Saga - 2013, Side 118

fjallað um dómsmál og jafnframt viðskipti á þeim hluta vorþingsins
sem nefndist skuldaþing. Þá hefur Þórður trúlega beitt sér þegar
kaupskip var í Dögurðarnesi, sem var eina kauphöfn erlendra skipa
við Breiðafjörð í tíð hans, svo vitað sé. Um 1200 skiptu stórgoðar sér
af verðlagi, máli og vog.
Við fráfall Hrafns 1213 hafa möguleikar Þórðar aukist. Er þess
að gæta að Sturlungar áttu góða bandamenn á Brjánslæk og í
Flatey. Þá hefur styrkt mjög stöðu Þórðar að Haukur prestur, sonur
Þorgils prests á Skarði, settist að í Haga á Barðaströnd. Niðurstaða
þeirra feðga og presta, Þorgils og Hauks, var að fá Þórði Sturlusyni
goðorð ættarinnar og vera í gagnkvæmu stuðningsbandalagi við
hann.
Þegar Hrafn féll frá varð Þorvaldur Vatnsfirðingur að hverfa af
landi brott í þrjá vetur, 1214–1217. Á sama tíma kom Sighvatur sér
fyrir nyrðra. Á þessum árum hófst sennilega einstakt blómaskeið
fyrir Þórð við Breiðafjörð. Frá 1222 stóð honum hins vegar ógn af
Sturlu Sighvatssyni, sem sat á Sauðafelli og lét eins og hann ætti
einn rétt til að fara með Snorrungagoðorð sem þeir Sturlusynir áttu
að þriðjungi hver. Árið 1224 tjaldaði Þórður búð Snorrungagoðorðs
á alþingi (Hlaðbúð) en Sturla Saurbæingabúð og hefur ágreiningur
um meðferð Reyknesingagoðorðs, goðorðs Þorgils Oddasonar, því
væntanlega verið á dagskrá líka.65 Til marks um mátt Þórðar og
völd er það t.d. að hann hafði uppi vorþing á Þórsnesi 1227 og
virðist hafa ráðið þar öllu sem hann vildi og tók upp goðorðið fyrir
Sturlu. Hafði Þórður þá Þórsnesingagoðorð og taldi sig hafa meiri
hluta í Snorrungagoðorði. Árið 1235 ætlaði hann enn að hafa
vorþing á Þórsnesi en hætti við og ekkert varð af því.66 Þannig virð -
ist hann hafa getað haldið vorþing í Þórsnesi eftir því sem hentaði
honum. Staðarval Þórsnesþings sýnir auðvitað að þangað sóttu
menn úr eyjunum; ef ekki hefði verið vegna klaustursins hefði Þórð -
ur sennilega átt bú á Helgafelli.
Þórður missti frillu sína 1224 og gerði sama ár brúðhlaup til
Valgerðar, dóttur Árna í Tjaldanesi. Þetta býli var auðsæilega mikil -
vægt í valdabaráttu, og styrkti hjónabandið sjálfsagt stöðu Þórðar.
Um 1225 stofnaði Þórður svo bú í Hvammi. Mikilvægast var hon-
um þó líklega að erfingjar Reyknesingagoðorðs, Páll Hallsson og
Gunnsteinn bróðir hans, studdu hann og sama gerðu hinir gömlu
helgi þorláksson116
65 Sturlunga saga I, bls. 304.
66 Sama heimild I, bls. 315 og 383.
Saga vor 2013 NOTA_Saga haust 2004 - NOTA 8.5.2013 12:23 Page 116