Morgunblaðið - 22.06.2021, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 22. JÚNÍ 2021
Baldur S. Blöndal
baldurb@mbl.is
Þríburarnir Þór, Jón Friðrik og
Kristján Guðjónssynir eru 23 ára
iðnaðarverkfræðingar búsettir á
Seltjarnarnesi. Þeir gengu saman í
Mýrarhúsa- og Valhúsaskóla, að
því loknu fóru þeir saman í Verzl-
unarskóla Íslands og um síðustu
helgi brautskráðust þeir allir með
BS-gráðu í iðnaðarverkfræði frá
Háskóla Íslands.
Kristján, einn bræðranna, segir
að þeir hafi hjálpað hver öðrum
með námið. „Já, þetta var hálfgerð
samvinna stundum. En það er
bara eins og að vinna með öðrum
samnemendum í verkfræðinni. Við
skiptumst á glósum og hjálp-
uðumst að með heimaverkefni. Það
er þægilegra þegar þrír bekkjar-
bræður eru undir sama þaki.“
Kristján segir það hvetjandi að
geta gert einkunnasamanburð við
bræður sína. „Já, það var alltaf
einhver samanburður þarna á
milli, svolítil keppni.“
Námshestar
Sigurlaug Vilhelmsdóttir, móðir
þríburanna, segir þá alltaf hafa
verið mjög samheldna en erft
raunvísindaáhugann frá föður sín-
um, sem er verkfræðingur. Þeir
hafi alltaf verið miklir námshestar
og haft gaman af því að læra.
Kristján tekur undir með móður
sinni og segir þá bræður alltaf
hafa haft mikinn áhuga á raunvís-
indum. Þeir hafi þó ekki ákveðið
námsleiðina sameiginlega.
„Við erum mjög samrýndir og
höfum alltaf verið saman bæði í
skóla og íþróttum. Það að fara í
sama nám í háskóla var þó ekki
sameiginleg ákvörðun heldur völd-
um við námsleiðina hver í sínu
lagi.“ Hann viðurkennir þó að það
hafi ekki komið sér á óvart að þeir
hafi endað í sama námi.
„Við vildum allir fara í verk-
fræði en enginn okkar var neitt
harðákveðinn um einhverja
ákveðna braut og iðnaðarverk-
fræðin er líklega opnust þegar
kemur að fjölbreytileika fram-
haldsnáms. Þannig að það varð
stefnan hjá okkur öllum.“
Bræðurnir stunda allir vinnu.
Kristján vinnur hjá Arion banka,
Jón hjá tryggingafélaginu Verði og
Þór hjá hugbúnaðarfyrirtækinu
AGR Dynamics. Þeir ætla allir að
taka sér að minnsta kosti eins árs
frí frá námi, bæði þess til að safna
peningum og til að fá smá frí frá
skólalífsstílnum. Þeir hafi fengið
ákveðinn skólaleiða í lok ann-
arinnar.
„Maður þarf smátíma til að
ákveða hvert á að fara í fram-
haldsnám og hvað mann langar að
starfa við í framtíðinni,“ segir
Kristján.
Þríburar braut-
skráðust á sama degi
- Völdu allir þrír iðnaðarverkfræði en þó hver í sínu lagi
Búnir Þór, Jón Friðrik og Kristján Guðmundssynir með prófskírteinin sín.
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Guðni Einarsson
gudni@mbl.is
Prestar í Prestafélagi Íslands sam-
þykktu kjarasamning við kjaranefnd
Þjóðkirkjunnar með um 2⁄3 hlutum
atkvæða þann 12. júní. Meðaltals-
launahækkun er
um 3,25%. Auka-
kirkjuþing sam-
þykkti kjara-
samninginn fyrir
hönd Þjóðkirkj-
unnar-Biskups-
stofu í gær.
„Þetta er fyrsti
kjarasamningur-
inn sem presta-
stéttin gerir við
Þjóðkirkjuna-
Biskupsstofu. Við vorum áður undir
kjararáði en svo var það afnumið,“
sagði séra Ninna Sif Svavarsdóttir,
formaður Prestafélags Íslands. Hún
sagði að Þjóðkirkjan og ríkið hefðu
gert viðbótarsamkomulag um fjár-
hagsleg samskipti ríkis og kirkju. Í
því fólst m.a. að prestar yrðu ekki
lengur embættismenn ríkisins held-
ur starfsmenn Þjóðkirkjunnar-Bisk-
upsstofu.
„Við erum ekki lengur skipaðir
embættismenn til fimm ára heldur
starfsmenn með uppsagnarfrest eins
og almennt gerist,“ sagði Ninna Sif.
„Prestar voru almennt hlynntir
þessari breytingu. Við eigum mikið
undir því að ráðningarsambandið við
Þjóðkirkjuna verði gott og farsælt
því þetta er nánast eini vinnuveit-
andinn sem við getum leitað til.“
Enn eru að störfum prestar sem
voru æviráðnir samkvæmt eldra
fyrirkomulagi. Þeir munu halda sín-
um réttindum. Prestar sem voru
skipaðir í embætti áður en sam-
komulagið tók gildi munu ljúka sín-
um skipunartíma áður en þeir skrifa
undir ráðningarsamning við Þjóð-
kirkjuna-Biskupsstofu.
