Strandapósturinn - 01.06.2003, Blaðsíða 78

var fædd í Drangavík og skápurinn smíðaður á Ströndum.
Einnig munir frá Melum í Hrútafirði, signet Jósefs Jónssonar og
rakhnífur og slípiband sem Jón sonur hans átti og notaði.
Allir munir sem berast eru skráðir samviskusamlega í aðfanga-
bækur safnsins og nákvæmar upplýsingar tölvuskráðar í Sarp.
Þannig er auðvelt að leita upplýsinga um muni og gefa svör ef
fyrirspurnir berast. Allnokkuð er um að haft sé samband þegar
fólk vanhagar um upplýsingar um einstaka menn eða sveitabæi
á svæðinu.
Framhald var á góðu samstarfi við ýmsa aðila sem tengjast
minjavörslu í landinu. Þór Hjaltalín er minjavörður Norður-
lands vestra og fór forstöðumaður í nokkrar ferðir með honum
að yfirfara og merkja friðlýstar fornminjar. Búið er að skoða og
skrá ástand flestra friðlýstra minja í Strandasýslu. Þær eru um 12
talsins og dreifast um alla sýsluna, meðal þeirra er Gvendarlaug
á Klúku í Bjarnarfirði og Trékyllisnaust í Arnesi í Trékyllisvík.
A vegurn Þjóðminjasafns íslands var fundað um sjóminjar í
landinu. Rennur sumum til rifja hve lítið hefur verið hugað að
varðveislu sjóminja á Islandi. Nokkrir fundir voru haldnir á ár-
inu sem forstöðumaður tók þátt í, þar kom fram vilji til að halda
betur um og efla það starf sem er í gangi hjá mörgum byggða-
söfnum varðandi sjóminjar. Eins kom fram sú skoðun að varla sé
þörf á sérstöku sjóminjasafni fýrir landið í heild, heldur sé eðli-
legra að byggða- og sjóminjasöfn sérhæfi sig og sinni einstökum
þáttum eða byggðarlögum. Horft er til þess að Byggðasafnið að
Reykjum haldi áfram utan um og sinni sérstaklega hákarlaveið-
unum.
Avegum Þjóðminjasafns hefur einnig verið unnið að sérstakri
safnastefnu fyrir söfnin í landinu og samráðsfundir voru haldn-
ir um allt land. Fundur fýrir Norðurland vestra og Strandir var
haldinn á Gauksmýri í Húnaþingi vestra. Auk þjóðminjavarðar,
Margrétar Hallgrímsdóttur, og safnamanna sátu fulltrúar sveitar-
félaga og ferðaþjónustu á svæðinu fundinn. Margt gott kom þar
fram en lögð var áhersla á að skýra sérstöðu svæðisins og greina
starfsemi safnanna. Drög að sameiginlegri safnastefnu hafa nú
litið dagsins ljós og má nálgast hana á vef Þjóðminjasafnsins:
www.natmus.is.
76