Fréttablaðið - 04.11.2021, Blaðsíða 6

gar@frettabladid.is
FÓLK „Undirtektirnar hafa verið
viðunandi miðað við að ég lenti í
vandræðum með heimasíðuna á
laugardaginn og missti talsvert af
fólki þar,“ segir Guðmundur Felix
Grétarsson sem efnir til vinnustofu
á Íslandi milli jóla og nýárs.
Fyrir rúmum níu mánuðum voru
græddir handleggir á Guðmund
úti í Frakklandi þar sem hann býr.
Handleggina missti hann í slysi fyrir
23 árum. Þá reynslu og nám sitt í
markþjálfun hyggst hann nýta á
námskeiðinu Innri styrk sem haldið
verður á Grand Hóteli 27. desember.
Er þetta fyrsta heimsókn Guð-
mundar til Íslands eftir aðgerðina.
Aðspurður kveðst Guðmundur
geta tekið við áttatíu manns á
vinnustofuna. Miðasalan er þegar
hafin á vef hans gretarsson.is.
„Ég þurfti að skipta í snatri um
hýsingaraðila og var síðan því ekki
almennilega nothæf fyrr en seinni-
part sunnudags. Ég er þó að vonast
til að fá einhver tækifæri næstu
vikurnar til að kynna þetta nám-
skeið almennilega fyrir fólki og ég
hef fulla trú á að fylla salinn,“ segir
Guðmundur.
„Innri styrkur kemur þegar
maður yfirstígur mótlæti en það eru
ákveðin verkfæri og viðhorf sem geta
flýtt fyrir svo fólk þarf ekki að vera
handalaust í 23 ár til að geta nýtt sér
þetta,“ sagði Guðmundur í viðtali í
Fréttablaðinu síðastliðinn laugardag.
Um er að ræða heilsdags vinnu-
stof u sem verður „óþægileg,
skemmtileg og fræðandi“, eins og
segir í auglýsingunni. „Siglum inn
í nýtt ár með skýrari fókus, stærri
sjóndeildarhring og umfram allt,
betri sjálfsþekkingu,“ segir þar.
Erla Hlynsdóttir hefur fært sögu
Guðmundar á bók og nefnist hún
11.000 volt. Stefnir hann að því í
Íslandsheimsókninni að árita bók-
ina fyrir þá sem vilja með fingrafari
sínu. n
Áttatíu komast á óþægilega vinnustofu hjá Guðmundi Felix
Útskúfun til langframa er
aldrei heilbrigð, segir afbrota-
fræðingur. Tímabært að karl-
ar taki afleiðingum gjörða
sinna, segir forystukona gegn
kynbundnu ofbeldi.
bth@frettabladid.is
JAFNRÉTTI „Það er áhugavert að sjá
að það virðist breytilegt eftir því
hvað þú gerir af þér hvort útskúfun
eigi sér stað eða ekki,“ segir Helgi
Gunnlaugsson, afbrotafræðingur og
prófessor við Háskóla Íslands, vegna
Kveiksþáttar RÚV í vikunni.
Í Kveik lýsti íslenskur leikari,
Þórir Sæmundsson, þeirri útskúf-
un og atvinnumissi sem hann varð
fyrir eftir að hafa sent typpamyndir
af sjálfum sér til ólögráða stúlkna.
Hann telur sig hafa verið leiddan í
gildru, þar sem hann hafi ekki vitað
um aldur viðtakenda. Þá hafi hann
ekki haft frumkvæði að samskipt-
unum.
Helgi segir að siðferðismörk sem
snerti samskipti kynjanna leyfi
núna ekkert umburðarlyndi eins
og fram hafi komið í Kveiksþætt-
inum. Jafnvel þótt engin refsiverð
háttsemi eigi sér stað. Brot eða
háttsemi á viðskiptasviðinu leiði
ekki af sér sams konar útskúfun til
framtíðar. Í viðskiptalífinu þurfi
stundum að líða tiltekinn tími þar
sem viðkomandi brotamaður megi
ekki vera í stjórn hlutafélags. Hann
geti svo snúið aftur að því er virðist
án mikilla erfiðleika.
„Áhrif MeToo og vitundarvakn-
ingar mestmegnis kvenna eru því
enn umtalsverð og bera vitni um
langvarandi upplifun á kúgun og
þöggun á rétti þolenda kynferðis-
brota og stöðu kvenna almennt sem
brýst fram með þessum hömlulausa
hætti, í útskúfun allra sem hafa
„misstigið“ sig á siðferðissviðinu,“
segir Helgi. „Eru gerendur að taka
út sök hinnar eitruðu karlmennsku
fyrir allt karlkynið í sögunnar rás?“
spyr Helgi.
