Saga - 2013, Side 79

Þingkonur Kvennalistans færðu í orð þá togstreitu milli sérstöðu
og jafnræðis sem hér er til umfjöllunar. Kristín Halldórsdóttir hélt á
lofti sérstöðuhugmyndum og sagði að Kvennalistinn hefði lagt til
hliðar hugmyndir um jafnrétti sem fælu „í sér rétt kvenna til að fá að
vera eins og karlar“. Kvennalistakonur vildu að konur yrðu metnar
á eigin forsendum til jafns við karla, þær hefðu „ekki nokkurn
skapaðan hlut á móti því að störf … [væru] flokkuð í sérstök kvenna-
og karlastörf …“ heldur hvernig þjóðfélagið mæti þessi störf. Það
samræmdist ekki hugmyndum Kvennalistans um jafnrétti og kven-
frelsi að ganga út frá þeirri grundvallarhugsun að jafnréttisbarátta
kvenna miðaði að því að líkja eftir körlum, að konur hlytu „að stefna
að því að fá að vera eins og karlar og taka þátt í þjóðfélaginu á for-
sendum karla“. Og Kristín spurði: „Er þetta það jafnrétti sem við vilj-
um stefna að?“68 Guðrún Agnarsdóttir sagði að bæði frumvörpin
gengju út frá þeirri grundvallarhugsun að til þess að öðlast jafnrétti
þyrftu konur að „ganga í störf karla og klífa upp verkefna- og virð -
ingarstigann til að ná því þrepi þar sem karlar standa … að komast í
fótspor karlanna“.69
Svavar Gestsson greip þráðinn frá Kvennalistakonum, gerði
sérstöðu og jafnrétti að umtalsefni og sagði að hvorugt væri raunhæft
án hins:
Sú jafnréttisbarátta sem ber ekki fulla virðingu fyrir sérstöðu kvenna
og karla í okkar samfélagi er dæmd til að mistakast. Ég held að við eig-
um í þessari jafnréttisumræðu að viðurkenna sérstöðu kvenna og þá
möguleika fyrir samfélagið í heild sem í þeirri sérstöðu felast um leið
og við segjum: Við viljum að konur og karlar hafi jafnan rétt hlið við
hlið þar sem um er að ræða umræðu eða átök um verkefni, laun eða
annað sem er að öllu leyti sambærilegt … Það er ekki uppi sú hug-
mynd á bak við flutning þessara mála að slá striki yfir þá sérstöðu sem
hér er og ber að virða þó að krafist sé jafnréttis.70
„færar konur“ 77
68 Vef. Alþingi. Kristín Halldórsdóttir. 22.10.1984. Neðri deild: 5. fundur, 107. lög-
gjafarþing. 48. mál, jöfn staða og jafn réttur kvenna og karla. http://
www.althingi.is/altext/gomulraeda.php4?rnr=200&lthing=107&dalkur=365,
21. janúar 2013.
69 Vef. Alþingi. Guðrún Agnarsdóttir. 25.04.1984. Neðri deild: 76. fundur, 106.
löggjafarþing. 243. mál, jöfn staða og jafn réttur kvenna og karla. http://www.
althingi.is/altext/gomulraeda.php4?rnr=4302&lthing=106&dalkur=4883, 21.
janúar 2013.
70 Vef. Alþingi. Svavar Gestsson. 30.04.1984.
Saga vor 2013 NOTA_Saga haust 2004 - NOTA 8.5.2013 12:22 Page 77