Fréttablaðið - 04.11.2021, Blaðsíða 40

En þegar maður er að
búa til gleðileik þá
leyfist manni allt.
Hjörleifur Hjartarson er höf­
undur sýningarinnar Njála
á hundavaði sem frumsýnd
verður í Borgarleikhúsinu, á
morgun föstudaginn 5. sept­
ember.
kolbrunb@frettabladid.is
Hjörleifur er einnig höfundur tón­
listarinnar í verkinu ásamt Eiríki
Stephensen, en þeir standa báðir
á sviði og skemmta áhorfendum,
eins og þeir hafa áður gert í verk­
unum Sögu þjóðar, Öldinni okkar
og Kvenfólki.
„Þessi sýning er meira leikhús
en fyrri sýningar okkar sem hafa
verið frumsýndar fyrir norðan en
síðan orðið að gestasýningum í
Borgarleikhúsinu,“ segir Hjörleifur.
„Þar sem þessi sýning er framleidd
Borgarleikhúsinu inniheldur hún
fleiri brellur, mikla grafík, leikmynd
og alls kyns leikmuni. Allt er viða­
meira en áður.“
Hvernig gekk honum að koma
Njálu fyrir í tveggja tíma sýningu?
„Það er býsna snúið að kjarna Njálu.
Ég setti mér það að segja alla Njálu
og draga ekkert undan. Ég er ekki
að segja að það takist algjörlega en
við Eiríkur reynum að fara í gegnum
allt verkið. Ég var enginn Njálu­
maður fyrir, en það hefur verið mjög
gaman og krefjandi að búa til leik­
rit úr Njálu og að sama skapi mjög
skemmtilegt.“
Marglaga karakter
Gunnar, Hallgerður, Njáll, Bergþóra
og Skarphéðinn eru í forgrunni
sýningarinnar. „Ég hafði ekki áttað
mig á því hversu stórt hlutverk Njáll
hefur í Njálu. Hann er óskaplega
marglaga karakter og veröld hans
og hugsjónir eru gegnumgangandi
í sögunni. Hann er alltaf að byggja
sér fyrirmyndarheim. Hann er svo
margt: stjörnulögfræðingur, póli­
tískur refur og andlegur leiðtogi
sem verður æ andlegri eftir því sem
á líður. En eins og oft fer fyrir mann­
kynslausnurum þá gleymir hann að
rækta sinn eigin garð og ferst,“ segir
Hjörleifur, en Njáll er orðinn að
eftirlætispersónu hans í Njálu.
Um túlkun þeirra Eiríks á sög­
unni segir hann: „Við erum að
reyna að vera fyndnir, sjá skondnu
hliðarnar á Njálu sem er ekki erfitt
og skoða út frá sjónarhóli okkar
21. aldar fólks. Þá hlýtur maður
að leggja sinn dóm á persónur og
söguna.“
Breyskar manneskjur
Er með öllu leyti sanngjarnt að
leggja nútímamælistiku á Njálu?
„Nei, það er engan veginn sann­
gjarnt! En þegar maður er að búa til
gleðileik þá leyfist manni allt. Við
erum líka algjörlega trúir sögunni
þótt við veltum fyrir okkur ýmsum
þáttum,“ segir Hjörleifur. „Maður
fær frítt spil og getur endalaust verið
að ráða í gjörðir manna sem eru oft
ekki skynsamlegar. Þetta eru svo
breyskar manneskjur. Skarphéðinn
ekki síst, enda tættur af erfiðum
heimilisaðstæðum. Þegar hann
gengur frá búð til búðar til að afla
sér stuðnings, eftir að hafa drepið
Höskuld, eftirlæti allra, þá hagar
hann sé afar óskynsamlega, en er
samt svo skiljanlegur. Hann getur
ekki beðist vægðar, því það er ekki í
hans karakter.“ n
Skondnu hliðarnar á Njálu
Ég setti mér það að segja alla Njálu og draga ekkert undan, segir Hjörleifur. FRÉTTABLAÐIÐ/SIGTRYGGUR ARI
Hjörleifur og Eiríkur Stephensen skemmta áhorfendum í Borgarleikhúsinu.
MYND/AÐSEND
kolbrunb@frettabladid.is
Næstkomandi þriðjudag, 9. nóvem­
ber, klukkan 19.30 í Salnum halda
Kristinn Sigmundsson bassi og
Edda Erlendsdóttir píanóleikari í
fyrsta sinn saman ljóðatónleika.
