Morgunblaðið - 22.06.2021, Blaðsíða 27

ÍÞRÓTTIR 27
MORGUNBLAÐIÐ ÞRIÐJUDAGUR 22. JÚNÍ 2021
AFP
40 Giannis Antetokounmpo fagnar
sigri Milwaukee á Brooklyn.
NBA
Gunnar Valgeirsson
Los Angeles
Sagan í úrslitakeppni NBA-
deildarinnar í körfubolta hefur
ítrekað sýnt að lið þurfa oft að eiga
við vonbrigði – þau rétt missa af
titlinum, stundum ár eftir ár – þar
til þau loks ná að komast yfir hjall-
ann. Sum lið ná því aldrei. Í ár virð-
ist þetta lið vera Milwaukee Bucks.
Milwaukee loks tók skrefið í
rimmu liðanna í annarri umferðinni
eftir frækinn sigur á Brooklyn
Nets, 115:111, á laugardag í sjö-
unda leik liðanna í Brooklyn. Sá
leikur fór í framlengingu og hefði
sigurinn getað lent hvoru megin
sem er. Sem dæmi steig Kevin
Durant (48 stig) rétt um þrjá senti-
metra á þriggja stiga línuna þegar
hann jafnaði leikinn fyrir heima-
menn í lok venjulegs leiktíma með
tveggja stiga körfu. Hefði hann rétt
náð fætinum utan við línuna hefðu
úrslitin orðið önnur.
Þetta var frábær leikur tveggja
góðra liða, en oft er stutt á milli
sigurs og taps í NBA-boltanum.
Hrósa verður Milwaukee fyrir að
aldrei gefast upp í þessum leik, en
Nets blótar sjálfsagt meiðslum
James Harden og Kyire Irving í
þessari leikseríu. Giannis Antetoko-
unmpo setti 40 stig fyrir gestina og
virðist þjálfari liðsins loks hafa
fengið hann til að nota styrkleika
sinn í að gera atlögu að körfunni í
sífellu, í stað þess að reiða sig á að
hitta utan af vellinum. Nái hann að
halda því áfram, verða Bucks
hættulegir hvaða andstæðingi sem
er.
Undirritaður hefur ekki haft mik-
ið traust á Bucks í þessari úr-
slitakeppni, enda hefur liðið valdið
vonbrigðum í keppninni undanfarin
tvö ár. Kannski hafa þjálfarar og
leikmenn loks fundið rétta meðalið.
Atlanta kemur áfram á óvart
Það verða Milwaukee Bucks og
Atlanta Hawks sem leika til úrslita
austan megin eftir að Atlanta kom
á óvart í lokaleiknum gegn Phila-
delphia 76ers á sunnudagskvöld í
viðureign liðanna í annarri umferð
úrslitakeppninnar.
Þessi leikur á sunnudagskvöld
var hnífjafn mestallan leikinn, en
skorunarmaskínan hjá Atlanta,
Trae Young, átti afleitan dag fyrir
gestina. Hann skoraði þó mik-
ilvægar körfur í lokin og Hawks
marði sigur á endanum 103:96.
Þar með vann Atlanta einvígi lið-
anna 4:3 og það verður erfitt fyrir
forráðamenn og þjálfara Phila-
delphia að kyngja þessu tapi. Mikl-
ar vonir voru bundnar við liðið eftir
að það tók toppsætið í deild-
arkeppninni, en manni fannst eins
og alla trú á sigur vantaði hjá liðinu
í þessum leik og leikseríu.
Milwaukee verður að teljast mjög
sigurstranglegt í þessu lokaeinvígi
Austurdeildarinnar.
Booker fer fyrir Phoenix
Phoenix Suns vann fyrsta leikinn
í úrslitarimmu Vesturdeildar á
sunnudaginn gegn Los Angeles
Clippers.
Clippers kom inn í þennan leik
eftir frækinn sigur á Utah á föstu-
dag í lokaviðureign liðanna og því
var mikil bjartsýni fyrir fyrsta leik-
inn gegn Atlanta, enda leikstjórn-
andi Suns, Chris Paul, frá keppni
vegna Covid-sýkingar. Hann getur
víst sjálfum sér um kennt, því hald-
ið er að hann sé ekki enn bólusett-
ur, en Paul er formaður stéttar-
félags leikmanna. Clippers var án
stjörnunnar Kawhi Leonard, sem
enn á í meiðslum á liðböndum á hné
og verður sjálfsagt frá keppni eitt-
hvað enn.
Ef marka má þennan fyrsta leik
gæti allt gerst í rimmu þessara liða.
