Morgunblaðið - 06.03.2021, Blaðsíða 29

Elsku hjartans amma mín,
elsku gullkonan og mín besta
vinkona. Mikið er það óraun-
verulegt að sitja við tölvuna og
reyna að skrifa niður minning-
argrein þegar hjartað mitt hef-
ur ekki almennilega náð því að
þú sért farin frá okkur. Það er
erfitt að geta ekki hringt í þig
og fengið hjálp við að komast í
gegnum þetta, eða að fá ráð frá
þér um hvað sé nú best að gera
eða bara til að spjalla eins og við
gerðum á hverjum einasta degi
á meðan þú hafðir heilsu til. Í
sorginni reyni ég að minna mig
á að vera þakklát, því það er sko
margt til að þakka fyrir en fyrst
og fremst er ég þakklát fyrir
þig. Það var alveg sama hvert
erindið var og stundum ekki
neitt sérstakt, heldur bara að
hringjast á milli og heyra í hvor
annarri. Það er akkúrat það sem
mig vantar núna, að heyra í þér.
Þú varst mér allt. Gafst mér
heiminn og vildir ekkert í stað-
inn. Frá því að ég fæddist hafa
hjörtun okkar slegið í takt, og
núna þegar þú ert farin er stórt
sár á mínu hjarta og reyni ég að
græða það með öllum dásam-
legu minningunum sem ég á um
okkar tíma saman. Hvort sem
það var á Garðafelli, í Eyjum, í
útilegum eða bara hvar sem við
vorum. En frá fyrstu stundu
vorum við miklar vinkonur. Ég
sótti alltaf mikið að koma til þín
og afa og dvaldi ég ófáar stundir
í góðu yfirlæti hjá bestu hjónum
í heimi. Sama var hjá mínum
börnum, en mikið þótti þeim
gaman að koma til ömmu lang
og afa lang. Einstakt samband
myndaðist ykkar á milli enda
varst þú hrókur alls fagnaðar
sama hvar þú komst og ekki erf-
itt að líða vel í þinni návist.
Hörkuduglega amma mín, sem
hikaðir aldrei heldur gekkst
beint í verkið og sinntir því vel.
Þótt það séu rétt liðnar þrjár
vikur síðar þú kvaddir okkur
stend ég mig enn að því að ætla
að taka upp símann og hringja
aðeins í ömmu. Þrátt fyrir veik-
indi og litla orku ákvaðst þú að
þiggja boð um að koma til Eyja
og eyða áramótunum með fólk-
inu þínu þar og mikið var gott
að hafa þig hjá okkur. Þú komst
okkur stöðugt á óvart, og sýndir
um leið magnaðan karakter sem
lét ekkert stoppa sig. Elsku
amma mín, sorgin er svo sár og
mér er svo illt. Með tímanum
næ ég vonandi að sætta mig við
það sem ég fæ ekki breytt en ég
mun halda minningu þinni á lofti
um ókomna tíð. Við munum
halda áfram að fjölmenna á
Jónsmessunni, en hátíðin var í
miklu uppáhaldi hjá ömmu og
afa. Fylgdust þau stolt og
spennt með á meðan tjaldborgin
reis í garðinum þeirra með til-
hlökkun um að eyða frábærum
tíma með fólkinu sínu. Helgin
var gleði frá byrjun til enda,
mikill söngur og gaman en það
tvennt átti vel við þig ásamt
mörgum öðrum kostum sem þú
bjóst yfir. Elsku amma mín, ég
elska þig af öllu hjarta og sakna
þín svo sárt. Ég er þakklát fyrir
að hafa verið þín og að þú varst
mín. Í dag er komið að kveðju-
stund en ég vona og veit að það
hefur verið tekið vel á móti þér,
og búið að slá upp þorrablóti
með öllu tilheyrandi.
Elsku amma mín besta og
mesta, hafðu þökk fyrir allt og
allt. Og ég segi frá mínum
dýpstu hjartarótum að heimur-
inn er virkilega fátækari án þín
en við ríkari fyrir að hafa þekkt
þig.
Æ, amma, hvar ertu? Æ, ansaðu mér.
Því ég er að gráta og kalla eftir þér.
Fórstu út úr bænum eða fórstu út á
hlað?
Eða fórstu til Jesú í sælunnar stað?
(Höf. ók.)
