Morgunblaðið - 19.05.2021, Blaðsíða 31

HÖTTUR
Kristján Jónsson
kris@mbl.is
Einar Árni Jóhannsson, fráfarandi
þjálfari karlaliðs Njarðvíkur í körfu-
knattleik, skrifaði í gær undir
þriggja ára samning við Hött frá Eg-
ilsstöðum. Mun hann ásamt Viðari
Erni Hafsteinssyni stýra liðinu sem
féll naumlega úr Dominos-deild
karla á dögunum.
„Í fyrsta lagi var samningurinn að
renna út og ég hafði tekið þá ákvörð-
un fyrir löngu að ég vildi breyta um
umhverfi sem þjálfari. Þá var spurn-
ing hvort ég vildi keyra [Reykjanes]
brautina á æfingar á höfuðborgar-
svæðinu eða flytja út á land. Ég hef
áður átt þess kost á ferlinum að fara
út á land en fjölskylduaðstæður
gerðu það flóknara. Ég á drengi sem
nú eru 24 ára, 20 og 16. Á þeim tíma
snerist málið um þeirra nám og
fleira. Ég og Viðar Örn erum miklir
vinir og síðustu árin höfum verið í
miklu sambandi. Komið hefur til tals
hjá okkur að þjálfa saman en þá vor-
um við frekar að velta fyrir okkur að
þjálfa saman unglingalandslið. Þeg-
ar þau fyrir austan höfðu samband
þá fann ég sterkt að þetta vildi ég
skoða.
Þegar mótið stöðvaðist síðast út af
Covid þá könnuðu þau stöðuna hjá
mér. Ég gerði þeim grein fyrir því að
samningurinn væri á enda eftir tíma-
bilið og þá yrði ég tilbúinn til að ræða
málin. En ég væri á leiðinni í þriggja
vikna törn með Njarðvík þar sem við
værum að berjast fyrir lífi okkar í
deildinni og ég yrði að fá að einbeita
mér að því. Ég sagði þeim að heyra í
mér eftir 10. maí og svo unnust hlut-
irnir mjög hratt í síðustu viku,“ segir
Einar Árni en Morgunblaðið settist
niður með honum á blaðamanna-
fundi í Húsgagnahöllinni í gær.
Þjálfarar í íþróttum skipta nokkuð
reglulega um félög eins og þekkt er.
Einar segir erfiðara fyrir sig að
kveðja fólkið í Njarðvíkurskóla en
þar hefur hann starfað við kennslu í
tvo áratugi.
Nú eða aldrei
„Við eigum okkar heimili til fimm-
tán ára alveg við skólann og ég er bú-
inn að kenna þar í tuttugu ár. Ég og
konan mín erum bæði kennarar. Ég
á stóra fjölskyldu og vini í Njarðvík
en leyfi mér að segja að það var hvað
erfiðast að fara úr Njarðvíkurskóla
sem er frábær vinnustaður. Þar hafa
yfirmenn og samstarfsfólk reynst
mér vel í leik og starfi. Mér finnst
erfitt að kveðja þau en mér finnst
verkefnið á Egilsstöðum mjög
spennandi. Litlu börnin mín eru að
byrja í grunnskóla og leikskóla.
Kannski er það nú eða aldrei að fara
út á land,“ útskýrir Einar sem þjálf-
aði Þór í Þorlákshöfn í þrjú ár, 2015-
2018, en keyrði þá Suðurstrandar-
veginn á æfingar. Hann segir til
greina hafa komið að flytja til Þor-
lákshafnar en ekki hafi orðið af því.
„Höttur minnir mig að mörgu leyti
á Þór í Þorlákshöfn. Þetta eru lítil
samfélög þar sem er samhugur og
samheldni. Mér finnst Höttur vera
félag sem hefur tekið framförum á
síðustu árum. Ég finn fyrir metnaði
fyrir því að efla yngriflokkastarfið
enn frekar og festa meistaraflokkinn
í sessi í efstu deild.“
Hefur áður þjálfað með öðrum
Spurður út í það fyrirkomulag að
vera með tvo þjálfara sem stýra sam-
an meistaraflokksliði segist Einar
ekki vera óvanur því að þjálfa með
sterkum persónum.
„Ég hef prófað þetta vegna þess
að ég og Friðrik Ragnarsson þjálf-
uðum Njarðvíkurliðið saman í eitt og
hálft tímabil. Við tókum við af Sigga
Ingimundar tímabilið 2010-2011.
Mér fannst samstarf okkar Friðriks
ganga vel og fann ekki fyrir óþæg-
indum hjá leikmönnum yfir því að
þjálfararnir væru tveir. Magnús
[stjórnarmaður hjá Hetti] minntist á
Lars og Heimi hérna á blaðamanna-
fundinum og líklega er það frægasta
dæmið um tveggja manna þjálfara-
teymi hérlendis. Ég hef ekki þjálfað
körfuboltalið einn undanfarin ár og
það gleymist stundum. Einn sá
reyndasti, Friðrik Ingi Rúnarsson,
hefur verið með mér í vetur í Njarð-
víkunum. Baldur Þór Ragnarsson
var með mér í Þorlákshöfn í þrjú ár
og uppleggið var að einhvern tíma
yrði hann tilbúinn að taka við, sem
varð raunin.
