Strandapósturinn - 01.06.1997, Side 16

með mismunandi blæbrigðum. Flestir ganga þeir á einhvern
hátt út á amstur mannskepnunnar við að sjá fyrir sér og sínum.
Já, tíminn er undarleg skepna.
Veðurfar: Hvað veðurfar varðar verður ekki annað sagt en árið
1997 hafi verið gott ár. Það byrjaði með áframhaldi á því góð-
viðri sem ríkti síðustu vikur fyrra árs. I janúar héldust síðan still-
ur mestan part mánaðarins, gæftir voru góðar til sjávarins, en
snjólítið og góð yfírferð á landi.
Sama tíðarfar hélst fram eftir febrúar, en um miðjan
mánuðinn fór nokkuð að þústna að og um 20. gerði norðaustan
hríðarskot með verulegum fannburði. Snjóalög voru nú nokkur
út mánuðinn.
Mars var aðal snjóamánuður ársins, en veður voru þó ekki
mjög stríð. Norðan og norðaustanáttir voru ríkjandi og bætti á
snjó mestan hluta mánaðarins, án þess þó að gengi á með stór-
hríðar.
Fram eftir apríl var sama tíðarfar, en um miðjan mánuð brá
til breytilegrar áttar og snjóa tók að leysa. Upp úr sumarmálum
var að mestu leyti autt í byggð. Nokkrar kalskemmdir urðu um
þetta leyti á ræktuðu landi þegar snjóa leysti af sólbráð um daga,
en jörð stokkfraus við skaflarendur um nætur.
I maí var ríkjandi hæg norðaustanátt svo veður var kalt en
stillt. Gróður hófst því ekki að ráði fyrr en um miðjan mánuðinn
og fór síðan hægt fram. Aftur á móti var þetta hagstæð tíð fyrir
sauðburð sem að mestu leyti fer fram á húsi og gæftir voru góð-
ar hjá grásleppuveiðimönnum.
Júní var fremur þurr og kaldur og norðanátt ríkjandi. Viku af
júní gerði norðan hret og festi snjó í byggð, einkum norðan til
í sýslunni. Það tók þó fljótt af. Gróðri fór hægt fram. Nokkru
kann að hafa valdið að klaki fór seint úr jörð.
Júlí byrjaði með sama veðurfari. Um það leyti leit illa út með
grassprettu og heyskap, en um 10. júlí breyttist til hins betra
með hlýindin. Urðu nú allir dagar mánaðarins eftir það hlýir og
tóku nú grös að spretta ört. Jafnvel kalskellurnar frá tveimur síð-
ustu vetrum greru nú upp. Sá galli fýlgdi þó gjöf Njarðar að
óvíða kom þurr dagur það sem eftir lifði mánaðarins.
14