Ásgarður : blað starfsmanna ríkis og bæja - 15.08.1971, Blaðsíða 8

ríödd á einum fegursta blettin-
um í landareign Magnúsar Ein-
arssonar. En við erum jafn-
framt stödd á einum fegursta
stað í Islandi, og er þá mikið
sagt.
I nafni Bandalags starfs-
manna ríkis og bæja færi ég
Magnúsi Einarssyni sérstakar
þakkir okkar og býð hann og
dóttur hans Katrínu hjartan-
lega velkomin hingað í dag.
Markmiðið með uppbygg-
ingu þessa staðar er tvíþætt.
Annars vegar að skapa aðstöðu
fyrir starfsmenn ríkis og bæja
til þess að dvelja hér í orlofi,
og hins vegar mun hér verða
miðstöð félagslegrar fræðslu-
starfsemi á vegum samtakanna.
A síðari tímum hefur fengizt
almenn viðurkenning á því, að
mönnum sé nauðsyn að taka
sér frí frá störfum nokkrar vik-
ur árlega, hvíla sig þannig frá
daglegum störfum, endumýja
starfskrafta og varðveita heilsu
sína.
En hitt hefur fram að þessu,
verið vandamál fyrir flesta, og
mun verða enn um sinn,
hvernig árlegu orlofi þeirra
verði varið, til þess að út úr
því fáist sú hvíld og sú hress-
ing, sem til er ætlast.
Ferðalög innan lands og utan
eru mjög kostnaðarsöm og
sama máli gegnir um dvöl á
sumarhótelum.
Vegna þessa og af ýmsum
öðrum ástæðum, er oft erfitt
fyrir fólk að verja orlofinu
þannig, að það nýtist á réttan
hátt. Ekki á þetta sízt við um
bamafj ölskyldur.
Hér þarf því fleira að koma
til en að tryggja mönnum ár-
legt frí.
Það verður einnig að tryggja
fólki aðstöðu til að nota fríið
á skynsamlegan hátt.
í þessum efnum er þörf fyrir
stórátak af hálfu þjóðfélagsins
í heild og félagssamtaka.
Uppbygging þessa staðar hér
að Munaðarnesi er eitt skref í
þessa átt.
Eitt af því, sem íslenzk laun-
þegasamtök hafa vanrækt um
of, er fræðslustarf — félagslegt
fræðslustarf. I þessum efnum
erum við á eftir nágrannaþjóð-
um okkar.
A Norðurlöndum hefur þessi
þáttur í starfsemi launþega-
samtakanna verið stórlega auk-
inn á seinni árum, og fyrir ís-
lenzk launþegasamtök er óhjá-
kvæmilegt að gera hið sama.
Með breyttum þjóðfélags-
háttum gerist það ekki sjálf-
krafa, eins og áður var, að fólk
taki nægilega mikinn þátt í
starfi launþegasamtakanna.
En án almennrar þátttöku
félagsmanna í félagsstarfinu
verða samtökin og störf þeirra
svipur hjá sjón, miðað við
kraftmikil félög, þar sem allur
fjöldinn tekur virkan þátt í
starfinu.
í þjóðfélagi nútímans eru
mörg viðfangsefni fyrir ein-
staklinginn, og færri en áður
leita sér viðfangsefna í frí-
stundum með þátttöku 1 félags-
málum.
En félögunum er jafnmikil
þörf og áður á samstarfi allra
félagsmanna að lausn þeirra
vandamála, sem samtökin
glíma við.
Þess vegna verða félögin að
laða menn til þátttöku með
öðrum hætti en áður, og
reynslan sýnir, að fræðsluráð-
stefnur, þar sem flutt eru er-
indi og fram fara almennar um-
ræður um málefni samtakanna,
eflir athugun í starfshópum,
gefa mjög góða raun, og með
þeim vísi að slíku starfi, sem
BSRB hefur haldið uppi síð-
ustu fjögur árin, hafa margir
nýir kraftar komið til starfa í
samtökunum, og annar árang-
ur náðst, sem er ómetanlegur.
Það skref, sem BSRB hefur
stigið með byggingu þessa or-
lofsheimilahverfis, er þýðing-
armikið fyrir allt starf í sam-
tökum okkar, og ég vil því enn
einu sinni þakka öllum þeim,
sem á einn eða annan hátt hafa
hjálpað samtökum okkar til
þess að gera þann draum að
veruleika, sem við fögnum í
dag.
Skrifstofutími breytist
hjó Reykjavíkurborg
Á fundi borgarráðs 24. ágúst var staðfest samkomu-
Iag milli borgarinnar og Starfsmannafélags Reykja-
víkurborgar um vinnutíma á skrifstofum.
Frá 1. september verður vinnutíma hagað þannig allt
árið, að vinna hefst mánudag til föstudags kl. 8,20 og
Iýkur kl. 16,15. Kaffitímar falla niður.
Samningsaðilar áskilja sér rétt til endurskoðunar á
vinnutíma þessum að fenginni reynslu.
8
ÁSGARÐUR