Leikur liðanna var hnífjafn mest-
allan leikinn og staðan var 116:114
þegar 22 sekúndur voru eftir, en
Devin Booker gerði þá út um leik-
inn með körfu og vítaskotum. Loka-
tölurnar urðu 120:114 fyrir Phoe-
nix.
Devin Booker var að venju allt í
öllu hjá Phoenix í fjarveru Chris
Paul. Booker skoraði 40 stig, tók 13
fráköst, og sendi ellefu stoðsend-
ingar. „Strákarnir gerðu vel í að
tálma fyrir mig og þeir hittu svo vel
utan af vellinum. Það opnaði leikinn
fyrir mig. Án Chris Paul tek ég við
leikstjórnuninni og ég reyni að
koma samherjum mínum í góð
tækifæri. Þegar Chris er á vellinum
get ég einbeitt mér að stigaskor-
uninni í sókninni,“ sagði hann í við-
tali við ESPN-sjónvarpsstöðina eft-
ir leik.
Þetta var góður sigur Phoenix,
en Suns virðist til alls líklegt núna í
þessari keppni.
Fyrir úrslitakeppnina voru marg-
ar spásagnarfréttir í miðlum hér
vestra um að sum liðin í Vest-
urdeildinni væru að vonast eftir því
að lenda gegn Suns frekar en öðr-
um liðum, þar sem spáin var víst að
leikmannahópurinn væri of reynslu-
laus í hörkunni í úrslitakeppninni.
Phoenix hefur hins vegar nú unnið
átta leiki í röð og er lið sem leikur
af hraða og ákveðni. gval@mbl.is
Loks komið að Milwaukee?
- Gætu loksins hafa fundið rétta meðalið eftir vonbrigði síðustu árin
- Phoenix með átta sigra í röð og vann fyrsta úrslitaleikinn gegn Clippers
_ Ólafur Jóhannesson var í gær ráðinn
þjálfari karlaliðs FH í knattspyrnu í stað
Loga Ólafssonar sem var sagt upp
störfum í gærmorgun. Það var í kjölfar-
ið á ósigri FH gegn Breiðabliki, 4:0, á
sunnudagskvöldið en Hafnarfjarðarliðið
hefur aðeins fengið eitt stig í síðustu
fimm leikjum sínum. Ólafur þjálfaði áð-
ur FH 1988-91, 1995 og 2003-2007 en
félagið varð þrisvar Íslandsmeistari og
einu sinni bikarmeistari undir hans
stjórn á árunum 2004 til 2007. Nánar
um þetta á mbl.is/sport/fotbolti.
_ Jason Daði Svanþórsson, knatt-
spyrnumaður úr Breiðabliki sem fluttur
var á sjúkrahús eftir að hann hneig nið-
ur í leiknum gegn FH í fyrrakvöld, var
búinn að jafna sig bærilega í gær og var
kominn heim. Hann sagði í viðtölum við
Vísi og Fótbolta.net að hann ætti eftir
að fara í nánari rannsóknir. Hjartað
hefði verið í góðu lagi en hann hefði átt
erfitt með andardrátt, fengið höfuðverk
og svima.
_ Billy Gilmour, leikmaður Chelsea og
skoska landsliðsins í knattspyrnu, hef-
ur greinst með kórónuveiruna og verð-
ur því ekki með Skotum gegn Króötum í
lokaumferð D-riðils Evrópumótsins í
kvöld. Mason Mount og Ben Chilwell,
leikmenn enska landsliðsins og sam-
herjar hans hjá Chelsea, sáust á spjalli
við Gilmour eftir leik Englands og Skot-
lands á föstudagskvöld og voru af þeim
sökum settir í ótímabundna einangrun í
gær.
_ Þjóðverjar gætu verið án þriggja
sterkra leikmanna á morgun þegar þeir
mæta Ungverjum í lokaumferð F-
riðilsins á EM í fótbolta en þar þurfa
þeir stig til að tryggja sér sæti í sextán
liða úrslitunum. Thomas Müller, Mats
Hummels og Ilkay Gündogen eru allir
meiddir og gætu misst af leiknum.
_ Spánverjinn Jon Rahm vann sitt
fyrsta stórmót í golfi þegar hann
tryggði sér sigur á Opna bandaríska
mótinu sem lauk í San Diego í fyrrinótt.
Rahm sigldi fram úr Louis Oosthuizen
frá Suður-Afríku á síðustu holunum og
lauk keppni á sex höggum undir pari,
einu á undan Oosthuizen sem var efst-
ur lengst af mótinu.
