Saga - 2013, Page 106

sína“.19 Börkur fór með fjölmenni á skipi og lagði nærri þingstaðn -
um, segir sagan. Það er fjarska líklegt að menn hafi sótt vorþing ein-
mitt til að finna aðra að máli eða stunda viðskipti, hvort sem goði
þeirra átti aðild að þinginu eða ekki, samkvæmt reglu um þrjá goða
í þingi. Þetta má hafa í huga þegar fjallað er um Þórsnes. Engin leið
er að vita hversu mikil brögð kunna að hafa verið að slíkri þingsókn,
sem átti sjálfsagt ekki síst við um utanþingsgoða og höfðingjasyni
og stórbændur. Skipaferðir og þinghald gat ýtt undir að vitund
vaknaði í röðum þessa fólks um að það ætti sameiginlegt að vera
breiðfirskt, Breiðafjörður sameinaði það. Vegna bátsferða gat Þórs -
nes orðið þingstaður fyrir allt Breiðafjarðarsvæðið.
Hestar á sjó milli Reykhóla og Tjaldaness
Sögunni víkur aftur að Gesti Oddleifssyni í Haga á Barðaströnd. Í
Laxdælu segir frá því að hann hélt einhverju sinni til alþingis og er
orðað svo: „Þetta sumar fór Gestur til þings og fór á skipi til
Saurbæjar sem hann var vanur. Hann gisti á Hóli í Saurbæ. Þeir
mágar léðu honum hesta sem fyrr var vant.“20 Þetta um ferð á skipi
fyrst og síðan á hestum er athyglisvert. En líka það að Gestur telst
hafa átt hér reglubundnar ferðir og hitt vini sína, aðra Breiðfirðinga.
Fleiri hafa brugðið á sama ráð, að nota bæði bát og hesta í sömu
ferð, og kemur fram að menn fóru á bátum yfir Breiðafjörð og fengu
svo hesta lánaða á Geirröðareyri (Narfeyri), eins og nefnt var.
Kosturinn við að fara um Saurbæ og sjóleið var sá að þannig
losnuðu ferðalangar við langa og torsótta landleið um firðina í
Barðastrandarsýslu. Ekki hefur verið minnst um vert að losna við
ferð um Gilsfjörð, sem lengdi mjög landleiðina frá Barðaströnd og
t.d. yfir í Borgarfjörð. Þórður kakali fór úr Saurbænum sjóleiðina
vestur í Hagavaðal árið 1242, öfuga leið við Gest, og hefur væntan-
lega skilið hesta sína eftir hjá Sturlu Þórðarsyni á Staðarhóli.21
Árið 1234 fóru synir Þórðar Sturlusonar á skipum milli Reykhóla
og Saurbæjar.22 Eitt af hinum stóru skipum við Breiðafjörð var fyrr-
nefndur Langhúfur, sem virðist hafa verið á forræði Þórðar og sona
helgi þorláksson104
19 Gísla saga Súrssonar. Vestfirðinga sǫgur, bls. 89.
20 Laxdœla saga. Útg. Einar Ól. Sveinsson. Íslenzk fornrit V (Reykjavík: Hið
íslenzka fornritafélag: Reykjavík 1934), 95.
21 Sturlunga saga II, bls. 8.
22 Sturlunga saga I, bls. 376.
Saga vor 2013 NOTA_Saga haust 2004 - NOTA 8.5.2013 12:23 Page 104