Fréttablaðið - 04.11.2021, Blaðsíða 27

Hjónin Milena Solecka og
Mariusz Solecki komu til
Íslands frá Póllandi árið 2005
og fluttu fljótlega í Hafnar-
fjörð.
Þau hafa starfað í Ásvallalaug frá
því laugin var opnuð. Þeim líkar
starfið vel og fara reglulega með
börnin í laugina.
Þau Milena og Mariusz búa í dag
á Völlunum í Hafnarfirði en eru að
byggja sér hús í Skarðshlíðinni sem
er nýjasta íbúðahverfið í Hafnar-
firði. Þangað stefna þau á að flytja
fljótlega.
„Við byrjuðum í Ásvallalaug
haustið 2008 þegar laugin var
opnuð og höfum því starfað við
laugina frá upphafi. Þannig þróast
og þroskast með lauginni og því
fólki sem þar hefur starfað með
okkur. Mariusz hafði lengi átt sér
þann draum að vinna í sund-
laug. Það eru líka ákveðin lífsgæði
fólgin í því að lifa og starfa í sama
hverfi og auðveldar ýmislegt,“ segir
Milena.
Hún bætir við að þau hjónin séu
mjög ánægð með starf sitt í Ásvalla-
laug því þeim finnist gaman að
vinna við þjónustustörf og að geta
aðstoðað gesti laugarinnar, unga
sem aldna.
Milena og Mariusz fara mikið í
sund sjálf með börnin sín þrjú og
fara þá helst í laugarnar í Hafnar-
firði.
„Stundum gerum við okkur þó
ferð í Mosfellsbæ enda eru þeir
með barnvænar laugar eins og í
Hafnarfirði. Börnin okkar elska að
fara í sund og sund er tilvalin sam-
verustund og leikur þar sem fátt
annað truflar athygli og samveru.
Við förum mikið í Ásvallalaugina
enda ekki bara okkar vinnustaður
heldur líka okkar hverfislaug og
laugin sem börnin okkar þekkja,“
segir Mariusz.
Hver laug hefur sérstöðu
Þó að Ásvallalaug sé starfsstöð
þeirra hjóna þekkja þau vel allar
laugarnar í Hafnarfirði og hafa
tekið vaktir í þeim öllum. Laug-
arnar eru frekar ólíkar og hafa allar
sína sérstöðu.
„Ásvallalaug er mikið notuð af
meðal annars fólki með ung börn
og líka þeim sem eru mikið fyrir
sundið og sækja laugina til að
synda enda keppnislaugin einstök.
Í laugina kemur fólk alls staðar að
af höfuðborgarsvæðinu. Suður-
bæjarlaug er aftur á móti útilaug í
fallegri umgjörð með stóran hóp
fastagesta úr Hafnarfirði. Sund-
höllin, sem er elst allra lauganna, er
síðan þekkt fyrir rólegt andrúms-
loft og er mikið sótt af eldra fólki og
þeim sem sækja í slökun og róleg-
heit. Laugarnar eru frekar ólíkar og
einstakar sem er svolítið skemmti-
legt,“ segja Milena og Mariusz
aðspurð um hvað einkenni hverja
og eina laug að þeirra mati og
hvernig fólk heimsæki hverja laug
fyrir sig.
Hjónin upplifa Ísland og Hafnar-
fjörð sem öruggt og gott umhverfi
fyrir börnin sín.
„Hér er allt til alls. Við förum
mikið göngutúra bæði niður í
miðbæ Hafnarfjarðar og í kringum
Hvaleyrarvatn sem er bara hérna
rétt í bakgarðinum hjá okkur. Stutt
að fara fyrir upplifun, útiveru og
ævintýri fyrir börnin,“ segir Milena
og Mariusz bætir við:
„Okkur finnst Hellisgerði mjög
fallegur staður og heimsækjum
hann reglulega. Það er mjög auðvelt
að skipuleggja góðan og innihalds-
ríkan fjölskyldudag í Hafnarfirði.
Við mælum sérstaklega með göngu
umhverfis Hvaleyrarvatn og um
skógarstígana þar og svo sundferð í
eina af okkar einstöku laugum.“
Í heilsubænum Hafnarfirði eru
þrjár sundlaugar, Sundhöll Hafnar-
fjarðar, Suðurbæjarlaug og Ásvalla-
laug. Frítt er í sundlaugarnar
fyrir börn og ungmenni 17 ára og
yngri og starfsfólk lauganna tekur
fagnandi á móti gestum. n
Taka fagnandi
á móti gestum
Hjónin Mariusz
Solecki og Mil­
ena Solecka eru
ánægð í starfi
sínu í Ásvalla­
laug.
FRÉTTABLAÐIÐ/
SIGTRYGGUR ARI
Ásvallalaug í Hafnarfirði er rúmgóð og barnvæn og aðgengi er gott.
Suðurbæjarlaug er útilaug í fallegri umgjörð með stóran hóp fastakúnna. MYNDIR/AÐSENDAR
Sundhöll Hafnarfjarðar er elst lauganna og þekkt fyrir rólegt andrúmsloft.
Laugarnar í
Hafnarfirði eru
barnvænar.
kynningarblað 7FIMMTUDAGUR 4. nóvember 2021 SYNDUM