Þau f lytja Michelangelo Lieder
eftir Hugo Wolf, Vier Lieder Op. 27
eftir Richard Strauss og ljóðasöngva
eftir Johannes Brahms. n
Ljóðakvöld með
Kristni og Eddu
Kristinn syngur í Salnum.
kolbrunb@frettabladid.is
Á morgun, föstudaginn 5. nóvem­
ber, klukkan 16.00, verður sýn­
ing Helgu Páleyjar, Fugl, opnuð í
NORR11, Hverfisgötu 18.
Til sýnis eru ný verk eftir Helgu
sem tengjast öll sama tímabili í lífi
listakonunnar og eru hluti af sama
ferli. Helga Páley er alin upp á Snæ­
fellsnesi en þar er stærsta kríuvarp
Evrópu. Því má segja að fuglarnir
tengi hana sterkum böndum við
æsku sína og þessar rætur skjótast
upp í gegnum listsköpun hennar.
Fortíð, nútíð og framtíð er rauður
þráður sýningarinnar.
Síðustu ár hefur Helga sýnt á fjöl­
mörgum stöðum og má þar nefna
Listasafn Reykjanesbæjar, Gallerí
Port, Ásmundarsal og Safnasafnið
á Svalbarðseyri. Samhliða mynd­
listinni hefur hún einnig unnið sem
teiknari, bæði við myndskreytingar
og hreyfimyndagerð. n
Fortíð – nútíð
og framtíð
Verk eftir Helgu Páleyju á sýningunni.
kolbrunb@frettabladid.is
Óbóið og tónskáldin okkar er yfir­
skrift tónleika í 15:15 tónleikasyrp­
unni í Breiðholtskirkju, laugardag­
inn 6. nóvember klukkan 15.15.
Á tónleikunum mun Eydís Franz­
dóttir óbóleikari leika efnisskrá sem
samanstendur af verkum íslenskra
tónskálda fyrir einleiksóbó. Verkin
eru eftir John Speight, Svein Lúðvík
Björnsson, Elínu Gunnlaugsdóttur,
Hafdísi Bjarnadóttur, Þuríði Jóns­
dóttur og Hauk Tómasson og hafa
öll verið samin fyrir Eydísi eða
frumflutt af henni. Á tónleikunum
verður frumflutt verk Hauks Tómas­
sonar Flux 2 fyrir óbó og hljóð­
upptöku. Verkið er samið fyrir 1­8
hljóðfæri; f lautu, óbó, klarínett,
slagverk, hörpu, píanó, fiðlu, selló
og samsetta hljóðupptöku leikna á
hljóðfærin.
Eydís hefur verið virk í íslensku
tónlistarlíf i meðal annars sem
óbóleikari Caput hópsins og blás­
araoktettsins Hnúkaþeys, auk þess
að leika með fjölmörgum öðrum
hópum. Hún hefur verið frum­
Óbóið og tónskáldin okkar
Eydís Franz­
dóttir, óbó­
leikari
kvöðull í f lutningi nútímatónlistar
fyrir óbó og hefur fjöldi innlendra
og erlendra tónskálda skrifað verk
fyrir hana. Eydís er kennari við Tón­
listarskóla Kópavogs. n
Organisti/Tónlistarstjóri óskast
Sóknarnefndir Brautarholts – og Reynivallasókna Kjalarnessprófasts-
dæmi auglýsa eftir organista/tónlistarstjóra í 30% fasta stöðu við
Reynivallaprestakall frá 1. janúar 2022.
Leitað er eftir einstaklingi sem:
• Hefur metnað fyrir tónlistaþætti helgihaldsins.
• Hefur áhuga á að viðhalda og efla enn frekar öflugan kirkjukór.
• Er tilbúinn í gott samstarf við sóknarprest prestakallsins.
Laun samkv. kjarasamningi organista hjá FÍH og launanefndar
Þjóðkirkjunnar.
Umsóknir skulu sendar rafrænt til bjorn@brautarholt.is
Umsóknarfrestur er til 1. desember n.k.
Allar upplýsingar um starfið gefa:
Björn Jónsson, formaður Brautarholtssóknar
892-3042 - bjorn@brautarholt.is
sr. Arna Grétarsdóttir, sóknarprestur
865-2105 - arna.gretarsdottir@kirkjan.is
24 Menning 4. nóvember 2021 FIMMTUDAGURFRÉTTABLAÐIÐMENNING FRÉTTABLAÐIÐ 4. nóvember 2021 FIMMTUDAGUR