Verktækni - 2015, Qupperneq 12

12 / VERKTÆKNI
Frumkvöðlafyrirtækið Mekano var valið
besti nýliðinn í íslensku Nordic Startup
Awards. Stofnandi fyrirtækisins er Sigurður
Örn Hreindal, tæknifræðingur og stjórnar-
maður í TFÍ. Mekano stefnir að framleiðslu
nýrra kynslóða fjöltengja. Um er að ræða
samsett einingafjöltengi fyrir allar gerðir
raftækja og er mun minna í sniðum en þau
fjöltengi sem þekkjast í dag. Markmiðið er
að fækka snúrum, nýta pláss betur, ásamt
því að hanna fjöltengi í nýstárlegu og stíl-
hreinu útliti.
Viðskiptahugmyndin að Mekano hafnaði
fyrr á árinu í öðru sæti í frumkvöðlakeppn-
inni Gullegginu. Eftir keppnina stofnaði
Sigurður fyrirtækið Mekano sem er stað-
sett í frumkvöðlasetrinu Eldey á Ásbrú.
Sigurður Örn útskrifaðist úr tæknifræði-
námi Háskóla Íslands og Keilis sumarið
2014 sem mekatróník hátæknifræðingur.
Við útskriftina hlaut hann viðurkenningu
frá TFÍ fyrir lokaverkefni sitt sem gekk út á
hönnun á sjálfvirkri nálavindivél fyrir neta-
gerðarfyrirtæki.
Norrænu úrslitin
Þau íslensku fyrirtæki og einstaklingar
sem báru sigur úr bítum í hverjum flokki
fyrir sig hér heima kepptu áfram í Grand
Final - Nordic Startup Awards í Helsinki
26. maí. Veitt voru ellefu verðlaun og báru
Íslendingar sigur úr býtum í einum þeirra. -
Startup Reykjavik var valið besti viðskipta-
hraðallinn (Best Accelerator Program).
Ályktað um skólakönnun
Stjórn Verkfræðingafélags
Íslands sendi nýverið frá
sér ályktun þar sem vakin
er athygli á niðurstöðum
stórrar könnunar á vegum
OECD um kunnáttu 15
ára nemenda í stærðfræði
og raungreinum. Efsta
Evrópuþjóðin eru Finnar í 6.
sæti og Eistland er í 7. sæti.
Næstu Norðurlandaþjóðir þar
á eftir eru Danmörk í 22. sæti
og Noregur í 25. sæti. Ísland
er í 33. sæti.
Stjórn VFÍ telur niðurstöðuna óviðun-
andi fyrir Ísland og mikilvægt að yfirvöld
menntamála bregðist við. Í könnuninni er
dregið fram samband hagvaxtar og gæða
menntunar.
Stjórn VFÍ hefur áður lýst áhyggjum
félagsins af stöðu stærðfræði og raungreina
í skólakerfinu. Niðurstöður könnunarinnar
hljóta að vera mikilvægt innlegg í umræðu
um styttingu framhaldsskólans. Hægt er að nálgast niðurstöður
könnunarinnar á OECD iLibrary.
Könnunin heitir: Universal Basic Skills.
What Countries Stand to Gain.
Frá First Lego League keppninni 2013. VFÍ og TFÍ eru styrktaraðilar keppninnar.
Sigurður Örn Hreindal hélt erindi fyrir aðalfund TFÍ og kynnti nýja gerð fjöltengja sem fyrirtækið
Mekano hyggst framleiða.
Mekanó er besti nýliðinn