Elsku amma okkar þú munt
alltaf lifa í minningunni og sú
minning er falleg.
Berglind Ósk Sigvards-
dóttir og fjölskylda.
MINNINGAR 29
MORGUNBLAÐIÐ LAUGARDAGUR 6. MARS 2021
✝ Þórdís Lár-usdóttir fædd-
ist á Skagaströnd
19. nóvember 1955,
hún lést á heimili
sínu, Grundatúni 12
á Hvammstanga 20.
febrúar 2021. For-
eldrar hennar voru
Lárus Valdimars-
son, f. 29.11. 1928,
d. 31.7. 2015, og
Ingibjörg Margrét
Daníelsdóttir, f. 23.3. 1931, d.
26.8. 1989. Þau slitu samvistir,
seinni maður hennar Baldur R.
Skarphéðinsson, f. 17.10. 1930,
d. 26.5. 2018. Alsystkini hennar
eru Þórir Magnús Lárusson, f.
Finnur Lárusson, f. 1966, k.h.
Merrilyn Lárusson, f. 1968.
Börn þeirra: Hafliði John og
Sólveig Patricia. Fyrir átti Finn-
ur Maríu Sigríði og Ara Hall-
grím, einnig á Finnur ástralsk-
an kött sem heitir Kisi
Lárusson. Hafliði Kristján Lár-
usson, f. 1970, k.h. Catherina
Alaguiry, f. 1976. Börn þeirra
eru Alexis, Lilia og Eva. Systk-
ini Dísu sammæðra: Pétur
Þröstur Baldursson, f. 1969, k.h.
Anna Birna Þorsteinsdóttir, f.
1972, börn þeirra Rakel Sunna,
Róbert Máni og Friðbert Dagur;
Kristín Heiða Baldursdóttir, f.
1970, dætur hennar eru Inga
Rún og Sigrún Heiða.
Útför Þórdísar fer fram frá
Víðidalstungukirkju í dag, 6.
mars 2021, klukkan 13.
Meira á www.mbl.is/andlat/
1954, k.h. Svan-
hildur Hall, f. 1972,
börn þeirra eru
Edda Margrét og
Berglind María.
Fyrir á Magnús
Hörpu og Jósef
Gunnar. Sigríður
Lárusdóttir, f. 20.2.
1958, d. 18.11.
2015, hennar ekkill
er Jóhann Alberts-
son, f. 1958, börn
þeirra Hrund og Albert. Sam-
býliskona Jóhanns er Kolbrún
Grétarsdóttir, f. 1969, Grímur
V. Lárusson, f. 1959, hans börn
Daníel, Þórdís, Vigdís og Emil
Ingi. Bræður Dísu samfeðra:
Dísa frænka mín var ein sú
kona sem hefur markað líf mitt
hvað mest.
Að hafa verið samferða henni
alla mína lífstíð og elskað hana var
dýrmæt gjöf. Hún kenndi mér
umburðarlyndi, samkennd og að
það er alltaf best að hafa réttu
svörin á réttu augnablikunum.
Orðheppnari konu var varla hægt
að finna en hana.
Elsku Dísa mín.
Ég lofa að halda áfram að
prjóna og mun ég prjóna héðan í
frá þér til heiðurs. Þú varst alltaf
að segja mér að fara að prjóna og
ég ætlaði aldrei að byrja á þeirri
vitleysu, en enginn veit sína ævi
fyrr en öll er og fór ég loks að
prjóna og þú varst svo ánægð með
mig. Ég mun líka sakna þess að
spila við þig ólsen-ólsen og drekka
kaffi. Ég man að þú varst alltaf að
reyna að gefa mér kaffi, jafnvel
þegar ég var unglingur og drakk
ekki kaffi. Ég mun líka hér eftir
drekka kaffi og hugsa um þig,
samt ekki svart með köldu vatni
út í eins og þú. Ég er eins og
margir aðrir fjölskyldumeðlimir
okkar, vil bara rjóma út í kaffið
mitt. Ég mun sakna símtalanna
þinna, þó þau væru stundum fyrir
hádegi á sunnudögum.
Elsku besta Dísa frænka mín,
ég veit að mamma mín tók á móti
þér, Sigga systir þín.