_ Thelma Björg Björnsdóttir, sem er á
leið á Ólympíumót fatlaðra, Paralymp-
ics, síðar í sumar keppti í þremur grein-
um á Opna þýska meistaramótinu í
sundi í Berlín. Hún komst í úrslit í 100
m bringusundi og synti þar á 1:56,00
mínútu. Þá synti hún 100 m skriðsund
á 1:30,18 mínútu og 50 metra skrið-
sund á 41,31 sekúndu.
_ Hólmbert Aron Friðjónsson, lands-
liðsmaður í knattspyrnu, var í gær
kynntur til leiks sem nýr leikmaður
þýska B-deildarfélagsins Holstein Kiel.
Félagið keypti hann af Brescia frá Ítalíu
og samdi við Hólmbert til næstu
þriggja ára. Hann var því aðeins tíu
mánuði í röðum Brescia sem keypti
Hólmbert af Aalesund í Noregi síðasta
haust. Holstein Kiel
hafnaði í þriðja
sæti B-
deildarinnar í
vetur en tapaði
umspili gegn
Köln um
sæti í 1.
deild-
inni.
Eitt
ogannað
EM 2021
Kristján Jónsson
kris@mbl.is
Danir eru komnir í 16-liða úrslit
þrátt fyrir allt sem á undan er geng-
ið á EM karla í knattspyrnu. Dan-
mörk burstaði Rússland 4:1 á Park-
en í Kaupmannahöfn í gær. Þar með
náðu Danir 2. sæti í B-riðlinum og
mæta Wales í 16-liða úrslitum.
Danmörk, Finnland og Rússland
fengu öll 3 stig í riðlinum. Þau unnu
hvert annað innbyrðis en töpuðu öll
fyrir Belgum. Belgía vann Finnland
2:0 í St. Pétursborg og fengu 9 stig.
Danir komast áfram á markamun.
Þar reyndust mörkin fjögur í gær
mikilvæg. Að sama skapi gera þau
það að verkum að Rússar fara heim
en Finnar bíða átekta með sín 3
stig.
Úrslitin í gær gætu minnt stuðn-
ingsmenn danska liðsins, sem muna
tímana tvenna, á frægan leik í und-
ankeppni HM 1986. Danmörk vann
þá Sovétríkin 4:2 á þessum sama
velli og steig stórt skref í þá átt að
vinna sér sæti í lokakeppninni.
Mikkel Damsgaard, Yussuf
Poulsen, Andreas Christensen og
Joakim Mæhle skoruðu fyrir Dani
en Artem Dzjuba fyrir Rússland úr
vítaspyrnu. Belgía komst yfir gegn
Finnlandi á sjálfsmarki á 74. mínútu
og Romelu Lukaku bætti við marki
á 81. mínútu. Hefur hann þá skorað
þrjú mörk í keppninni.
Eftir úrslitin í gær er ljóst að lið
sem fá 4 stig í riðlakeppninni kom-
ast áfram í 16-liða úrslit. Þar með
eru Frakkar, Svíar, Englendingar,
Svisslendingar og Tékkar komnir
áfram.
Nú komst Austurríki áfram
Austurríkismenn lærðu af biturri
reynslu gegn Íslandi á EM í Frakk-
landi fyrir fimm árum. Þá reyndu
þeir að komast í 16-liða úrslit með
sigri gegn Íslandi í síðasta leik
riðlakeppninnar. Sú varð ekki raun-
in þrátt fyrir þungar sóknir á loka-
kaflanum og liðið sat eftir í neðsta
sæti riðilsins. Í gær tók Austurríki
hins vegar snemma forystuna þegar
Christoph Baumgartner skoraði á
21. mínútu og réð markið úrslitum í
leiknum.
Austurríki fékk 6 stig með því að
vinna Úkraínu og Norður-
Makedóníu en Holland vann alla
þrjá leikina og er með 9 stig. Aust-
urríki mætir Ítalíu í 16-liða úrslitum
en ekki liggur fyrir hverjir verða
andstæðingar Hollendinga. Úkraína
er með 3 stig og getur enn komist
áfram úr 3. sæti en þarf að bíða eftir
úrslitum úr öðrum riðlum.
Georginio Wijnaldum sem nýlega
gekk til liðs við París St. Germain
frá Liverpool er í feiknaformi á EM.
Skoraði hann tvö mörk í gær þegar
Holland vann Norður-Makedóníu
3:0 og hefur skorað þrjú mörk til
þessa í keppninni. Memphis Depay
skoraði einnig og er með tvö mörk.
Danir röðuðu mörkum
á Rússa sem eru úr leik
- Sex þjóðir komust áfram í 16-liða úrslit á EM í gær - Biðstaða hjá Finnum
AFP
Gleði Hamingjusamir Danir fagna þriðja marki sínu í gær sem Andreas Christensen skoraði með þrumufleyg.