Verktækni - 2015, Blaðsíða 6

sími 525 4444 endurmenntun.is
Samningatækni
… og margt margt fleira
Jákvæð sálfræði
Stjórnun
Tungumál
Bókmenntir
Leiðtogahæfni
Garðrækt
Rekstur
Gæðastjórnun
Mannauðsstjórnun TímastjórnunVefsíðugerð
Listir
Menning
Sjálfstraust Rekstur
Fundarstjórnun
Samskipti
Áfallahjálp
Verkefnastjórnun
Ljósmyndun
Vinnugleði
Markaðssetning
Hugþjálfun
Innri úttektir
Áhættustjórnun STYRKTU STÖÐU ÞÍNA
MEÐ ENDURMENNTUN
Aðalfundur TFÍ – ársskýrsla 2014-2015
Aðalfundur Tæknifræðingafélags Íslands
2015 var haldinn 26. mars. Hér verður
stiklað á stóru í ársskýrslu félagsins fyrir
starfsárið 2014-2015. Ársskýrslan með
ársreikningum er birt í heild á vefsíðu TFÍ:
www.tfi.is.
Ársreikningur - félagsgjöld
Samkvæmt rekstrarreikningi nam rekstrar-
hagnaður ársins rúmum 870 þúsund krón-
um, en rekstrartekjur námu rúmum 21,4
milljónum króna. Heildareignir í lok ársins
samkvæmt efnahagsreikningi námu tæpum
33 milljónum en heildarskuldir tæpum 23,7
milljónum króna á sama tíma. Eigið fé var
því jákvætt um tæpar 9,3 milljónir. Á aðal-
fundinum var samþykkt að félagsgjöld fyrir
árið 2015 verði 36 þúsund krónur, þar af
renna 10.200 krónur til viðkomandi deildar,
KTFÍ eða STFÍ.
Skýrsla stjórnar
Í ársskýrslunni er ávarp Önundar
Jónassonar, formanns TFÍ. Þar segir hann
meðal annars: „Stefnumótunarvinnu
innan félagsins var haldið áfram á liðnu
ári. Unnið var með þá málaflokka sem
valdir voru í upphafi stefnumótunar 2013.
Fjórir vinnuhópar skiptu á milli sín megin
málefnum til umfjöllunar og greiningar.
Þeir málaflokkar eru: kjaramál, kynningar-
mál, menntunarmál og sameiningarmál
eða breytingar á skipulagi TFÍ. Gerð var
viðhorfskönnun meðal félagsmanna og
þeim gert kleift að taka þátt í mótun félags-
ins og hafa áhrif á það hvert það stefnir.
Út starfi vinnuhópanna og niðurstöðum
könnunarinnar voru settar fram greinar-
gerðir. Voru niðurstöður vinnuhópanna
sendar stjórn félagsins til umfjöllunar og
áframhaldandi vinnslu. Stjórn félagsins
hefur fjallað um málefnin og sent þau til
áframhaldandi vinnslu innan þeirra deilda
félagsins sem við á.“ Önundur sagði kynn-
ingarmál vera einn mikilvægasta hlekk
félagsins og að sá málaflokkur verði tekinn
til ítarlegrar skoðunar og hafður í öndvegi á
komandi starfsári.
Önundur minnti á mikilvægi virks
styrkjakerfis til nýsköpunar og þróunar og
nefndi sérstaklega áhugaverð nýsköpunar-
verkefni nýútskrifaðra tæknifræðinga.
„Að lokum er ekki úr vegi að nefna að
velgengni og þrautseigja tæknifræðinga
sem unnið hafa gott starf og náð árangri
í nýsköpun og þróun lausna, sýnir glöggt
hversu gott starf unnið er í skólum landsins
og hversu mikilvæg tæknifræðin er í upp-
byggingu atvinnulífs landsins.
Eitt af megin markmiðum Tæknifræðinga-
félag Íslands er að stuðla að aukinni
tæknivæðingu á Íslandi og efla skilning á
starfi tæknifræðinga. Því er ekki úr vegi
að minna félagsmenn á að án þeirra væri
ekkert félag. Hvet ég tæknifræðinga til að
vera stolta af störfum sínum og kynna þau
í hvert sinn sem tækifæri gefst fyrir ungum
sem öldnum.”
Menntunarnefnd
Á starfsárinu voru haldnir níu fundir í
Menntunarnefnd TFÍ. Á öllum fundum
nefndarinnar er fjallað um umsóknir um
inngöngu í TFÍ, leyfi til að nota starfsheitið
tæknifræðingur og endurinnkomu í félagið.
Á starfsárinu var töluverð vinna lögð í að
fara yfir kröfur vegna starfsheitisins, meðal
annars samsetningu námsins og fjölda ein-
inga. Fundað var með fulltrúum ráðuneyt-
isins í tengslum við þessa vinnu nefndar-
innar.
Samtals afgreiddi Menntunarnefndin 82
umsóknir á árinu. Félagsmenn í TFÍ eru um
1250 þar af eru ungfélagar um 80 talsins.
Stjórn TFÍ
Í stjórn Tæknifræðingafélags Íslands starfs-
árið 2015-2016 sitja eftirtaldir: Önundur
Jónasson, formaður, Helgi Páll Einarsson,
varaformaður, Jens Arnljótsson, Sigurður
Rúnar Guðmundsson, Sigurður Örn
Hreindal, Þorleifur Magnús Magnússon,
varameðstjórnandi, Þór Sigurþórsson, full-
trúi KTFÍ, Arnlaugur Guðmundsson, vara-
maður KTFÍ, Magnús Þór Karlsson, fulltrúi
STFÍ og Ingvar Blængsson, varamaður
STFÍ.
Stjórn TFÍ fundar að jafnaði á tveggja
vikna fresti. Upplýsingar um stjórnir og
nefndir á vegum TFÍ eru á vef félagsins:
tfi.is
6 / VERKTÆKNIAF stjórnarborði TFÍ
Önundur Jónasson formaður TFÍ.
Fyrstu útskriftarnemar Tækniskóla
Íslands
Árið 1965 útskrifuðust fyrstu nemarnir með
fyrrihlutapróf í tæknifræði frá Tækniskóla
Íslands. Þeir voru fjórtán talsins: Átta luku
prófi í vél-, rekstrar og skipatæknifræði,
þrír í byggingartæknifræði og þrír í raf-
magnstæknifræði. Af þeim eru sjö látnir,
tveir búa erlendis og fimm á Íslandi.
Tækniskóli Íslands hafði samið við
Odense Teknikum um að nemendur gætu
haldið áfram námi þar.
Starfsheitið tæknifræðingur var lög-
verndað 1963. Fyrstu leyfisbréf tækni-
fræðinga voru gefin út 1965 en þá fengu
fjörutíu manns starfsheitisleyfi. Ári síðar
bættust 92 í hópinn þannig að um miðjan
sjöunda áratuginn voru 130 manns í hinni
nýju starfsstétt tæknifræðinga.
Fyrstu útskriftarnemar Tækniskóla Íslands
Glæsilegir fulltrúar 50 ára, og jafnframt fyrsta útskriftarárgangsins, voru gestir á Tæknidegi Tækni-
og verkfræðideildar HR.