Rit Landbúnaðardeildar : A-flokkur - 01.10.1967, Page 23

21
Uppblástur neðst á Hrunamannaafrétti (Pho.o: Þorl. Ein.)
Soil erosion on Hrunamanna common
(C3 og D2), þar sem fjalldrapi og víðir eru ríkjandi, og þekja þau sam-
tals um 2400 ha.
Votlendi (Ui—V4) þekur 14—15 prósent af gróðurlendinu, og er lang-
mestur hluti þess mýrar. Stinnastör ásamt ýmsum fylgitegundum er
ríkjandi eins og algengast er á hálendi, en í flóanum ríkja tjarnastör og
klófífa. Votlendið er að sjálfsögðu á víð og dreif um allan afréttinn, en
stærstu samfelldu svæðin eru Miklumýrar, Mikluöldubotnar og Búrfells-
mýrar.
Önnur gróðurlendi en þau, sem hafa hér verið talin, hafa mun minni
útbreiðslu áafréttinum. Víðáttumest þeirra eru stinnastarargróðurhverfin
(G4 og G,), sem þekja nær 8 prósent af gróðurlendinu. Þau myndast við
það, að votlendi þornar vegna áfoks eða af öðrum orsökum.
Graslendi, snjódældir, jaðar, þursaskeggs- og móasefsmóar og nýgræð-
ur eru um samtals 11 prósent af gróðurlendinu.
Ástand gróðurlendisins
Astand gróðurlenda má marka af ýmsu. Bezti mælikvarðinn er að öðru
jöfnu þéttleiki gróðursins og gróðurfar eða tegundasamsetning gróður-
lendanna. Því þéttari, sem gróðurinn er að öðru jöfnu, því betra er ástand
gróðurlendanna. Á gróðurkortum sést, að gróðurhverfi mosaþembunnar