Kjarabundin réttindi presta verða
nú eins og á almennum vinnumark-
aði. Ninna Sif segir að reynslan muni
sýna hvaða áhrif það hefur og hvort
breytingin mun t.d. hafa áhrif á
starfsöryggi. „Þetta er fyrsti kjara-
samningurinn okkar samkvæmt
nýju fyrirkomulagi. Nú er bara að
sjá hvernig hann reynist og hvort við
viljum gera einhverjar breytingar í
næstu kjarasamningum,“ sagði
Ninna Sif.
Kjarasamningurinn var lagður
fyrir aukakirkjuþing sem haldið var í
gær. Ninna Sif sagði það gert vegna
þess að kirkjuþing fer með fjár-
stjórnarvald Þjóðkirkjunnar. Það
skipaði kjaranefndina sem samdi við
Prestafélagið og þarf því að stað-
festa kjarasamninginn. „Ég tel þetta
ekki vera heppilegt fyrirkomulag,“
sagði Ninna Sif. „Að mínu mati væri
heppilegra að kjaranefndin hefði
fullt umboð til að semja við okkur án
þess að kirkjuþing fari mögulega að
beita sér varðandi kjarasamninga.“
Kjarasamningur presta samþykktur
- Fyrsti kjarasamningurinn milli Prestafélagsins og Biskupsstofu - Prestar ekki
lengur skipaðir embættismenn ríkisins heldur ráðnir starfsmenn Þjóðkirkjunnar
Ljósmynd/hsh
Aukakirkjuþing 2021 Kirkjuþingsfulltrúar á þinginu sem var sett um há-
degi í gær. Þingsályktunartillögur voru afgreiddar og kynningar fóru fram.Séra Ninna SifSvavarsdóttir
Aukakirkjuþing var sett í gær
og átti því að ljúka síðdegis.
1. mál á dagskrá var tillaga
til þingsályktunar um kjara-
samning Prestafélags Íslands
og kjaranefndar kirkjunnar og
var hún samþykkt. 2. mál var
tillaga að starfsreglum um
breytingu á starfsreglum um
starfskostnað vegna prests-
þjónustu og prófastsstarfa. 3.
mál var tillaga til þingsálykt-
unar um aðhaldsaðgerðir í fjár-
málum Þjóðkirkjunnar. 4. mál
var tillaga til þingsályktunar
um sölu fasteigna Þjóðkirkj-
unnar-Biskupsstofu. 5. mál var
tillaga til þingsályktunar um
fjárstjórn kirkjuþings til bráða-
birgða.
Þá fór fram kynning á nýjum
þjóðkirkjulögum og kynning á
stefnumótunarvinnu.
Fjármál og
sala eigna
AUKAKIRKJUÞING
Karen Elísabet Halldórsdóttir, bæj-
arfulltrúi Sjálfstæðisflokks í Kópa-
vogi, lét bóka gagnrýni á Borgar-
línu á fundi bæjarráðs 16. júní. Í
fundargerð
stendur að Kar-
en geti ekki tek-
ið undir orð
framkvæmda-
stjóra Betri sam-
gangna um
spurningar frá
Áhugafólki um
samgöngur fyrir
alla. Þar segir
framkvæmda-
stjórinn að „nið-
urstaðan sé sú að á þessu stigi hafi
ekkert komið fram sem kalli á
breytingar á þeirri stefnu að fjár-
fest verði í hágæða hraðvagnakerfi
fyrir höfuðborgarsvæðið“. Þá segir
Karen að enn sé aðeins um frum-
drög að ræða og að hún hafi sér-
stakar áhyggjur af því að enn sé
ekki ljóst hver rekstrarkostnaður
Borgarlínu verði, né hvort sveitar-
félögunum sé einum ætlað að bera
þann kostnað.
„Þegar tillögurnar litu dagsins
ljós þá get ég alveg viðurkennt að
mér brá,“ segir Karen í samtali við
blaðamann Morgunblaðsins. „Mér
finnst þær vera dýrar og full-
miklar fyrir eins lítið svæði og höf-
uðborgarsvæðið er í samanburði
við aðrar borgir. Svo stíga fram
áhugasamtök um betri samgöngur
með mun ódýrari og léttari úrbæt-
ur á því að létta á ferðum strætó
sem mér líst vel á og vert er að
skoða.“ Hún bendir einnig á að
peningarnir sem fari í verkefnið
komi ekki af himnum ofan, „þeir
þurfa að koma með skatttekjum,
við þurfum að velta fyrir okkur
hvernig við getum komið þeim
peningum í það gagn sem almenn-
ingur vill“.
rebekka@mbl.is
Peningarnir komi
ekki af himnum ofan
- Segir kostnað við Borgarlínu óljósan
Karen Elísabet
Halldórsdóttir