Ég og Viðar erum báðir spenntir
fyrir þessu í þessari mynd en það
þarf ekki að koma á óvart að frum-
kvæðið er hans. Ég þykist vita að
Viðar hafi nefnt þennan möguleika
við stjórnina. Hann hefur þjálfað lið-
ið í tíu ár og farið nokkrum sinnum
með liðið upp í efstu deild og niður
aftur. Hann er opinn fyrir nýjum
nálgunum og því að fá nýja rödd inn í
starfið. Viðar hefur unnið hörkugóða
vinnu og var með frábært lið í vetur.
Kannski er hollt fyrir leikmennina
sem hafa verið lengst í liðinu að fá
aukarödd. Svo þurfa skipulags-
atriðin að vera skýr þegar við förum
út á parket.“
Hefði ekki viljað vera á vakt
þegar Njarðvík færi niður
Þegar langt var liðið á nýafstaðna
deildakeppni stóð körfuboltabærinn
Njarðvík frammi fyrir því að karlalið
þeirra gæti fallið niður um deild í
fyrsta skipti í nær hálfa öld. Að af-
stýra því hlýtur að hafa fylgt mikill
léttir úr því sem komið var?
„Að sjálfsögðu. Ég er fæddur og
uppalinn í Njarðvík. Hef þjálfað í 28
ár og flest þeirra hjá Njarðvík. Hjá
þessu félagi var ég búinn til sem
þjálfari. Fékk tækifæri til að stýra
meistaraflokki kvenna 24 ára og
meistaraflokki karla 27 ára. Það
hefði verið mjög erfitt að standa
frammi fyrir því að vera sá sem stóð
vaktina þegar liðið færi niður. Ég
var einnig ánægður fyrir hönd strák-
anna að við tryggðum okkur áfram-
haldandi sæti í deildinni með því að
vinna þrjá síðustu leikina og fjóra af
síðustu sex. Við þurftum ekki að
treysta á að aðrir myndu vinna leiki
fyrir okkur. Ég get sagt blákalt að
ég stórefa að ég hefði getað farið á
Egilsstaði ef Njarðvík hefði farið
niður og Höttur verið í efstu deild.
Ég hefði ekki haft í mér að taka
þannig skref en ég hafði alltaf trú á
að við gætum orðið sterkir á loka-
kaflanum,“ segir Einar Árni.
Félag í mikilli framför
- Einar Árni Jóhannsson söðlar um og fer austur - Vinirnir Einar og Viðar
Örn stýra karlaliði Hattar saman - Heppileg tímasetning til að flytja út á land
Morgunblaðið/Kris
Höttur Viðar Örn og Einar Árni glaðbeittir eftir undirskrift í gær.
ÍÞRÓTTIR 31
MORGUNBLAÐIÐ MIÐVIKUDAGUR 19. MAÍ 2021
_ Bjarki Már Elísson var einu sinni
sem oftar markahæstur hjá Lemgo í
gærkvöld þegar lið hans gerði jafntefli,
26:26, við Göppingen í þýsku 1. deild-
inni í handknattleik. Bjarki, sem varð
markakóngur deildarinnar í fyrra, er
nú sjöundi markahæstur með 165
mörk í 26 leikjum en hann hefur leikið
nokkrum leikjum minna en þeir sem
eru í efstu sætum markalistans.
_ Heimir Hallgrímsson, fyrrverandi
landsliðsþjálfari karla í knattspyrnu,
gæti orðið næsti þjálfari svissneska
úrvalsdeildarliðsins Servette. Þetta
kom fram í frétt 433.is í gær. Heimir
hætti störfum hjá Al-Arabi í Katar í
fyrradag.
_ Íslenska kvennalandsliðið í knatt-
spyrnu mætir Írlandi í tveimur vin-
áttulandsleikjum, dagana 11. og 15.
júní. Báðir leikirnir fara fram á Laug-
ardalsvelli en leikirnir eru hluti af loka-
undirbúningi íslenska liðsins fyrir und-
ankeppni HM 2023 sem hefst í
september.
_ Knattspyrnukonan Kristina Erman
er gengin til liðs við ÍBV. Hún er 27 ára
gömul og getur leikið sem bæði bak-
vörður og kantmaður en hún á að baki
25 landsleiki fyrir Slóveníu þar sem
hún hefur skorað eitt mark. Erman lék
síðast með Pomigliano í ítölsku B-
deildinni en hún hefur einnig leikið
með Arnar-Björnar í Noregi, Twente og
PSV í Hollandi og Torres á Ítalíu.
_ KA mun leika í það minnsta einn
heimaleik til viðbótar á Dalvík í Pepsi
Max-deild karla í fótbolta. Toppslagur
KA og Víkings verður leikinn þar á
föstudaginn þar sem Greifavöllurinn á
Akureyri er ekki tilbúinn til notkunar.
