Verktækni - 2015, Qupperneq 54

54 VERKTÆKNI 2015/20
TÆKNI- OG vísINdaGreINar
Flugleiða taldi hins vegar ekki unnt að taka afstöðu í þessu máli strax
á árinu 1989 og hlaut tillagan því fyrst formlega afgreiðslu á stjórnar­
fundi 7. júní 1990. Þá var miðað við að nýju flugvélarnar yrðu teknar
á tíu ára kaupleigu, með sérstakri heimild til að geta skilað einni þeirra
eftir fimm ár.
Fyrstu tvær Boeing 757­208 þoturnar, TF­FIH, Hafdís, og TF­FII,
Fanndís,voru afhentar í Seattle 4. apríl og 3. maí 1990, og komu að
morgni næsta dags til Keflavíkurflugvallar. Báðar þoturnar voru skráð­
ar hjá Flugmálastjórn Íslands sem eign Flugleiða. Í seinni afhendingunni
var Vigdís Finnbogadóttir forseti Íslands sérstakur heiðursgestur
Flugleiða og tóku allar athafnir Boeing þá mið af því. Í kynningu fyrir
hana og aðra gesti félagsins var meðal annars skýrt frá hugmyndum
Boeing um lengda gerð af 757, sem myndi bjóða upp á enn lægri
sætiskostnað. Því miður varð veruleg töf á því að þróa þá gerð, því
lengda 757­300 þotan flaug fyrst rúmum átta árum síðar.
Þriðja Boeing 757­208 þotan, TF­FIJ, var afhent 26. maí 1991 og
skráð sem eign Flugleiða. Hún var hins vegar í upphafi leigð í tvö ár
til breska flugfélagsins Britannia, en kom inn í rekstur Flugleiða í sum­
arbyrjun 1993, og hlaut þá nafnið Svandís.
Formlegir samningar um kaupleigu fjögurra nýrra Fokker 50 skrúfu­
þotna voru undirritaðir hjá Fokker í Amsterdam 30. júlí 1990. Var
miðað við að allar fjórar flugvélarnar yrðu afhentar fyrir sumarbyrjun
1992.
Fyrsta Fokker 50 skrúfuþotan, TF­FIR, Ásdís, var afhent 15. febrúar
1992 og flogið beint frá Amsterdam til Akureyrar. Heiðursgestur í því
flugi var Halldór Blöndal samgönguráðherra. Sú næsta, TF­FIS, Sigdís,
var afhent 25. febrúar og flaug til Egilsstaða. Hin þriðja, TF­FIT, Freydís,
var afhent 24. apríl og var flogið til Ísafjarðar. Sú fjórða, TF­FIU, Valdís,
var afhent 9. maí og flaug til Vestmannaeyja. Í því flugi voru meðal
annarra forstjóri Fokker og Markús Örn Antonsson borgarstjóri.
Þegar allar fjórar nýju Fokker 50 skrúfuþotunnar voru komnar til
landsins 9. maí 1992 var lokið heildarendurnýjun alls flugflota
Flugleiða á aðeins þremur árum. Meðalaldur nýja flugflotans var þá
aðeins 1,3 ár, sá lægsti sem vitað var um. Í september 1988 hafði
meðalaldur gamla flugflotans verið 19,9 ár. Stundvísi stórbatnaði í
flugrekstri félagsins og rekstraröryggi hinna nýju flugvéla, sjö Boeing
þotna og fjögurra Fokker skrúfuþotna, reyndist vera til mikillar fyrir­
myndar. Þá var hér um að ræða flugvélar sem hannaðar voru í sam­
ræmi við nýjustu framfarir í greininni og fullnægðu öllum ströngustu
alþjóðlegu umhverfiskröfum um leyfileg hávaðamörk og útblástur
skaðlegra efna frá hreyflum.
Eldsneytiskostnaður í þoturekstri félagsins lækkaði að meðaltali um
35%, viðhaldskostnaður um 30%, flugáhafnakostnaður um 25%
Fyrsta Fokker 50 skrúfuþota Flugleiða, TF-FIR, í fylgd F-16 orrustuþotu
hollenska flughersins, rétt fyrir afhendingu hennar í febrúar 1992.
1990