Ég sé ykkur systurnar fyrir
mér í grænni og gróinni sveit um-
kringdar dýrum, hlæjandi og
brosandi. Hún að skammast að-
eins í þér og þú í henni, hönd í
hönd að passa upp á hvor aðra í
paradís.
Þín litla frænka,
Hrund.
Í dag er borin til grafar Þórdís
Lárusdóttir. Hún kom á sambýlið
á Hvammstanga árið 1996 en hún
hafði búið fyrir þann tíma á
Gauksmýri. Árið 2002 fékk hún
sína eigin íbúð í Grundartúni eftir
endurbætur á húsnæðinu og var
það til mikilla bóta fyrir líðan
hennar. Henni fannst það ekki
leiðinlegt að geta boðið gestum í
sína eigin íbúð og sýnt þeim hand-
verk sitt. Þórdís var svo sannar-
lega stórbrotinn karakter og gust-
aði af henni eins og allir vita sem
hana þekktu. Hún var ófeimin og
ákveðin – hún hefði vafalaust get-
að stjórnað heilli herdeild ef svo
hefði borið undir.
En Þórdís var líka mikil dama.
Hún vildi vera vel til fara, elskaði
að fá nýjar flíkur – klæða sig upp á
og gera sig fína. Hún var fé-
lagslynd og spjallsöm og leiddist
ekki að gera sér dagamun, fara á
böll og sérstaklega að komast á
þorrablót í félagsheimilinu Víði-
hlíð og gerði hún það meðan heils-
an leyfði. Oft þegar Þórdís fór
eitthvað kvaddi hún með þessum
orðum: „Ég er farin á ball og í bíó
og veit ekkert hvenær ég kem
heim!“
Þórdís var mikil hannyrðakona
og sinnti prjónaskap af miklu
kappi. Þær voru ófáar peysurnar
sem hún prjónaði á ættingjana en
einnig saumaði hún í ótal púða og
myndir. Prjóna átti hún í flestum
skúffum og töskum en henni þótti
allur varinn góður og þá bað hún
okkur reglulega um að fara og
kaupa prjóna nr. 6, þó hún ætti þá
í tugatali.
Þórdís var líka mikil spila-
manneskja og ekki þótti henni það
verra ef hún vann spilið.
Ekki er hægt að minnast Þór-
dísar nema að minnast líka á kaffi.
Hún elskaði kaffið sitt, sem var
það besta sem hún fékk. Það var
alltaf hægt að gleðja hana með
kaffisopa og hún átti allar stærðir
og gerðir af bollum til að drekka
dýrindisdrykkinn úr. Meðan hún
hafði heilsu til þá fékk hún sér oft
göngutúr í sjoppuna og fékk sér
einn eða tvo kaffibolla og kom svo
gjarnan við í bakaleiðinni hjá fólki
sem hún þekkti til að spjalla.
Lífið var ekki alltaf dans á rós-
um hjá Þórdísi þar sem mikil og
erfið veikindi hrjáðu hana oft á
tíðum. Ófáar læknaferðir voru
farnar og margar þeirra ferða eru
ógleymanlegar því Þórdís var
uppátækjasöm og stríðin. Það eru
orðin óteljandi skiptin sem við
héldum að nú væri komið að leið-
arlokum hjá Þórdísi en seiglan í
henni var með ólíkindum og alltaf
reis hún upp að nýju, enda bar-
áttuviljinn mikill.
En skyndilega var komið að
leiðarlokum, í þetta skiptið var
tímaglasið hennar tæmt.
Fyrr var oft í koti kátt,
krakkar léku saman,
þar var löngum hlegið hátt,
hent að mörgu gaman.
Úti’ um stéttar urðu þar
einatt skrítnar sögur,
þegar saman safnast var
sumarkvöldin fögur.
Eins við brugðum okkur þá
oft á milli bæja
til að kankast eitthvað á
eða til að hlæja.
Margt eitt kvöld og margan dag
máttum við í næði
æfa saman eitthvert lag
eða syngja kvæði.
Bænum mínum heima hjá
Hlíðar brekkum undir
er svo margt að minnast á,
margar glaðar stundir.
Því vill hvarfla hugurinn,
heillavinir góðir,
heim í gamla hópinn minn,
heim á fornar slóðir.
(Þorsteinn Erlingsson)
Við minnumst Þórdísar með
miklum hlýhug og söknuði en líka
þakklæti fyrir að hafa fengið að
kynnast henni og fylgja í mörg ár.
