss og hættunni sem at-
burðirnir gætu valdið.
Frekar eldgos en jarðskjálfti
Ragnar fylgist með hræring-
unum á Reykjanesskaganum, eins
og aðrir. Hann segir erfitt að spá
fyrir um til hvers það leiði að
kvika fór upp í sprungu sem
myndaðist.
Segir Ragnar að jarðskorpan
haldi áfram að hreyfast og á með-
an harði kjarninn sem er á milli
Kleifarvatns og Þrengsla hreyfist
ekki til samræmis byggist upp
spenna á svæðinu. Nefnir hann tvo
möguleika. Annars vegar að jarð-
skjálftarnir fari þá leið sem þeir
komu, út á Reykjanestá og
Reykjaneshrygg eða spennupúls
frá kvikuinnskotinu fari fram hjá
harða kjarnanum og hreyfi við
jarðskorpunni nálægt Þrengsl-
unum. Telur hann meiri líkur á
eldgosi en hörðum skjálfta.
Ætti að leggja
áherslu á spár
 Hægt verður að spá um skjálfta
Ragnar
Stefánsson
Helgi Bjarnason
helgi@mbl.is
„Skjálftarnir hafa ekki farið illa
með okkur. Það hefur verið tölu-
verður hristingur. Ég var búinn að
reikna með að það kæmi skjálfti í
dag. Hann stendur eitthvað á sér en
getur enn komið. Það hlýtur svo að
virka þegar svona háttsettur gestur
kemur,“ sagði Sæmundur Þórðar-
son, fyrrverandi skipstjóri á Stóru-
Vatnsleysu á Vatnsleysuströnd, í
gær en þá fékk hann heimsókn frá
Katrínu Jakobsdóttur forsætisráð-
herra.
Forsætisráðherra var á ferð um
Suðurnesin í gær. Tilgangur ferð-
arinnar var að kynna sér atvinnu-
ástandið og tækifæri til menntunar
á Suðurnesjum enda heimsóknin
löngu ákveðin. Það fór þó ekki hjá
því að atburðirnir að undanförnu,
jarðskjálftar og hugsanlegt eldgos,
væru ráðherra og viðmælendum
hans ofarlega í huga.
Sæmundur á Stóru-Vatnsleysu er
á 94. aldursári og kona hans, Anna
María Franksdóttir, nokkru yngri.
Þau voru ekki í vandræðum með að
taka á móti háttsettum gesti. „Ég
veit ekkert hvað ég á að segja við
hana en það verður bara gaman að
sjá hana á stuttu færi,“ sagði Sæ-
mundur.
Sæmundur telur líkur á eldgosi en
þó ekki á hans landi sem nær lang-
leiðina inn að Keili, nema það gjósi í
Trölladyngju. Hann hefur meiri trú á
að gosið verði sunnan til á skag-
anum, nær Grindavík. „Ég get þó
borið ábyrgð á veginum að Keili. Við
lögðum hann á sínum tíma, pabbi og
við strákarnir, af því að við rækt-
uðum upp Höskuldarvellina til að
vera með heyskap þar,“ segir Sæ-
mundur.
„Fólk er auðvitað orðið svolítið
langþreytt á stöðunni, sem bætist of-
an á annað í samfélaginu,“ segir
Katrín Jakobsdóttir forsætisráð-
herra, sem fundaði einnig með bæj-
arstjórn Grindavíkur í gær. Þar fóru
þau yfir skipulagið og sagði Katrín
að sér sýndist bæjaryfirvöld hafa
gert mjög vel í því að halda öllum
upplýstum og tryggja að íbúar fái
sem bestar upplýsingar á hverjum
tíma þannig að það sé hægt að
bregðast hratt og örugglega við ef
eitthvað kemur upp á.
Sagði Katrín stöðu atvinnu þunga
á svæðinu enda flugrekstur og ferða-
þjónusta mikilvæg þar en atvinnu-
leysi hefur mælst í hæstu hæðum á
svæðinu síðan kórónuveirufarald-
urinn hófst.
Veðurstofan fékk nýlega aukið
fjármagn til að fjölga jarðskjálfta-
mælum, og sagði Katrín að öll mál
tengd almannavörnum væru í algjör-
um forgangi hjá ríkisstjórninni.
Morgunblaðið/Árni Sæberg
Tignir gestir Anna María Franksdóttir og Sæmundur Þórðarson á Efri-Vatnsleysu tóku vel á móti Katrínu Jak-
obsdóttur forsætisráðherra og Birgi Þórarinssyni, þingmanni Miðflokksins í Suðurkjördæmi, í gær.
Hlýtur að virka þegar
háttsettur gestur kemur
 Sæmundur og Anna María á Vatnsleysu fengu heimsókn
Alexander Kristjánsson
alexander@mbl.is
Rafmagn fór af allri Grindavík um
klukkan tvö síðdegis í gær og liðu
rúmar sjö klukkustundir þar til það
komst aftur á að fullu. Brunninn há-
spennurofi er talinn ástæða raf-
magnsleysisins en ekki talið að það
tengist jarðskjálftahrinunni með
neinum hætti. „Þetta tengist í sjálfu
sér ekki þessum skjálftum. Tíminn er
þó vitaskuld óheppilegur í ljósi að-
stæðna,“ sagði Fannar Jónasson,
bæjarstjóri í Grindavík, í samtali við
mbl.is. Meðan á rafmagnsleysinu stóð
voru varaaflstöðvar nýttar til að
knýja mikilvæga starfsemi á hjúkr-
unarheimilinu í bænum sem og fjar-
skiptastöð Mílu sem tryggir netsam-
band.
Enn skelfur jörð
Enn er mikil jarðskjálftavirkni á
Reykjanesskaga, en síðasta sólar-
hring mældust um 2.300 skjálftar á
svæðinu, flestir litlir. Þrír skjálftar
yfir 3 að stærð riðu yfir í gær, allir í
hádeginu. Bryndís Ýr Gísladóttir,
náttúruvársérfræðingur á Veðurstof-
unni, segir í samtali við Morgunblaðið
að staðan hafi lítið breyst upp á síð-
kastið. Niðurstöður fundar vísinda-
ráðs almannavarna í gær voru þær að
engar vísbendingar væru um að kvika
væri að færast hratt nær yfirborði
jarðar á Reykjanesskaga. Meðan það
ástand varir séu ekki miklar líkur á
eldgosi en þó verði að gera ráð fyrir
þeim möguleika að staðan geti breyst
hratt. Þá er það sameiginlegt mat
ráðsins að öll gögn bendi til þess að ef
til goss kæmi þá yrði það á svæðinu
milli Fagradalsfjalls og Keilis.
Um 23.000 skjálftar hafa mælst á
Reykjanesskaga frá því skjálftahrina
hófst þar á miðvikudag fyrir rúmri
viku.
Rafmagn fór af allri
Grindavík í sjö tíma
 Ótengt jarðskjálftunum  Rafmagnslaust í sjö tíma
Morgunblaðið/Kristinn Magnússon
Grindavík Rafmagnið fór af Grindavík í gær í rúma sjö klukkutíma.
Skjálftahrina á Reykjanesskaga