Morgunblaðið - 22.06.2021, Blaðsíða 29

MENNING 29
MORGUNBLAÐIÐ ÞRIÐJUDAGUR 22. JÚNÍ 2021
Nánari upplýsingar um sýningartíma á sambio.is
TRYGGÐU ÞÉR
MIÐA INNÁ
THE WASHINGTON POST
ROGEREBERT.COM
TOTAL FILM
USA TODAY
THE SEATTLE TIMES
THE GUARDIAN
GEGGJAÐ FRAMHALD AF EINUM ÓVÆNTASTA
SPENNUÞRILLER SÍÐUSTU ÁRA
HROLLVEKJANDI
SPENNUMYND
THE WRAP FILM
SÝNDMEÐ ÍSLENSKUTALI97%
SAN FRANCISCO
CHRONICLE
INDIE WIRE
Grín- Spennumynd eins og þær gerast bestar!
ROGEREBERT.COM
Hallgerður Hallgrímsdóttir opnaði
fyrir helgi sýninguna MUSE – Fí-
gúratíf ljósmyndun í Gallery Porti
að Laugavegi 23b og stendur hún
yfir til 1. júlí.
Hallgerður skrifar um sýningu
sína á vef Sambands íslenskra
myndlistarmanna, SÍM, að músan
hennar sé postulínsstytta af dreng
með hund. „Ég hef gert mitt besta
til að fanga tilveru þessa vinar
míns og hundsins hans á mynd.
Gera af honum afrit, taka af hon-
um mót, lýsa honum á myndfleti.
Verkið er samansafn þanka um
þrívídd og tvívídd, skynfæri
mannsins, myndlestur og fagur-
fræði,“ skrifar hún og spyr hvar
takmörk kópíunnar liggi, hvað
týnist í þýðingu á hlut úr einu efni
í annað, úr einum miðli í annan.
„Það getur virst svo auðvelt að
taka mynd: Bara að ýta á takkann,
næstum objet trouvé, ljóseindir
hitta fyrir sameindir. Massalaus
orka sem ferðast um á ljóshraða.
Á sama tíma er ljósmyndin leynd-
ardómsfull og tilfinningarík, fag-
urfræði og innsæi leggja sitt á
vogarskálarnar. Ég, hugfangin af
miðlinum, er að velta fyrir mér
ljósmyndun og til þess nota ég
hana sjálfa. Mér dettur engin betri
leið í hug,“
Hallgerður er fædd 1984 og er
með MA-gráðu í myndlist með
áherslu á ljósmyndun frá Akadem-
in Valand í Gautaborg. Hún hefur
farið víða og verk hennar verið
sýnd meðal annars í The Photog-
rapher’s Gallery í London, Hassel-
blad Center í Gautaborg, Lista-
savni Føroya, Listasafninu á
Akureyri og Listasafni Reykjavík-
ur. Ljósmyndabók hennar Hvass-
ast kom út 2016 og árið 2018 gaf
Pastel út ljóð-myndabókina Lím-
kennda daga. Hallgerður hefur
starfað sem myndlistarmaður,
blaðakona, kennari og verk-
efnastjóri og býr og starfar í
Reykjavík, segir á vef SÍM.
Fangar tilveru vinar og hunds
Músa Kynningarmynd fyrir sýningu Hallgerðar í Gallery Porti sem lýkur 1. júlí.
Leikkonur þáttanna Sex and the
City, eða Beðmál í borginni eins og
þeir hétu þegar þeir voru sýndir á
RÚV, eru nú saman komnar á ný til
að blása lífi í gamlar glæður. Munu
þær leika í þáttaröð sem nefnist
And Just Like That … (sem þýða
mætti sem Og líkt og hendi væri
veifað ... ) og er sögð endurlífgun á
hinum löngu liðnu þáttum um beð-
málin. Sarah Jessica Parker tók
mynd af þeim Cynthiu Nixon og
Kristin Davis í New York á dög-
unum og birti á Instagram. Sagði
hún þær búnar að lesa saman hand-
rit fyrstu þáttanna. Allt væri þetta
jafnánægjulegt og „ice cream
sunday“ sem ku vera einhvers kon-
ar ísréttur að hætti Bandaríkja-
manna. Segir í frétt The Guardian
að Chris Noth muni snúa aftur sem
Mr. Big, eða Herra stór en Kim
Cattrall verði ekki með.
Leikkonur Beðmálanna saman á ný
Stuð Vinkonurnar Sarah Jessica Parker,
Cynthia Nixon og Kristin Davis.
Vegfarendur höfðu gaman af því að skoða og mynda
nýafhjúpaða styttu af leikkonunni Marilyn Monroe í
Palm Springs í Kaliforníu á sunnudaginn, 20. júní.
Verkið heitir „Forever Marilyn“ eða „Marilyn að eilífu“
og er um átta metrar á hæð og 17 tonn að þyngd. Höf-
undur þess er Seward Johnson Atelier. Styttan hefur
glatt marga en reitt aðra til reiði, íbúa á svæðinu sem
telja hana karlrembulega og skemma auk þess útsýni.
AFP
Umdeild stytta af Marilyn Monroe
Ljósmyndasýning Sigríðar Marrow,
Kaupmaðurinn á horninu, hefur verið
opnuð í Þórsmörk í Neskaupstað. Á
henni má sjá ljósmyndir af kaup-
mönnum hverfisverslana og bæja á
landsbyggðinni og þá m.a. myndir úr
Kaupfjelaginu Breiðdalsvík og af
Nesbakka. Sýningin verður opin
virka daga frá 14 til 16 en einnig ann-
an hvern laugardag til 17. júlí og eftir
samkomulagi.
Sigríður byrjaði á verkefninu árið
2016, ferðaðist um landið og heimsótti
34 verslanir, að því er fram kemur á
Facebook. Hún gaf sér góðan tíma til
að kynnast, taka viðtöl og ljósmynda
búðareigendur og viðskiptavini í því
skyni að ná raunsannri mynd af um-
hverfinu og einstaklingunum, segir
þar og að frá árinu 2016 hafi að
minnsta kosti fimm þessara kaup-
manna hætt rekstri.
„Blómatími kaupmannsins á horn-
inu er liðinn, eftir standa örfáir ein-
yrkjar sem með þrautseigju viðhalda
þeim magnaða anda sem hverf-
isverslanir búa yfir. Verkefnið fjallar
um þennan hverfandi menning-
arheim. Ljósmyndamiðillinn er not-
aður til þess að varpa ljósi á þann
hlýja og mannlega andblæ sem ein-
kenna þessar verslanir og eigendur
þeirra,“ segir um sýninguna.
Sigríður hefur BA-gráðu í fjöl-
miðlafræði og MA-gráðu í menning-
armiðlun með áherslu á ljósmyndun.
Hverfandi menningar-
heimur kaupmanna
Ljósmynd/Sigríður Marrow
Hjá kaupmanninum Hluti ljós-
myndar á sýningunni.