Múlaþing: byggðasögurit Austurlands - 01.01.2007, Page 127

Frá Jökuldalsfólki
Arnaldsstaðir var kirkjujörð frá
Valþjófsstað, svo Guðmundur hefur verið
leiguliði. Fjölskyldan er þar á manntali árið
1801, en fluttist að Glúmsstöðum árið 1803
hvar þau voru til vors árið 1814 er þau
fluttu aftur heiin í Hnefilsdal. Við komuna
að Hnefilsdal er Guðmundur kallaður Mr.
(herra) í húsvitjunarbók Hofteigs, og
nokkuð víst er að slíka titla fengu ekki aðrir
en sjálfseignarbændur, og mun hann því þá
hafa haft eignarhald á jörðinni.
A þessum tíma bar svo til að vinnukona
í Hnefdsdal varð Guðmundi freisting, og
eignuðust þau son sem mun hafa fæðst um
1815, og hlaut nafnið Snorri. Móðir hans
var Valgerður Gunnlaugsdóttir (9633) frá
Hjarðarhaga, en hún átti svo Jón
Ingimundarson (11461) og bjuggu þau í
Klausturseli (ættfærslan er röng í Ættum
Austfirðinga, sjá Múlaþing 22. hefti -
Ingimundur Jónsson frá Hlíð bls. 165-181).
Snorri átti Ragnhildi Sveinsdóttur (1943)
frá Bessastöðum í Fljótsdal og reistu þau
sér nýbýli í Fossgerði á Jökuldal á árunum
eftir 1845. Frá þeim eru komnar ættir.
Magnús Guðmundsson, Árnasonar
sem fæddur var á Amaldsstöðum 1791, átti
Sigríði Jónsdóttur frá Vaðbrekku
(1372,2101), og vom þau gefín saman í
Valþjófsstaðakirkju hinn 2. júní 1814, og
svaramenn voru feður þeirra beggja.
Sigríður var dóttir Jóns Andréssonar, þ.e.
Fríska Jóns á Vaðbrekku í Hrafnkelsdal og
konu hans Sólveigar Eiríksdóttur, og var
hún fædd þar 1. desember 1795. Þau
Magnús bjuggu á Glúmsstöðum næstu
misseri og var móðir bónda, Helga Vigfús-
dóttir, ungu hjónunum til aðstoðar um sinn,
og beið með að fara heim í Hnefílsdal. Þau
voru vafalaust leiguliðar á Glúmsstöðum,
og sumarið eftir hinn 6. júní 1815 fæddist
dóttir þeirra sem skírð var Helga, í höfuð
ömmu sinnar í föðurætt, sem þá var talin
húskona hjá syni sínum. Trúlega hefur alltaf
verið ætlun þeirra að flytjast heim í
Hnefílsdal sem fyrst, sem þau létu verða af
um vorið eða sumarið 1816.
Þau Magnús og Sigríður bjuggu næstu
árin í tvíbýli með foreldrum hans í
Hnefilsdal. Árið 1835 er hann talinn
eigandi ábúðar, svo trúlegt er að faðir hans
sem fyrr átti jörðina muni nú hafa eftirlátið
honum gögn hennar og gæði, sem þó að
líkindum var aðeins helmingur hennar
þegar hér var komið, samanber það sem
síðar kemur fram. Göinlu hjónin foreldrar
Magnúsar, þau Guðmundur og Helga, bæði
hátt á áttræðisaldri um þær mundir, hann
fæddur um 1758, en hún 1756, voru líka í
Hnefílsdal og lifðu af sínu svo þau voru
ekkert upp á son sinn komin. Þau létust
bæði í hárri elli i Hnefilsdal; hann árið
1842, 86 ára, en hún 1845, 89 ára.
Börn þeirra Magnúsar og Sigríðar urðu
þrjú talsins, svo ekki var ómegðinni fyrir að
fara, en þau voru:
Helga, sem fædd var á Glúmsstöðum 6.
júní 1815 átti fyrst Eyjólf Bjarnason í
Hjarðarhaga og var seinni kona hans, þau
barnlaus, en síðar Stefán Jónsson á
Skjöldólfsstöðum; þau áttu tvær dætur.
Guðmundur, sem fæddur var í Hnefíldal
30. október 1818 átti Jórunni Brynjólfs-
dóttur frá Hlíð í Lóni, þau bjuggu í
Hnefilsdal, barnlaus.
Hávarður sem fæddur var í Hnefílsdal
11. desember 1823 átti Hallfríði Péturs-
dóttur frá Hákonarstöðum, þau bjuggu á
Gauksstöðum. Frá þeim er komin ætt, bæði
hér heima og vestan hafs.
En árið 1835 var tvíbýli í Hnefilsdal eins
og löngum fyrr, auk húsmennskufólks, en
ábúð á hinum partinum hafði systursonur
Magnúsar, Andrés Guðmundsson, en móðir
hans var Guðrún (1381) sú hin eldri sem
fædd var (í Hnefilsdal) árið 1781. Kona
125
L