Hann segir að einstaklingar
eigi ekki bara afturkvæmt á við-
skiptasviðinu heldur sé sú raunin
með mörg önnur brot. Hann segir
útskúfun til langframa aldrei heil-
brigða. Auðveldlega snúist slíkt
til hins verra, ekki bara fyrir hinn
útskúfaða heldur virki oft eins og
olía á þann eld sem f lestir vilja
slökkva. Harkan virðist meiri núna
en við höfum séð í seinni tíð.
Kristín Bjarnadóttir hjúkrunar-
fræðingur er í hópi þeirra sem mjög
hafa látið brot gegn konum til sín
taka. Spurð hvort samtímamenn
séu nú að taka út sök eitraðrar karl-
mennsku fyrir allt karlkyn í sög-
unnar rás, segir hún að gerendur
þurfi fyrst nú að horfast í augu við
Siðferðismörk í samskiptum karla og
kvenna leyfi ekkert umburðarlyndi
Aukin harka,
segir Helgi
Gunnlaugsson
afbrotafræð-
ingur.
FRÉTTABLAÐIÐ/
VALLI
sjálfa sig og taka út sinn dóm eftir að
hafa beitt ofbeldi. Umræðan sé hins
vegar að komast á nýtt plan með
nýjum og menntuðum kynslóðum.
„Við erum að komast á þann stað
að karlar þurfa að horfast í augu
við eigin gjörðir sem þeir hafa ekki
þurft að gera,“ segir Kristín.
Hún bendir á hið kynbundna
misræmi, að um 300 konur segist
árlega verða fyrir nauðgun á Íslandi
á sama tíma og engir karlar segist
hafa nauðgað þeim.
„Þolendur hafa fundið sína rödd
og skilað skömminni. Ég er ósam-
mála að þetta sé gild spurning hjá
af brotafræðingnum,“ segir Krist-
ín. n
Kristín Bjarna-
dóttir hjúkr-
unarfræðingur
Guðmundur Felix Grétarsson vonast
eftir fullum sal. MYND/BRYNJAR SNÆR
Mikilvægt
neyðarkall
til þín!
Tökum vel á móti sjálfboðaliðum næstu daga, svörum
neyðarkallinu og stuðlum þannig að eigin öryggi.
benediktboas@frettabladid.is
S K I PU L AG S M Á L Verkef na stofa
Borgarlínu hefur valið kost sem
veldur því að nemendur í Mennta-
skólanum í Kópavogi munu þurfa
að ganga lengri vegalengd en nú er
milli næstu biðstöðvar almennings-
vagna og skólans.
Samkvæmt tillögunni munu
nemarnir þurfa að ganga yfir hálfan
kílómetra milli biðstöðvar Borgar-
línu og skólans. Verkefnastofan
telur þó að sá galli sé ekki mikill
enda sé nóg af rafskútum í boði.
„Aukið aðgengi örf læðis svo sem
rafskúta mun hjálpa við að stytta
þá leið fyrir stóran hóp. Einnig verði
komið til móts við aðra með teng-
ingu við aðrar strætóleiðir,“ segir í
niðurstöðu verkefnastofunnar. n
Rafskútur bjargi
Borgarlínunni
urduryrr@frettabladid.is
DANMÖRK Metta Frederiksen, for-
sætisráðherra Danmerkur, sagðist
á blaðamannafundi í gær hafa stillt
símann sinn þannig að hann eyði
smáskilaboðum sjálfkrafa eftir þrjá-
tíu daga síðasta sumar. Það var áður
en ákvörðun var tekin um að aflífa
alla minka í landinu og hafi verið
þáttur í að auka upplýsingaöryggi
ráðuneytisins.
Hún segir að SMS-in muni mögu-
lega leiða í ljós óvandað orðbragð
á milli stjórnmálafólks en að hún
muni ekki biðjast afsökunar á því.
Í krísuástandi megi ekki eyða
tíma í að vanda orðaval heldur þurfi
að taka hraðar ákvarðanir. „Sættið
ykkur við það,“ segir Frederiksen. n
Eydd SMS tengist
ekki minkunum
6 Fréttir 4. nóvember 2021 FIMMTUDAGURFRÉTTABLAÐIÐ