_ Roy Hodgson, knattspyrnustjóri
Crystal Palace, mun láta af störfum
hjá félaginu eftir tímabilið. Hodgson
sem er 73 ára
gamall hefur
stýrt liði Crys-
tal Palace frá
árinu 2017.
Frank Lampard,
fyrrverandi
stjóri Chelsea
og Derby, þyk-
ir líklegastur
til þess að
taka við
starfinu af
honum.
Eitt
ogannað
Ágúst Eðvald Hlynsson sóknartengiliður FH-inga er leikmaður 4. umferð-
ar Pepsi Max-deildar karla hjá Morgunblaðinu. Ágúst, sem er í láni hjá FH
frá Horsens í Danmörku en lék með Víkingi í fyrra, skoraði tvö fyrri mörk-
in og lagði upp það þriðja fyrir Steven Lennon þegar FH lagði HK að velli í
Kórnum í fyrrakvöld. Ágúst hefur þar með skorað fjögur mörk í fyrstu
fjórum umferðum deildarinnar.
Hann fékk tvö M fyrir frammistöðu sína, eins og þeir Haraldur Björns-
son úr Stjörnunnni, Þorri Mar Þórisson úr KA, Brynjar Hlöðversson úr
Leikni Reykjavík og Haukur Páll Sigurðsson úr Val. Þeir eru allir í liði um-
ferðarinnar ásamt sex öðrum leikmönnum. vs@mbl.is
4. umferð
í Pepsi Max-deild karla 2021
Hversu oft leikmaður
hefur verið valinn í lið
umferðarinnar
25-3-2
Sebastian
Hedlund
Valur
Kári Árnason
Víkingur R.Þorri Már
Þórisson
KA
Haraldur Björnsson
Stjarnan
Guðmundur
Kristjánsson
FH
Brynjar
Hlöðversson
Leiknir R.
Hallgrímur Mar Steingrímsson
KA
Pablo Punyed
Víkingur R.
Haukur Páll Sigurðsson
Valur
Ágúst Eðvald
Hlynsson
FH
Sævar Atli Magnússon
Leiknir R.
2
2
2
Ágúst bestur í 4. umferðinni
KNATTSPYRNA
Úrvalsdeild kvenna, Pepsi Max-deildin:
Kópavogsv.: Breiðablik – Tindastóll........ 18
Boginn: Þór/KA – Stjarnan ...................... 18
Hásteinsvöllur: ÍBV – Valur..................... 18
Eimskipsvöllur: Þróttur R. – Selfoss ...... 20
Würth-völlur: Fylkir – Keflavík............... 20
KÖRFUKNATTLEIKUR
8-liða úrslit karla, annar leikur:
Höllin Ak.: Þór Ak. – Þór Þ (0:1) ......... 19.15
DHL-höllin: KR – Valur (1:0) ............. 20.15
Umspil kvenna, undanúrslit, fyrsti leikur:
Njarðtaksgryfja: Njarðvík – Ármann 19.15
TM-hellirinn: ÍR – Grindavík.............. 19.15
HANDKNATTLEIKUR
Umspil karla, undanúrslit, fyrsti leikur:
Dalhús: Fjölnir – Kría.......................... 19.30
Víkin: Víkingur – Hörður..................... 19.30
BLAK
Undanúrslit karla, seinni leikur:
Hveragerði: Hamar – Vestri (1:0)............ 19
Fagrilundur: HK – KA (0:1)..................... 19
Í KVÖLD!
Nýkrýndir bikarmeistarar Leicest-
er eru komnir í þá stöðu að geta
misst af Meistaradeildarsæti á síð-
ustu stundu annað árið í röð eftir
tap gegn Chelsea, 2:1, í ensku úr-
valsdeildinni í knattspyrnu á Stam-
ford Bridge í gærkvöld.
Chelsea hefndi þar með fyrir
ósigurinn í bikarúrslitaleik liðanna
og styrkti um leið sína stöðu með
því að fara stigi upp fyrir Leicester
og í þriðja sætið. Nú fær Liverpool
líka tækifæri til að komast upp fyr-
ir Leicester og í fjórða sætið með
því að vinna Burnley í kvöld. Þá
yrði gríðarleg spenna í lokaumferð-
inni á sunnudaginn þar sem liðin
þrjú myndu slást um tvö síðustu
Meistaradeildarsætin.
Antonio Rüdiger og Jorginho
komu Chelsea í 2:0 í gærkvöld en
Kelechi Iheanacho minnkaði mun-
inn fyrir Leicester.
_ Dan Burn tryggði Brighton
3:2-sigur á Englandsmeisturum
Manchester City sem komust í 2:0
en misstu Joao Cancelo af velli með
rautt spjald á 10. mínútu.
_ Edinson Cavani skoraði magn-
að mark af 40 m færi fyrir Man-
chester United sem gerði 1:1 jafn-
tefli við Fulham á Old Trafford.
AFP
Mark Jorginho, til hægri, fagnar eftir að hafa komið Chelsea í 2:0 í gær.
Chelsea náði að hefna