Fréttablaðið - 04.11.2021, Blaðsíða 30

Gucci hélt áfram að fagna
aldarafmæli sínu á þriðju-
dagskvöld með tískusýn-
ingu á gangstétt Hollywood
Boulevard, frægustu götu
Los Angeles. Þetta var fyrsta
sýning tískuhússins í Banda-
ríkjunum síðan árið 2015 og
þar sáust mörg fræg andlit.
oddurfreyr@frettabladid.is
Sýningin á þriðjudagskvöld var
fyrsta tískusýning Gucci utan Ítalíu
síðan heimsfaraldurinn byrjaði og
aðdáendur merkisins létu sig ekki
vanta. Sýningin var framhald af
hátíðarhöldum Gucci vegna aldar­
afmælis tískuhússins sem hófust í
apríl með sýningu sem fagnaði stíl
Gucci síðustu 100 árin og rifjaði upp
frægustu hönnun tískuhússins.
Á sýningunni sýndi Gucci
fatalínu sem var ekki bundið við
ákveðna árstíð, en þetta er í þriðja
sinn sem tískuhúsið gerir það síðan
árið 2020. Þá sagði hönnunarstjóri
Gucci, Alessandro Michele, að það
væri úrelt kerfi að binda föt við
ákveðnar árstíðir. „Mér finnst að
föt eigi að hafa lengri líftíma en
þessi orð gefa þeim,“ sagði hann.
„Öll þessi svívirðilega græðgi hefur
orðið til þess að við höfum misst
samhljóminn og umhyggjuna,
tengslin og þá tilfinningu að til­
heyra.“
Lokuðu Hollywood Boulevard
Fyrir sýninguna var frægasta breið­
stræti Los Angeles, Hollywood
Boulevard, lokað fyrir umferð, svo
sýningin gæti farið fram á gang­
stéttinni fyrir framan kínverska
kvikmyndahúsið, eitt frægasta
kennileiti borgarinnar, þar sem
fræga fólkið er með stjörnur með
nafni sínu á gangstéttinni.
Fræga fólkið lét sig ekki vanta á
viðburðinn, en meðal gesta voru
Diane Keaton, sem var í klæðnaði
sem var hannaður af bæði Balenci­
aga og Gucci og Gwyneth Paltrow,
sem mætti í nýrri útgáfu af þekktri
Gucci­dragt sem Tom Ford hannaði
upprunalega árið 1996 og var
endursköpuð fyrir aldarafmælið.
Aðrir vinir Gucci, eins og Billie
Eilish, Dakota Johnson, Sienna
Miller, Tracee Ellis Ross og James
Corden mættu líka til að berja nýju
línuna augum.
Frægt fólk og kynlífsleikföng
Fræga fólkið sat ekki allt á fremsta
bekk, heldur tók sumt þeirra þátt í
sýningunni, þrátt fyrir að Aless­
andro Michele sé almennt ekki
mikið fyrir að nota frægt fólk í
sýningunum sínum.
Jared Leto var því ekki fagnandi
á hliðarlínunni eins og venjulega á
Gucci­sýningum, heldur tók hann
sjálfur þátt og var í gráum jakka­
fatajakka við hvítar, reimaðar
leðurbuxur. Macaulay Culkin kom
líka mörgum á óvart með þátttöku
sinni, en hann var í Hawaii­skyrtu,
drapplitum útvíðum buxum og
svörtum klossum. Söngkonan
Phoebe Bridges tók líka þátt og var
í svörtum alklæðnaði og snáka­
skinnsstígvélum. Önnur þekkt
nöfn sem tóku þátt í sýningunni
voru Quannah Chasinghorse, Jodie
Turner­Smith og Jeremy Pope.
Sumar af fyrirsætunum á
sýningunni voru látnar ganga með
kynlífsleikföng í höndunum sem
aukahluti, en þetta er ekki í fyrsta
sinn sem Michele notar óvenjulega
aukahluti á sýningunum sínum.
Hann hefur áður meðal annars
látið fyrirsætur ganga með reið­
tygi og eftirlíkingar af afhöggnum
hausum sem áttu að líta út eins og
þeirra eigin. n
Stjörnurnar mættu á aldarafmæli Gucci
Sýningin var
framhald af
hátíðarhöldum
Gucci vegna
aldarafmælis
síns, sem hófust
í apríl á þessu
ári.
FRÉTTABLAÐIÐ/
GETTY
Jared Leto tók þátt í sýningunni
í stað þess að fylgjast með úr
fremstu röð eins og venjulega.
Það kom mörgum á óvart að sjá
Macaulay Culkin á sýningunni.
Phoebe Bridges var í svörtum alklæðnaði og snáka­
skinnsstígvélum.
Sumar af fyrirsætunum voru látnar
ganga með kynlífsleikföng í hönd­
unum.
Sýningin var ekki bundin við neina árstíð, en Gucci hætti
að kenna tískulínur sínar við árstíðir á síðasta ári.
Frægasta breiðstræti Los Angeles,
Hollywood Boulevard, var lokað fyrir
umferð á meðan sýningin fór fram.
SINGLE’S DAY
Sérblaðið Singles’ Day kemur út miðvikudaginn 10. nóvember.
Í blaðinu gefst fyrirtækjum tækifæri til að koma á framfæri
þeim afsláttum sem þau bjóða upp á þann dag.
Tryggðu þér auglýsingapláss í mest lesna dagblaði landsins.
Nánari upplýsingar um blaðið veitir:
Jón Ívar Vilhelmsson, markaðsfulltrúi Fréttablaðsins
Sími 550 5654 / jonivar@frettabladid.is
FERMINGARGJAFIR
Fimmtudaginn 15. mars gefur Fréttablaðið út
bráðsniðugt aukablað sem innheldur ótal
hugmyndir að fjölbreyttum fermingargjöfum.
Allir sem hafa fermst vita að dagurinn og ekki síst
gjarnar lif í minningunni aldur og ævi.
Tryggðu þér gott auglýsingapláss
í langmest lesna dagblaði landsins.
Upplýsingar hjá auglýsingadeild Fréttablaðsins í síma 512 5402
eða sendu okkur póst á netfangið serblod@frettabladid.is
6 kynningarblað A L LT 4. nóvember 2021 FIMMTUDAGUR