Strandapósturinn - 01.06.1997, Side 9

Jóhannes Jónsson frá Asparvík:
Heima-
slóðir
Brimsorfin strönd þar sem boðaföll hrynjandi æða
og beljandi sæstormar roksönginn hástöfum æfa,
hrikaleg fjöll, sem í reisn sinni rísa til hæða
með raufar og skörð, en yfir þeim tindarnir gnæfa.
Grjótflug og skriður úr hamrabeltunum hrynja,
hafísinn stefnir sem óvinafloti að landi,
niður frá öldum sem brotna við ströndu og stynja,
stormvakið hafíð sem ógnar með voða og grandi.
Miðnótt og sólgeislabirta á blikandi öldum,
sem bráðnandi gull er víðátta hafsins að líta,
andvarans hugljúfir ómar á kyrrlátum kvöldum,
kliðmjúkir vortónar hljóma og þögnina slíta.
Náttúran brosir og náttdöggvuð jörðin grætur,
í norðaustri blikar árdagsins glóandi sindur.
Hilla nú uppi hátt yfir fjallsins rætur
í heiðblámans veldi Skrælingi og Kálfatindur.
7