Aðstandendum sendum við
okkar innilegustu samúðarkveðj-
ur.
Fyrir hönd starfsfólks Grund-
artúni 10-12,
Jón Ingi Björgvinsson.
Þórdís Lárusdóttir
Ástkær eiginkona mín, elskuð móðir okkar,
tengdamóðir, amma og langamma,
HENNÝ TRYGGVADÓTTIR,
Kjarnagötu 35, Akureyri,
lést í faðmi fjölskyldunnar á Sjúkrahúsinu á
Akureyri þriðjudaginn 23. febrúar.
Marinó Jónsson
Kristín Sigríður Evertsdóttir
Gyða Evertsdóttir Einar Víðir Einarsson
Hólmfríður Indriðadóttir Brynjar Gauti Jóhannsson
Ketill Indriðason Eyrún Ýr Tryggvadóttir
barnabörn og barnabarnabörn
Vesturhlíð 2 | Fossvogi | s. 551 1266 | utfor@utfor.is | utfor.is
VIÐ ÞJÓNUM ALLAN SÓLARHRINGINN
Útfararþjónusta
í yfir 70 ár
Ástkær faðir okkar, tengdafaðir, afi
og langafi,
MAGNÚS FRIÐRIK ÞÓRÐARSON,
Jökulgrunni 4, Reykjavík,
lést á Heilbrigðisstofnun Vesturlands,
Akranesi, mánudaginn 22. febrúar.
Útförin hefur farið fram með hans nánustu.
Sævar Már Magnússon Íris Björk Sigurjónsdóttir
Ester Kristín Magnúsdóttir Guðmundur Böðvarsson
Helga Lind G. Magnúsdóttir Hrólfur Árni Borgarsson
Ríkey Björk G. Magnúsdóttir Ingimundur Pétur Guðnason
afabörn og langafabörn
Elsku móðir okkar, tengdamóðir, amma og
langamma,
ÁSTBJÖRG STEFANÍA
GUNNARSDÓTTIR
íþróttakennari,
Brúnavegi 9, Reykjavík,
lést á Vífilsstöðum miðvikudaginn 3. mars.
Útförin verður auglýst síðar.
Margrét Jóhannsdóttir Hálfdán Helgason
Ingi Gunnar Jóhannsson Kristín G. Hákonardóttir
barnabörn og barnabarnabörn
Elskuleg móðir okkar, tengdamóðir, amma
og langamma,
KRISTÍN BJARNADÓTTIR,
Sléttuvegi 19,
lést 28. febrúar á dvalar- og hjúkrunar-
heimilinu Grund. Útförin fer fram frá
Fossvogskirkju miðvikudaginn 10. mars klukkan 15.
Allir eru velkomnir eins og húsrúm leyfir en gestir eru beðnir að
hafa með sér á blaði nafn, kennitölu og símanúmer. Útförinni er
streymt á slóðinni: https://youtu.be/FkkHVxVRASo
Guðrún Guðmundsdóttir Grétar J. Unnsteinsson
Þorsteinn Guðmundsson Helga Gylfadóttir
Erna Guðmundsdóttir Kristján Viggósson
barnabörn og barnabarnabörn
Ástkær faðir okkar, tengdafaðir, afi og
langafi,
HAFSTEINN ERLENDSSON,
vélvirki og iðnskólakennari,
lést á hjúkrunarheimilinu Hömrum
Mosfellsbæ föstudaginn 26. febrúar.
Hann verður jarðsunginn í Mosfellskirkju mánudaginn 15. mars
kl. 15. Vegna fjöldatakmarkana verður útförinni streymt.
Eyrún Björg Hafsteinsdóttir Neil Roxburgh Clark
Jón Grétar Hafsteinsson Dóróthea Júlía Siglaugsdóttir
Sigrún Hafsteinsdóttir Úlfar Finnbjörnsson
barnabörn og barnabarnabörn
Ástkær móðir mín, tengdamóðir og amma
okkar,
ANNA P. BRYNJÓLFSDÓTTIR,
er látin. Útförin hefur farið fram í kyrrþey að
ósk hinnar látnu
Jón Birgisson Ásthildur Ágústsdóttir
Brynja Jónsdóttir Bryndís Jónsdóttir